Lamentations 3:36 - Buka Blahi Ka Cheke Holo

³⁶ Lord ginauna jaola laseni te theome leghuni mae fate na puhi te doglo na kate fate ghita tahati na.

Lamentations 3:36 ပူးပေါင်းရင်းမြစ်များ

Profet Habaku 1:13

Iagho thono blahi fara, eghuteuna iagho theome magnahaghei te filoni kaisei glepo te diꞌa. Naugna unha sagho te au kmu te theome paradi naiknodi Babilonia te diꞌa igrea? Mare lalamadi fara naikno te doglo te uludi mare igre.

Profet Isaia 59:15

Gognarona theo kaisei naikno te doglo na, nu jame ihei te koko puhigna te diꞌa igre na, keha naiknore ginauna nake goigoni ni mana.” Lord ne filodi naikno te theome doglo puhidire ne diꞌanagnafa gna.

Profet Jeremaea 22:3

Lord ne cheke eghu: Ghotilo mala leghuni kolho puhi te keli nei doglo teuna. Ghotilo toghoni mae ihei te blau mare nogna glepore igne. Ghotilo thosei chaghidi ba falehedi naikno te mei funudi ka kantri delei, ba thau tela lehehi khetodi, ba goro sua tela lehehi idodi ba kmadi. Eghuteuna ghotilo thosei fiti falehedi naikno te au ka namono igne.

Fapea Samuel 11:27

Eghuteuna kate gnafa nogna narane diꞌanagnafa Batseba na, mae Devet ne fatei cheke ka naꞌa mala mei au ka nogna suga na. Mae Devet ne tolaghi ka Batseba ne au kaisei thugna nalhaꞌu. Nu Lord ne theome magnahagheni unha te eni mae Devet igne.

Diutronomi 25:1

Mae Moses neke cheke eghu, “Jame phia mae fari fapholai, phia mare tei ka fate mala fadoglini fapholai igne. Eghuteuna mae fate na ginauna cheke fajiflani ihei te doglo na, nei ihei te nabagna te au papara na.

Nodi Khoje Hatimare Mae Jiu 94:5

Lord God, mare goigonidi fara nou naikno iagho re. Uve, mare para ghami fara ghehati nou naikno iagho gre.

Proveb 24:12

Iagho thosei cheke eghu, “Iara theome laseni glepo tuana!” God na laseni thiꞌamu iagho na. Naugna mana te reireghini nakarhagna naikno na. Mana ginauna foli fapulo ka naikno te gnafare leghuni unha teke eni mare na.

Lamentations 3:59

Iagho filodihi mae naoka te goigoni ghau iara gre. Nu gognarona iagho fate ka puhi te doglo, fakakhana sagho te doglo iara na.