Lamentations 3:38 - Buka Blahi Ka Cheke Holo

³⁸ God mae ihei te haghe fara igne ngala te tangomana te cheke, eghuteuna glepo te keli ba puhi biꞌo teu igre ginau thoke mei.

Lamentations 3:38 ပူးပေါင်းရင်းမြစ်များ

Profet Isaia 45:7

Iara neke vuhadi naphae ghe gromno. Eghuteuna iara neke jaola neke tusu lao nakarha te keli nei snakre lao hoholo biꞌo ka naiknore. Iara Lord te edi glepo igre.

Profet Emos 3:6

Jame te kufli kate posa mei magra ka namono na, ba, naiknore na theome mhaghu? Jame kaisei namono thoke mei tagna kaisei hoholo biꞌo, unha eghu te ghathoni ghotilo na? Lord neke theome kuru meini hoholo igne? Uve, cheke igre thofno tutuani fara!

Profet Jeremaea 32:42

Iara Lord, iara cheke eghu, “Iara thegu na eni puhi biꞌo igne mala thokedi mare. Eghuteuna iara thegu ginauna tusu ranghidi glepo te keli jateula teke nhaꞌa chekeni iara ka mare ia eghu, mala athini mare thofno nakarha te keli na.

Thoutonu Eigna Mae Job 2:10

Nu Job ne cheke eghu, “Iagho thosei cheke fameomekro jateula tuana eghu! Kate tusu mei God glepo te keli ka tahati na, tahati kelitada kate hata na. Naugna unha site khuru cheke tahati kate tusu mei mana puhi biꞌo ka tahati grea?” Neuba puhi biꞌo te diꞌa fateote'o igre ne thokeni Job, Job theome cheke diꞌa.

Nodi Khoje Hatimare Mae Jiu 75:7

Nu kaisei God thegna ngala te tangomana te mala fatedi naikno te gnafare. Mana ngala nate chekeni ihei nate au papara na nei ihei nate theome au papara na teuna.

Proveb 29:26

Kmana mae tangomana te cheke famaemahe ka lida gna kantri na mala toghodi. Nu Lord kaisei ngala mae ihei te mala vahidi noda cheke tahati re te mala doglo ka tathagna mae mala fate na.

Fapea Samuel 16:10

Nu mae Devet ne cheke eghu ka phei mae thabusigna igre, mae Abisae ghe mae Joab, “Ghopa thosei nanga nomi ka puhi igne! Jame te cheke Lord ka mana mala cheke fadiꞌa ghau iara tekuna, ihei gne te au nogna nolaghi te mala lhotini mana na? Theo kolho.”

Eklesiasti 7:14

Kate keli gobigna lepore ka nakarhamu na, iagho mala gleale'a. Nu kate theome keli gobigna lepore, iagho mala laseni igne, eigna God neke tusu ranghi nigho narane te keli nei narane te diꞌa. Eghume, tahati theome laseni unha nate thoke mei ke leghugna te lehe tahati na.