Lamentations 3:2 - Buka Blahi Ka Cheke Holo

² Mana khi fajifla ghau iara kate phae na, mala au iara kate romno.

Lamentations 3:2 ပူးပေါင်းရင်းမြစ်များ

Profet Isaia 59:9

Aonu naiknore ne cheke eghu ka Lord, “Lord, ghehati laseni unha te fanogra nigho iagho te theome fakarhi ghami ka nodi nolaghi mae iheire te para ghami igre. Ghehati magnahaghei fara te au kate phae, nu gromno kolho te toku tafru ghami na.

Thoutonu Eigna Mae Job 30:26

Aonu kate hironi iara puhi te keli na, nu puhi te diꞌa kolho te mei goigoni ghau iara na. Eghuteuna kate ofoni iara naphae na, gromno kolho te soru mei na.

Letas Teke Rioriso Mae Jud 1:13

Nafnata naikno igre tahati filodi koba puhidi te diꞌare. Naikno tuare jateula galo te pulei mei kmana chara ka glilihi ia eghu, ba jateula nathunu te tei kokodi vido mala audira eghu kolho. God la kulu tarabanahi namono te romno fara na mala audire, mare naꞌau papara fabrahu jare tifa tifa.

Letas Teke Rioriso Mae Jud 1:6

Eghuteuna ghotilo ke ghatho fapulo dila hatimare mae engel. God neke tusu ranghidi nolaghi biꞌo. Nu keha ka mare theome magnahagheni nolaghi igne ne rikhani nodi famane namono nafnakno na. Aonu God ne reridi ka chen te maku ne koko laodi ka namono te romno fara na. Mare na ofou ka namono tuana ghilei thokeni narane biꞌo te mala fatedire.

Lamentations 2:1

Lord ne toku tafru namono Jerusalem kate diꞌatagna na. Diꞌatagna mana igne jateula saeklon biꞌo te toku tafru namono na ka gromno biꞌo ra neu. Tifa na Jerusalem gne neke kaisei famane namono agne Israel, aheva te au nogna Sugablahi funei na. Nu ka narane te diꞌatagna Lord igne, mana goigoni namono igne, eghuteuna mana theome ghatho tahuni Sugablahi igne.

Profet Jeremaea 13:16

Ghotilo mala ghatho tahuni Lord, mae ihei te nomi God ghotilo. Uve, ghotilo fafnaknoni Lord, glahu kuru meini mana gromno na mala totokhei ghotilo ghahemire kate tei ghotilo ka thogelero. Ghotilo magnahagheni fara naphae na, nu mana ginauna kuru meini gromno na mala theome filoni ghotilo kaisei glepo.

Profet Jeremaea 4:23

Ka mifi igne iara ne theome filoni kaisei glepo ka nauthoglu igne. Kate filo haghe iara kligna na, iara ne filoni maloa na ne kafe romno soru.

Thoutonu Eigna Mae Job 18:18

God ginauna hata fadeleini mana ka nauthoglu te phae igne, mala tei mana ka vido aheva te romno na.

Diutronomi 28:29

Fari hotei naublatha na, ghotilo ginauna ngafa khame tafri jateula mae te dofu ra eghu, eghuteuna ghotilo ginauna na theome tangomana te thafoni nabrou aheva te magnahaghei tei ghotilo tagna na. Eghuteuna gobigna lepo te edi ghotilo re ginauna theome keli. Leuleghu fata na nomi naoka ghotilo igre ginauna cheke fapari ghami, chaghi ghami nei blau ghami, eghuteuna theo kaisei naikno nate fakarhi ghami ghotilo na.