Lamentations 2:9 - Buka Blahi Ka Cheke Holo

⁹ Grengatha te gnafa ka namono biꞌo na ne khoko pari ne thafru ka glose, eghuteuna loki re ne klopa. King baludi nogna mae funei re, naoka hata tei au ka keha kantri delei, eghuteuna theo kaisei naikno teke farirhiudi naiknore nogna vetula God na. Eghuteuna Lord theome fakakhana mifi ka hatimare mae profet.

Lamentations 2:9 ပူးပေါင်းရင်းမြစ်များ

Profet Esikiel 7:26

Thua nafnata puhi biꞌo ginauna mei, eghuteuna nonomho te diꞌa gre ginauna jaola mei. Mare ginauna hiro profet mala nomhini cheke te mei funu ka God, nu theo kolho. Nodi famane farirhiu mae pris ra ginauna dofidi, eghuteuna mae biꞌo ra ginauna jaola theome au tadi gaoghatho te keli mala toghodi mare.

Profet Hosia 3:4

Naiknodi Israel igre mala jateula igne eghu mala au faraugha katha vido. Eghuteuna mare na theo kaisei nodi mae king, ba kaisei nodi mae mala baubatu. Eghuteuna mare ginauna na theome tangomana nate fafara ka mumuju na, ba theome tangomana nate fakegra haghe kaisei thina mala tarai ka mana. Mare ginauna na theome hata kaisei mumuju, ba kaisei nafnata glepo te mala filo glanidi unha nate thakle mei nathuꞌu nauriha.

Nehemaea 1:3

Aonu mare ne cheke eghu ka iara, “Naikno karha teku teke figri ka nohi Juda ra, puhi biꞌo thoke ghami ghehati, eghuteuna ghehati thono mamaja nomi fara. Gringni thinagna namono biꞌo Jerusalem ia la diꞌahi, eghuteuna grengathagna ra gnhubrahi ka khaꞌaghi.”

Fapea Kronikols 15:3

Lord na noda God tahati maeda Israel. Mana ngala te God tutuani na, nu kuꞌeda tahati ra la raugha te theome tarai ka mana na. Mare theo mae pris te mala farirhiudi re, eghuteuna mare jaola theome lasedi nogna vetula God re.

Profet Jeremaea 51:30

Mae nheta te mala magra Babilonia igre ginauna theome tangomana nate magra na. Mare ginauna poru kolho ka vido te keli. Mare na glaꞌe soru jateula gaꞌase eghu kolho. Suga gna namono igne ginauna nhako ka khaꞌaghi, eghuteuna grengathagna baragna namono igne ginauna kafe phaꞌe.

Nodi Khoje Hatimare Mae Jiu 74:9

U fagaglana te mala filoni ghehati nou nolaghi iagho na la theohi. Gognaro na theo kaisei mae profet te au na, aonu theo kaisei mae ka ghehati niha nau nate ari te gnafa na puhi igne.

Diutronomi 28:36

“Lord ginauna kuru fajifla ghami ghotilo balugna nomi king na, eghuteuna ghotilo ginauna tei ka keha kantri te khaba fara aheva ghotilo nei kuꞌemi ra eghu te theome tangomana laseni. Kate au teu ghotilo ka kantri tuana, mare ginauna huhuru ghami ghotilo mala tarai nei pogho soru eghu ka mumuju god teke horo kolho ka thaba nei thina.

Profet Esikiel 17:20

Iara ginauna sakuni mana jateula nanghaji te khale ka fangna te saku ra eghu, mala hata tei Babilonia. Jare iara ginauna parani mana, naugna mana ne tirogna ghau iara nei theome ghatho tahu ghau iara.

Profet Esikiel 12:13

Nu iara Lord ginauna lilisei kaisei phighoro mala khaleni mana. Eghuteuna iara ginauna hatani mana mei ka namono Babilonia. Mana ginauna na au fabrahu ka namono te au mana na ghilei lehe, na theome filoni nogna namono na.

Lamentations 4:20

King igne neke vavahi Lord, mana jateula te louloku teu eghu nakarhada tahati gre. Tahati gaoghathoda na mana tangomana te reireghi ghita ka keha kantri are neku, nu naoka hata fajiflani mana ka tahati.

Lamentations 4:15

Naiknore ne eha eghu fabiꞌo ka mare, “Tei nomi delei! Ghotilo thosei habo ghami ghehati! Ghotilo theome gae ka tathagna God na!” Eghuteuna kate rikha tafri mare na, naiknodi keha kantri igre ne cheke eghu ka mare, “Mare theome tangomana te au balumi ghehati agne na!”

Lamentations 1:3

Mae naoka mei goigoni naiknodi Juda, eghuteuna hata fajifladi ka nodi namono na. Gognarona mare tei au ka keha kantri delei, aheva mare te theome tangomana te kiloi namono. Mae naoka lokidi mare, mala theome tangomana mare te rikha na.

Profet Jeremaea 52:14

Nogna soldia manare tei ne paꞌe soru gringni te gnafa te au ligohoni namono na.

Profet Jeremaea 39:8

Ka narane tuana, maedi Babilonia igre ne gnubra nogna suga king na baludi nodi suga naiknore, eghuteuna mare jaola ne paꞌe soru gringni gna namono na.

Profet Jeremaea 39:2

Eghuteuna ka fanheva narane gna fafati nhigra ka fabotho finogha te king mae Sedekaea igne, hatimare mae armi ne roꞌeni gringni gna namono Jerusalem.

Profet Jeremaea 14:14

Aonu Lord ne cheke eghu ka iara, “Mae profet igre toutonu chaichaghi ka nanghagu iara. Iara neke theome kuru meidi mare, eghuteuna iara jaola neke theome tusu lao cheke ka mare. Cheke te edi mae profet ka ghotilo igre, cheke chaichaghi jifla mei ka gaoghathodi thedi kolho. Mare toutonu chaichaghi eidi mifi teke theome filodi, ba glepo te theo nafudi teke edi kolho ka glas.

Fapea Kings 25:7

Mare filo neu mae Sedekaea ne aknu falehe thugna mana re. Eghuteuna mare ne bilo koko phei tathagna mae Sedekaea re, aonu mare ne haru phei khamegna manare ka chen hata ne tei Babilonia.

Profet Jeremaea 23:16

Lord mae ihei te au nolaghi fateote'o igne ne cheke eghu, “Ghotilo thosei fanomho ka nodi cheke mae profet igre. Mare toutonu chaghi ka ghotilo, eghuteuna ghotilo na ofoni unha nate theome thoke mei tutuani na. Mae igre chekedi koba mifi te jifla mei kolho ka gaoghathodi thedire, mifi igre neke theome mei funu ka iara.

Profet Hosia 11:6

Uve, naugna te leghudi kolho mare gaoghathodi thedire, mae naokare ginauna mei goigoni nodi namono biꞌo mare na. Eghuteuna grengathagna nodi namono biꞌo mare igne ginauna groꞌe theo tokagna.

Profet Emos 1:5

Iara ginauna paꞌe soru grengatha thina ka namono biꞌo Damaskas. Uve, iara ginauna kafe falehedi hui naikno te gnafa te au ka namono igne tei posa ka sugagna king, mae ihei te funei ka glogu Aven te tei posa ka namono biꞌo Bet-Eden. Iara ginauna hata fajifla naiknodi Siria igre mala ke pulo Kira ka nodi vido glose mae ku'edi tifa ra.” Igne chekegna Lord.

Diutronomi 28:63

Mei te posa gognarogne, kate leghuni Lord ghotilo na mana neke keli tagna ka ghotilo neke tusu ranghi ghami nakarha te keli neke thovu neke kmana naikno. Nu jame te theome leghuni ghotilo mana na, mana ginauna keli tagnau kolho te thofno goigoni ghami ghotilo na. Jateula mae ihei te rathu koko buburu te diꞌa ka nagare ra eghu, mae naoka igre ginauna mei hata fajifla ghami ghotilo ka glose nate tei te hata ghotilo igne.

Ululahu Samuel 28:6

Aonu mana ne tarai ne toreni Lord unha nate eni mana na. Nu Lord ne theome cheke tughuni nogna tharai mana na, eghuteuna theo kaisei cheke tughu te mei ka mifi, ba ka hatimare mae pris, ba ka hatimare mae profet.

Profet Isaia 24:12

Sugare la breku tafri, eghuteuna bara gna namono na la thono diꞌa fara.