Lamentations 3:11 - Buka Blahi Ka Cheke Holo

¹¹ Mana loki ghau iara, eghuteuna korho fadelei ghau iara ka nabrou na ne goigoni ghau iara. Eghuteuna lisei soru ghau iara ka vido aheva te theo kaisei naikno te mala togho ghau iara na.

Lamentations 3:11 ပူးပေါင်းရင်းမြစ်များ

Profet Hosia 6:1

Naiknore na cheke eghu, “Tahati nake figri ka Lord. Eigna mana ne snakre mei ka tahati fogra biꞌo igne mala thoke ghita tahati, nu mana tangomana te fagnafani fogra ka tahati. Mana kolho teke nhaꞌa mei thubu igne, nu mana tangomana na teke fakeli ghita tahati na.

Lamentations 1:13

“Mana kuru soru khaꞌaghi funu kligna ne gnhubra glamnagu iara na. Mana ne lilisei kaisei phighoro malagu iara, mala uka iara. Mana tei koko ghau iara, mala glaꞌe soru iara.

Thakle 18:19

Aonu mare na ghiha keha glose ka pha'udire naugna mare ne diꞌanagnafadi fara na cheke eghu balu tanhi, “Icho idomi, ghotilo te au namono biꞌo, puhi biꞌo na mei ka ghotilo! Naikno te gnafa te tei tafri ka thongna ka nodi vakare, mare dedei nodi fara naugna mare neke fofoli ka ghotilo kmana glepo te keli. Nu namono biꞌo na thono diꞌa fara ke lamnagna ka katha vido kolho.”

Matiu 23:38

Eghume gognarona God ginauna tei kokoni nomi namono ghotilo gne mala nagou.

Profet Maeka 5:8

Naikno teke au faleghu Israel igre ginauna kate au rheta farihoteidi naikno te jateula lion te tei hiro glepo tautagu mata ba sipu ka sare mala ghamu. Kate dedi sipu igre, naꞌa gasa kolho tei kathu sasakadi, eghuteuna theo kaisei naikno tangomana te fakarhidi re.

Profet Daniel 7:23

“Aonu mae ihei te ghusnani iara igne ne cheke eghu ka iara, ‘Gaoghathogna mifi igne na eghu agne. Fafati glepo tuana eigna fafati kantri nate kegra haghe ginauna, nu kantri igne ginauna nhogri ka keha kantri te funei fruni igre. Kantri igne ginauna goigonidi fara keha kantri ka nauthoglu igne.

Profet Jeremaea 32:43

Gognarona naiknore cheke eghu, ‘Maedi Babilonia atha namono igne la goigoni fara jateula namono nagou te theo kaisei naikno ba glepo te tautagu te au tagna ia eghu.’ Nu ginauna na theome eghu. Ke leghu na, naiknore ginauna foli glose ka namono igne.

Profet Jeremaea 19:8

Iara ginauna goigoni namono igne, eghuteuna naikno te filoni igne ginauna cheke fadiꞌani. Iheire te salaꞌu ka vido igne ginauna mare rhana fara cheke fadiꞌani.

Profet Jeremaea 6:8

Ghotilo naiknomi Jerusalem! Ghotilo fanomho mei ka nogu cheke iara igne! Na eghunu tei koko ghami iara eghu, eghuteuna nomi namono ghotilo igne ginauna krogha jateula namono nagou ra eghu na theo kaisei naikno te au tagna na.”

Profet Jeremaea 5:6

Naugna igne, Lord ginauna paradi mae igre. Mana ginauna na jateula kaisei lion te jifla mei funu mata ra eghu mei falehedi mare. Eghuteuna kaisei khuma mata ginauna mei funu ka namono nagou mala mei goigonidi mare. Kaisei khurau biꞌo ginauna ofou rhedi namono biꞌo igre malagna ihei te jifla mei ka namono tuana mala kina sasakani theo tokagna. Uve, Lord ginauna paradi mare, naugna nakhibodire kmana fara, eghuteuna kmana fata mare tei kokoni Lord.

Profet Isaia 3:26

Aonu naikno te gnafa ka nomi namono te theome lehe nga teura ginauna diꞌanagnafa nei tanhi eghu, naugna namono igne ginauna na jateula kaisei gaꞌase te mei naikno te hata fateo nogna gobigna lepora eghu.

Nodi Khoje Hatimare Mae Jiu 50:22

“Ghotilo naikno te ghatho iho ghau iara ra, ghotilo fanomho fakeli ka gobigna lepo igre. Te theo ghotilo na, iara ginauna na fadidiꞌa ghami ghotilo, eghuteuna ginauna na theo kaisei mae te nabagna te mala fakarhi ghami ghotilo na.

Thoutonu Eigna Mae Job 16:7

God, iagho bukri soru ghau iara pari, eghuteuna iagho thofno goigoni ni tharaknagu iara na.

Nodi Khoje Hatimare Mae Jiu 143:4

Eghume iara gognaro na namo nigrahila nei jaola la namo gnafahila nogu gaoghatho te kelire.

Profet Jeremaea 15:3

“Iara Lord ginauna kurudi fati glepo mala goigonidi mare: Mae naokare ginauna mei falehedi mare. Khumare ginauna mei tungnu fadelei thinidire. Eghuteuna nanghaji nei glepo tautagu teu igre ginauna ghamu fateo thinidire.

Lamentations 3:10

Mana ofo ghau iara, jateula bea ba lion te ofo teu te mala hata unha te mei salaꞌu jare na mala ghamu.