Lamentations 2:8 - Buka Blahi Ka Cheke Holo

⁸ Lord au nogna gaoghatho rheta te mala paꞌe soru gringni thinagna Jerusalem. Mana fafajahi gringni thina igne, eghuteuna fakakhana nogna nolaghi na mala goigonidi mare. Mana koko sorudihi pari mala jateula mae te nigra ra eghu mare mala diꞌanagnafa nei tanhi eghu.

Lamentations 2:8 ပူးပေါင်းရင်းမြစ်များ

Fapea Kings 21:13

Iara ginauna para ghami ghotilo, jateula teke paradi iara naiknodi Samaria balugna King Ehab nei vikegna teku mana ra. Iara ginauna hata fadelei ghami ghotilo mala famane gae namono igne, jateula tapera te famane titihi te gae, eghuteuna fapogru sukha teura eghu.

Profet Jeremaea 14:2

“Jeremaea, naikno igre tanhi nei diꞌanagnafa eghu heva heva ka kantri Juda. Naikno te au ka namonore kafe glaꞌe soru, nei diꞌa nagnafadi fara eghu eidi nodi glose te mojare. Eghuteuna naikno te au ka namono Jerusalem tanhi mei fabrahu ka iara.

Profet Isaia 34:11

Nanghaji nei thua nafnata nakrudu nei naꞌao langau eghu ginauna au ka namono igne, eghuteuna namono igne ginauna nodi reꞌe. Lord ginauna roꞌeni Idom mala jateula narane teke theome vuavuha nga teku nauthoglu igne eghu.

Profet Isaia 3:26

Aonu naikno te gnafa ka nomi namono te theome lehe nga teura ginauna diꞌanagnafa nei tanhi eghu, naugna namono igne ginauna na jateula kaisei gaꞌase te mei naikno te hata fateo nogna gobigna lepora eghu.

Profet Jeremaea 5:10

“Iara cheke ranghi ghami ghotilo mae naokara te mala haghe goigonidi nodi nagare grep naikno igre. Nu thosei goigoni fahui eghu. Kato koko gregedi gaju grep te gnafa are, naugna grege tuare theome nogu iara.

Profet Esikiel 20:22

Nu iara neke theome eni igne, naugna jame eni iara igne meuna, naiknodi keha kantri te au falithuidi mare igre ginauna faparini nanghagu iara na. Naugna mare laseni teke hata fajifla iara nogu naiknore ka kantri Ijep. Jame te theome leghuni iara nogu nhaꞌa cheke igne na, mare ginauna famamajani nanghagu iara na ka tathadi naiknodi keha kantri are.

Lamentations 2:17

Tifa na Lord neke ghathonihi glepo igne mala eni neku. Uve, gognarona mana la enihi unha teke chekeni mana tifa ia. Mana la goigoni nighohi, eghuteuna mana theome kokhoni nigho iagho kolho. Mana tusu lao nolaghi biꞌo ka nogna naokare mala tangomana mare te glealeꞌa te mala ulu nigho iagho na.

Lamentations 2:5

Lord jateula mae naoka te mei goigoni ni Israel eghu. Mana jaola goigoni vido mala poru, baludi nodi suga biꞌo naikno te dedei. Mana eni igne ka naiknodi Juda mala diꞌanagnafadi fara nei tanhi eghu mare.

Lamentations 2:2

Suga te gnafa ka namono te gnafa Juda igre, Lord theome kokhoni nognadi. Mana diꞌatagna fara ne paꞌe soru ne gnafa suga mala poru ka namono igne. Mana goigoni fahui kantri igre baludi hatimare mae funei te gnafa igre mala mamaja nodi naiknore.

Profet Isaia 28:17

Puhi te doglo te mala fateni naikno na ginauna jateula gagha te mala ghogrei suga ia eghu. Eghuteuna puhi te mala eni glepo te keli na jateula led te mala doglo gna gringni thina ia eghu. Fila balu nakhete ginauna soru mei mala roꞌedi nomi cheke chaichaghi te rouronudi ghotilo are. Eghuteuna khoꞌu biꞌo ginauna britha mala mei pala koko saosagro te ghathodi na fakarhi ghami teu ghotilo are.

Profet Isaia 5:5

Iara ginauna chekeni ka ghotilo unha nate eni iara ka nagare igne. Iara ginauna paꞌe soru bara igne mala mei naikno nei buluka eghu mala tapla ke kligna gna.

Thoutonu Eigna Mae Job 13:21

Glepo ulu lahu na, thosei para ghau. Fapea glepo na, thosei famamhaghu ghau.

Fapea Samuel 8:2

Mana jaola ne tei goigonidi mae Moab, eghuteuna mana ne fathuru sorudi pari ka glose na ne fananaba gnarho mala laseni mae ihei nate lehe ka mare na. Ihei te mei naba kaisei nei phei teuna mala lehe. Nu ihei te mei fatilo na, mae tuana te mala karha. Aonu naiknodi Moab igre ne au ke parigna mana ne foli takis ka mana.

Lamentations 2:18

Ghotilo naiknomi Jerusalem ne eha tei ka Lord! Gringni thinagna Jerusalem, kholodi tathamu iagho are ginauna thofa soru jateula khoꞌu biꞌo eghu bongi narane! Te keli na iagho eghu fabrahu ghilei glaꞌe soru iagho.

Profet Isaia 22:5

Lord God mae ihei te au nolaghi fateote'o igne gognarona vahinihi kaisei narane. Ka narane igne, puhi biꞌo ginauna thoke mei ka ghotilo ka Glogu Mifi igne. Hatimare mae naoka ginauna ulu ghita tahati, eghuteuna gringnigna noda namono tahati igne ginauna groꞌe ka mare. Eghuteuna tahati ginauna tanhi fabiꞌo mala mei keha naiknore mala togho ghita. Nu ka narane igne naogladi noda natanhi tahati re ginauna tei posa ka thogelero eghuteuna ke pulo mei ka theda eghu kolho.

Profet Jeremaea 52:13

Mana ne gnubra ka khaꞌaghi nogna Sugablahi Lord na, nogna suga biꞌo king na, nei suga te gnafa Jerusalem. Mana gnubra ne hui suga ulu te gnafa ka namono na.