Lamentations 3:17 - Buka Blahi Ka Cheke Holo

¹⁷ Gognarona iara theome au ka pharikeli, eghuteuna iara ghatho iho nogudi puhi teke au glealeꞌa ra.

Lamentations 3:17 ပူးပေါင်းရင်းမြစ်များ

Profet Isaia 59:11

Ghehati mhaghu nomi fara, nei jaola diꞌa nagnafami eghu. Leghu fata na, ghehati magnahaghei nigho te mei fakarhi ghami, nu puhimu iagho te doglo na khaba fara ka ghehati.

Profet Sekaraea 8:10

Tifa ka narane tuare, naiknore theo nodi sileni mala foli naikno nei glepo tautagu eghu mala loku. Theo kaisei naikno tangomana te ei nogna bisnis na naugna mae naoka igre faninhigrana fara nakarha na ranghidi naiknore. Eghuteuna iara na snakredi mare mala goigonidi kheradi re.

Lamentations 1:16

“Naugna igne te tanhini fara iara na, eghuteuna kholodi phei tathagu iara re oro soru ka thinigu iara na. Eghuteuna theo kaisei naikno te au teu jare te mala farhetani gaoghathogu iara na. Mae naoka gre ulu ghau iara, eghuteuna nogu naikno iara re ne rhana nodi fara.”

Profet Jeremaea 16:5

Aonu Lord ne cheke eghu, “Jeremaea, iagho thosei tei ka suga te au naikno te diꞌanagnafa nei tanhidi teu eidi naikno tela lehehi ra. Eghuteuna iagho thosei diꞌanagnafa nei tanhi eghu baludi, naugna gognarona iara na theome fablahidi. Eghuteuna iara ginauna na theome ghatho tahudi nei na theome kokhonidi eghu.

Profet Jeremaea 14:19

Lord, naugna unha sagho te figri tagruni kantri Juda gnea? Naugna unha sagho te theome magnahagheni namono biꞌo Saion gnea? Naugna unha sagho te fakabru ghami ghehati te theome tangomana ghehati teke keli fapulo gnea? Ghehati magnahaghei fara te au ka pharikeli, nu theo kaisei glepo te keli te thoke mei na. Ghehati magnahagheni fara te gnafa fogra igne, nu puhi biꞌo kolho te mei te mhaghu nomi fara ghehati na.

Profet Jeremaea 8:15

Tahati magnahaghei te au ka pharikeli kolho, nu theo kaisei glepo te keli kolho te eni tahati na. Tahati magnahaghei te thoke mei narane te mala ghaota noda ka khabru na, nu mae naoka kolho te mei te famamhagu ghita na.

Profet Isaia 54:10

Neuba thogele nei gukhu teu igre ne bruja ne vuhai nakrofu, puhigu iara te ghatho ghami ghotilo fabrahu igne theo ka gnafa gna. Nhaꞌa cheke teke eni iara te au fakeli ghotilo ka pharikeli igne, iara ginauna tathaji fabrahu.” Igne chekegna Lord mae ihei te kokhoni ghami ghotilo.

Profet Isaia 38:17

Iara nabagu te au papara na, mala filo glani iara nou namha biꞌo iagho, te fakarhi ghau iara ka hoholo biꞌo igne. Eghuteuna iagho la hata kokohi nakhibogu iara re, la koko faleghuhi ke leghumu, la ghatho iho noudihi.

Nodi Khoje Hatimare Mae Jiu 119:155

Iagho ginauna thosei fakarhidi naikno te diꞌa are, naugna mare ne tirodi leghudi nou vetula iagho re.

Thoutonu Eigna Mae Job 7:7

“God, iagho ghatho meini nakarhagu iara gne. Nakarhagu iara na jateula katha nuri ikoi eghu kolho. Jau iara ginauna na theome filoni kaisei glepo te keli.

Jenesis 41:30

Nu ke leghudi fitu finogha tuare, keha fitu finogha te mala theo gano te rofo na ginau thoke mei. Ka narane tuare, naiknore ginauna na theome ghathodi finogha te keli te au kmana gano fara gognaro igre, naugna narane rofo nate thoke mei igne ginau goigoni ni fara namono biꞌo Ijep.

Profet Jeremaea 12:12

Mae naoka ginauna mei ke kligna thogele namono nagou mala goigoni gobigna lepo ka glose igne. Mae igre jateula nogu naflahi biꞌo iara Lord eghu, naugna iara teke kuru meidi re mala paradi naikno ka glose igne, eghuteuna theo kaisei naikno nate karha na.