Lamentations 2:5 - Buka Blahi Ka Cheke Holo

⁵ Lord jateula mae naoka te mei goigoni ni Israel eghu. Mana jaola goigoni vido mala poru, baludi nodi suga biꞌo naikno te dedei. Mana eni igne ka naiknodi Juda mala diꞌanagnafadi fara nei tanhi eghu mare.

Lamentations 2:5 ပူးပေါင်းရင်းမြစ်များ

Lamentations 2:2

Suga te gnafa ka namono te gnafa Juda igre, Lord theome kokhoni nognadi. Mana diꞌatagna fara ne paꞌe soru ne gnafa suga mala poru ka namono igne. Mana goigoni fahui kantri igre baludi hatimare mae funei te gnafa igre mala mamaja nodi naiknore.

Profet Jeremaea 30:14

Kherami ghotilore ghatho iho ghamihi ghotilo. Mare theome ghatho tahu ghami ghotilo gognarona. Iara para ghami ghotilo, jateula mae naoka te magri ghami ghotilo ra eghu. Papara te snakre mei iara igne ninhigrana fara, naugna nakhibomi ghotilore kmana fara, eghuteuna nabamiu ghotilo te papara na.

Lamentations 2:4

Mana jateula mae naoka te ghao nogna phaloho na mala fada jata na teura eghu, mana tarabana mala goigoni ni Jerusalem. Mana jateula mae naoka te aknu falehedi te gnafa famane naikno ra eghu. Diꞌatagna mana na jateula khaꞌaghi brana te gnhubra namono Jerusalem ra eghu.

Profet Jeremaea 52:13

Mana ne gnubra ka khaꞌaghi nogna Sugablahi Lord na, nogna suga biꞌo king na, nei suga te gnafa Jerusalem. Mana gnubra ne hui suga ulu te gnafa ka namono na.

Fapea Kings 25:9

Mana ne gnubra nogna Sugablahi Lord na, balugna nogna suga biꞌo king na, nei suga te gnafa Jerusalem. Mana goigoni fahui suga te ulu ke lamnagna namono biꞌo igne.

Profet Esikiel 2:10

Mana tothora buka igne ke ulugu iara, eghuteuna mare rioriso cheke te gnafa igre ka phei philegna phepa igne. Mare rioriso eidi nodi khoje paopado, nei diꞌanagnafa, nei natanhi teu naiknore.

Profet Jeremaea 15:1

Aonu Lord ne cheke eghu ka iara, “Jeremaea, fanomho sagho. Jame neubane mei namo ka iara mae Moses ghe mae Samuel phei nogu mae gloku iara tifa ra, neuba phia mare ne mei tanhi ka iara mala toghodi naiknodi Juda igre neu, iara ginauna na theome kokhonidi naiknodi Juda igre. Kuru tei delei naikno igre! Iara theome magnahaghei te filodi agne na!

Thoutonu Eigna Mae Job 13:24

Naugna unha sagho te pophoru tathamu nei foflomu teugre ka iara gnea? Naugna unha sagho te filo mei ka iara jateula nou naoka teugnea?

Nodi Khoje Hatimare Mae Jiu 89:40

Iagho la roꞌe soru nounihi gringni thina ka nogna namono mana na. Uve, iagho la thofno roꞌenihi la theo tokadi vido te mala poru mana re.

Profet Isaia 29:2

Nu iara ginauna mei goigoni ni Jerusalem, eghuteuna ghotilo ginauna au papara nei tanhi eghu koba. Eghuteuna namono igne ginauna jateula nogu olta iara te fodu ka dadara ra eghu.

Profet Jeremaea 21:4

“Ghopa tei cheke ka mae Sedekaea: Lord nodi God mae Israel igne ne cheke eghu, ‘Sedekaea, ghotilo jifla tei magra ka mae king gna Babilonia balu nogna armi te au teu ke kosigna Jerusalem. Nu iara thegu ginauna huta fapulo ghami ghotilo lamna namono balu nomi glepo mala magra.

Ululahu Samuel 28:16

Mae Samuel ne cheke eghu, “Lord na nou naoka iagho la tei koko nighohi. Eghume naugna unha sagho te toreni glepo igne ka iara gnea?

Thoutonu Eigna Mae Job 19:11

God gnubra ghau iara, naugna mana diꞌatagna fara ka iara. Eghuteuna mana kaha ghau iara kaisei nogna naoka mana.

Nodi Khoje Hatimare Mae Jiu 89:41

Naikno te gnafa te salaꞌu ka vido tuana, mare blau fateo nogna glepo mana re, eghuteuna naikno te au namo teu ka mana re mare maꞌeni mana.

Profet Isaia 63:10

Nu mare figri tagruni nei fadiꞌa nagnafani eghu mae Tharunga te Blahi. Eghume, Lord na kela nodi naoka mare, eghuteuna mana nake magra ka mare.