Lamentations 3:29 - Buka Blahi Ka Cheke Holo

²⁹ Te keli na mana au faparini thegna, glahu mei Lord toghoni mana ginauna.

Lamentations 3:29 ပူးပေါင်းရင်းမြစ်များ

Thoutonu Eigna Mae Job 40:4

“Iagho laseni, iara theome naba te cheke na. Unha nate chekeni iara ginauna? Iara ginauna fofotho foflogu na.

Letas Teke Riso Tei Mae Pol Ka Khiloau Rom 3:19

Tahati lasenihi, naikno te gnafa te au ke parigna nogna vetula God na mala leghuni unha te chekeni ka nogna vetula God na. Eghume theo kaisei naikno tangomana te chekeni ne theo nakhibogna teuna, nu God ginauna fatedi naikno te gnafa ka nauthoglu igne.

Luku 18:13

“Nu mae mala salo takis gne kegra neu delei. Kate tarai na mana tirogna filo haghe kligna. Mana ne tutini babangogna na, naugna mana ne diꞌanagnafadi fara nakhibognare ne tarai eghu, ‘God kokhoni ghau iara, mae te diꞌa gne.’ ”

Profet Sefanaea 2:3

Ghotilo te au ka kantri igne, ghotilo leghuni Lord! Ghotilo naikno te nhaꞌa fapari ghami themi ra, eni unha te chekeni mana na. Ghotilo eni unha te doglo na nei au fapari ghami themi. Jame te leghuni ghotilo unha te chekeni iara igne na, jau God ginauna na theome para ghami ghotilo.

Profet Jona 3:9

Jame te eghu tahati na, glahu kokhoni ghita God, eghuteuna mana ginauna na tughu gaoghathogna na theome diꞌatagna ka tahati, eghuteuna mana ginau na theome falehe ghita.”

Profet Joel 2:14

Jame te figri mei ghotilo ka Lord noda God na, mana tangomana teke tughu gaoghatho teke kokhoni ghita, nei fablahi ghita teu te mala ke kmana gheda gano na. Eghuteuna tahati ginauna tangomana teke fafara gano nei waen teu ka Sugablahi igne.

Profet Esikiel 16:63

Uve, iara ginauna nake togho nigho mala doglo iagho ka tathagu iara na eidi glepo diꞌa te gnafa teke edi iagho ra, eghuteuna kate ghathodi iagho re, iagho ginauna mamaja nou fara na theome chekeni kaisei glepo. Igne nogu cheke iara Lord God.”

Fapea Kronikols 33:12

Mana au papara ne diꞌanagnafagna fara, aonu mana ne tarai ne toreni God mala toghoni. Mana nhaꞌa faparini thegna neke figri ka Lord nodi God kuꞌegna tifa ra.

Thoutonu Eigna Mae Job 16:15

“Iara diꞌanagnafagu fara eghume iara pipichi ka pohe thona, eghuteuna iara gnokro pari lamna nakrofu balu tanhi fagaglanagna nogu diꞌanagnafa na.