Lamentations 3:31 - Buka Blahi Ka Cheke Holo

³¹ Lord theome tangomana te thodo ghita fabrahu na.

Lamentations 3:31 ပူးပေါင်းရင်းမြစ်များ

Nodi Khoje Hatimare Mae Jiu 94:14

Lord na ginau theome figri tagrudi nogna naiknore. Uve, mana ginau na theome tangomana te figri tagru ghita tahati nogna naikno mana gre.

Nodi Khoje Hatimare Mae Jiu 77:7

“Ba? Nomi Lord ghehati gne la tirogna ghami hila ghehati fabrahu signea? Ba? Mana ginauna tirogna phile hila ka ghehati?

Profet Jeremaea 32:40

Eghuteuna iara ginauna eni kaisei nhaꞌa cheke nate au fabrahu baludi. Iara ginauna eni fabrahu glepo te keli na ka mare, mala ghatho tahu ghau iara, eghuteuna mare ginauna na theome tei koko ghau iara.

Profet Isaia 57:16

Iara ginauna na theome figri tagru ghami, ba diꞌatagu ka ghotilo, naugna jame te eghu fabrahu iara na, ghotilo ginauna na glaꞌe soru. Uve, jame te eghu ghotilo na, ghotilo iheire teke tusu ari iara nakarha na tami ra ginauna lehe.

Ululahu Samuel 12:22

Lord na magnahagheidi naiknore te ghatho tahuni nanghagna mana na, naugna igne te theome tei koko ghami mana na, eghuteuna mana neke vahi ghami ghotilo mala nogna naikno mana.

Profet Maeka 7:18

Lord, theo kaisei God jateula iagho teuna. Iagho paradi nou naiknore, nu iagho atha fadelei nakhibodi iheire te karha teu eghuteuna iagho theome tangomana te goigonidi mare na. Iagho ginauna na theome diꞌa tamu fabrahu, naugna leuleghu fata na iagho glealeꞌa kolho fagaglana gna iagho te ghatho tahu ghami ghehati.

Profet Jeremaea 33:24

“Naugna unha sagho te fanomho ka nodi cheke naiknodi keha kantri igrea? Mare cheke eghu, ‘Ulu lahu na Lord neke vahidi naiknodi Israel nei naiknodi Juda te mala nogna thegna. Nu gognarona mana la tirognadihi.’ Eghume mare filo faparidi nogu naikno iara re, eghuteuna mare theome ghathoni ghotilo te kaisei naikno kolho na.

Profet Jeremaea 31:37

Eigna theo kaisei naikno tangomana te fafaja ba te skel nauthoglu igne, iara ginauna na jaola theome thodoni vikegna Israel, neuba mare neke tapla jafra fabrahu ka nakhibo.” Igne chekegna Lord.

Profet Nahum 1:12

Lord ne cheke eghu, “Ghotilo naiknomi Juda! Neuba naiknodi Ninive igre ne kmana fara, ba nheta fara ulu ghami ghotilo, nu iara ginauna na goigoni fahuidi. Eghuteuna theo kaisei ka mare nate karha na. Iara neke para ghami ghotilo, nu iara ginauna nake theome eni nafnata puhi igne ka ghotilo.

Fapea Samuel 14:14

Tahati te gnafa na, tahati ginauna lehe. Eghuteuna gleheda tahati na jateula khoꞌu te thofa soru ka glose na ia kolho, eghuteuna theome tangomana kaisei naikno na teke hata fapulogna na tuia eghu. Nu God na theome tangomana te hata fadelei nakarhagna naikno na. Theo. Mana ginauna hironi kaisei nabrou eigna ihei te au khaba ka mana na mala ke pulo mei.

Ululahu Kings 11:39

Naugna nakhibo te edi King Solomon igre, iara ginauna paradi vikegna King Devet igre, nu papara igne ginauna na theome eghu fabrahu.’ ”

Profet Isaia 27:8

Puhi te para ghita na te khi fajifla ghita mana te mala tei kokoni tahati noda namono igne. Uve, nolaghi te khi ghita mana igne jateula nolaghi gna nuri te brana te ghaghafa mei ke maghati ra eghu.