Lamentations 3:26 - Buka Blahi Ka Cheke Holo

²⁶ Te keli na tahati jame au kmu, ofoni Lord mala mei fakarhi ghita.

Lamentations 3:26 ပူးပေါင်းရင်းမြစ်များ

Nodi Khoje Hatimare Mae Jiu 37:7

Iagho megei gnokrou rhegna Lord. Au kmu ofoniu mana mala togho nigho. Thosei diꞌanagnafamu kate atha nodi kmana glepo te keli ka puhi te edi mae re. Tutuani fara, iagho thosei ngana nou ka mae te ghathodi thua nafnata puhi te diꞌa igre te edi haghe puhi tuare.

Nodi Khoje Hatimare Mae Jiu 37:34

Fatutuani ka Lord nei leghudi nogna puhi mana re eghu. Te eghu iagho na, mana ginauna fafnakno nigho iagho, eghuteuna iagho na tangomana te khotogna vido glose teke tusu ari mana ka iagho igne. Eghuteuna iagho ginauna na filoni mana nate kuru teini mae te diꞌa na.

Nodi Khoje Hatimare Mae Jiu 130:5

Iara ofoni kolho Lord, naugna iara magnahagheini fara mana te togho ghau na. Eigna iara fatutuani ni fara unha te chekeni mana na.

Hibru 10:35

Eghume, thosei ghatho peapea naugna God ginauna thofno tabadi iheire te loku famaku ka nodi fatutuani na te ghilei thoke ka narane leghu lahu.

Jenesis 49:18

Aonu mae Jekop ne cheke eghu ka God, “Lord, iara ofo nigho mala mei fakarha ghau ka khamedi iheire te magnahaghei fakokhoana ghau iara igre.

Ululahu Pita 1:13

Eghume gognaro na ghotilo tarabana fabrahu nagnafamire mala leghuni Lord nei filo fakeli eghu. Eghuteuna farerheta gaoghathomire ka glepo te keli God nate tusu ranghi ghami ka narane ke pulo meigna mae Jisas Kraes.

Hibru 3:14

Eni igne naugna tahati hui mala kaisei balugna mae Kraes, eghu te loku famaku fabrahu tahati u fatutuani teke kulu au ka tahati igne.

Profet Isaia 30:15

Lord nodi God maedi Israel te blahi igne, mana cheke eghu fabrahu, “Jame te koko ghotilo puhimi te diꞌare teke figri mei ka iara na, iara ginauna na fakarhi ghami ghotilo. Uve, jame te fatutuani ghau iara ghotilo te au kmu ka puhigu iara na, iara ginauna na farerheta ghami ghotilo. Nu ghotilo tiromi te eni igne na!

Nodi Khoje Hatimare Mae Jiu 119:166

Lord God, iara rouronu ari ka iagho te mala mei fakarhi ghau na, nei iara leghudi kolho nou vetula iagho re.

Nodi Khoje Hatimare Mae Jiu 119:174

Lord God, iara magnahaghe nigho fara te mei fakarhi ghau na. Nou famane farirhiu iagho re faglealeꞌa ghau fara iara.

Fapea Kronikols 20:17

Ka narane tuana, ghotilo thosei magra ka mare. Nu ghotilo kegra heta, tarabana ofou kolho. Iara ginauna magra ranghi ghami ghotilo, eghuteuna ghotilo ginauna filo ghau iara Lord nate uludi mare na. Ghotilo thosei mhaghu nei glaꞌe soru eghu. Nathuꞌu na ghotilo ginauna tei ke uludi mare, eghuteuna iara ginauna au balumi ghotilo.’ ”

Nodi Khoje Hatimare Mae Jiu 54:6

Lord, iara keli tagu kolho te fafara ka iagho na. Iara ginauna na cheke fakeli nigho eigna iagho ne thofno keli fara.

Nodi Khoje Hatimare Mae Jiu 52:9

God, iara ginauna cheke fakeli nigho fabrahu eidi glepo teke edi iagho ra. Iara ginauna na chekedi glepo igre ke uludi nou naikno iagho re na cheke eghu, “God na ne eni ka iara puhi te keli na.”

Nodi Khoje Hatimare Mae Jiu 73:28

Nu iara thofno keli tagu fara te au namo ka iagho God. Lord God, iagho nogu vido keli mala poru iara, eghume iara magnahagheni fara te toutonudi gobigna lepo teke edi iagho ra.

Galesia 4:18

Glepo keli fara naiknore te magnahaghei fofodu ka ghotilo na, eghu jame te ghathoni mare glepo te keli na. Eghuteuna te keli na mare jame jateula tuana eghu fabrahu, thosei eni kolho kate au teu iara balumi ghotilo na.

Profet Isaia 30:7

Nu Ijep theome tangomana te togho ghami ghotilo na. Gaoghathodi mare na, nheta fara jateula mogo biꞌo fara te au ka thongna te kiloi Rehab. Nu Lord na kilodi mare, Theo nafudi, naugna mare ne gnokro kolho ne theo kaisei nodi nolaghi te mala togho ghami ghotilo na.”

Nodi Khoje Hatimare Mae Jiu 92:1

Lord God, iagho thofno God te nolaghi fara, thofno keli fara te cheke fakeli nigho iara na. Uve, thofno keli fara te cheke fakeli nigho iara ka khoje na.

Eksodas 14:13

Nu mae Moses ne cheke eghu ka naiknore, “Thosei mhaghu! Kegra heta eghuteuna ghotilo ginau na filoni Lord nate fakarha ghami ghotilo ka mae Ijep gre gognaro na! Ghotilo filodi mae Ijep are gognaro na, nu ke leghu na ghotilo ginau na nake theome filodi tathadire tifa tifa.

Profet Isaia 7:4

Iagho cheke eghu ka mana, ‘King Ehas! Iagho thosei nanga nou nei mhaghu eghu! Iagho thosei snakreni gaoghathomu na mala glaꞌe soru. Fanomho mei sagho! Iagho thosei mhaghudi phei mae king tuare. Diꞌatadi phiamare ka iagho tuana jateula gagahudi phei nakrono te namo lehe ra eghu kolho.

Profet Jeremaea 14:22

Ba, nodi god mae bongihehe igre au nolaghi te mala snakre mei nakhete ka ghehati na? Ba, maloa thegna kolho te au nolaghi te mala snakre mei nakhete ka ghehati na? Thono theo fara! Lord nomi God, kaisei iagho kolho te tangomana na. Ghehati fatutuani nigho iagho kolho, naugna iagho kolho te tangomana te edi gobigna lepore.

Lamentations 3:27

Te keli na tahati jame hata farirhiu ka mana kani majaghaniu.

Eksodas 14:14

Megeu kolho si ghotilo, Lord thegna ginau na magra tughu ghami ghotilo. Nu ghotilo na theome eni kaisei glepo ka mare eghu.”

Nodi Khoje Hatimare Mae Jiu 62:2

Kaisei mana ngala te mala doadofra ghau nei togho ghau teu iara na. Kaisei mana ngala te mala bara fothi ghau iara na. Eghume iara gne theome tangomana te mhaghuni ihei te mei magra ghau nei tapla soru ghau teu.

Profet Habaku 2:3

Naugna narane te mala thoke meidi gobigna lepo teke fakakhana iara ka iagho igre na theome raugha thoke mei. Jame gaoghathomu iagho na glepo igre ginauna theome ghosei mei eghu. Nu iagho ofou kolho, naugna glepo igre ginauna thoke mei ka thofno narane gna na.