Lamentations 2:4 - Buka Blahi Ka Cheke Holo

⁴ Mana jateula mae naoka te ghao nogna phaloho na mala fada jata na teura eghu, mana tarabana mala goigoni ni Jerusalem. Mana jateula mae naoka te aknu falehedi te gnafa famane naikno ra eghu. Diꞌatagna mana na jateula khaꞌaghi brana te gnhubra namono Jerusalem ra eghu.

Lamentations 2:4 ပူးပေါင်းရင်းမြစ်များ

Profet Jeremaea 7:20

Aonu Lord God ne cheke eghu, “Diꞌatagu iara na ginauna soru mei jateula khaꞌaghi te theome tangomana kaisei naikno te faleheni ra eghu ke kligna gna kantri igne, nei naikno, nei glepo te tautagu, nei gaju, nei gano ka nagare.

Profet Esikiel 24:25

Lord ne cheke eghu ka iara, “Maegna ka nauthoglu. Ka narane tuana iara ginauna hata koko nogu Sugablahi iara te magnahagheni fara nei ghathoni fabrahu teu mare igne, eghuteuna iara ginauna jaola hata fadelei thudi mare igre.

Profet Jeremaea 21:5

Iara thono diꞌatagu fara ka ghotilo, eghuteuna iara ginauna magra heta ka ghotilo.

Profet Isaia 42:25

Mana thono diꞌatagna fara ka tahati. Naugna igne te para ghita fara mana na, nei para ghita kate magra na. Diꞌatagna mana ka tahati igne thono biꞌo fara jateula kaisei khaꞌaghi biꞌo te gnhubra fahui namono te gnafa agne Israel igre eghu. Nu neuba ngau, tahati theome hata gaoghatho ka igre mala ke tughu puhidare.

Profet Jeremaea 30:14

Kherami ghotilore ghatho iho ghamihi ghotilo. Mare theome ghatho tahu ghami ghotilo gognarona. Iara para ghami ghotilo, jateula mae naoka te magri ghami ghotilo ra eghu. Papara te snakre mei iara igne ninhigrana fara, naugna nakhibomi ghotilore kmana fara, eghuteuna nabamiu ghotilo te papara na.

Thoutonu Eigna Mae Job 6:4

God mae ihei te au nolaghi te gnafa igne ne famei papara igne ka iara jateula te fada mei kaisei mae jata khaꞌaghi na ka nagnafagu iara na ia eghu. Jata khaꞌaghi igne tei lamna ka nakarhagu iara na. Iara mhaghu nogu fara te au papara ka puhi biꞌo te kuru mei God ka iara igre.

Profet Nahum 1:6

Eghume, ihei gne te nabagna nate kegra heta kate diꞌatagna mana na? Theo kaisei te nabagna! Kate diꞌatagna na, phei tathagna manare ginauna ukru jateula khaꞌaghi eghu, eghuteuna thina biꞌore ginauna nghuja vuhai nakrofu kolho.

Profet Nahum 1:2

Lord ngala God na, theo ihei nga, eghuteuna mana theome magnahagheni ihei ka nogna naiknore te tufru soru ka mumuju god. Mana diꞌatagna fara ka iheire te theome leghudi nogna cheke mana re. Naugna igne, mana ginauna paradi nafnata naikno igre.

Profet Esikiel 36:18

Iara thono diꞌatagu fara ne paradi mare, naugna mare ne aknu falehe naikno ka namono igne, eghuteuna mare tarai ka mumuju. Mare goigoni namono igne ne theome klino ka tathagu iara na.

Profet Esikiel 22:22

Iara ginauna gahu ghami ghotilo Jerusalem jateula khaꞌaghi te gahu silva ra eghu, eghuteuna ghotilo ginauna lase ghau iara Lord iara gognarona diꞌatagu fara ka ghotilo na para ghami ghotilo.’ ”

Profet Esikiel 6:12

Iheire te au delei igre ginauna lehe ka fogra, eghuteuna iheire te au namo igre ginauna lehe ka magra, eghuteuna iheire te karha teu igre, ginauna lehe ka grofo. Ka puhi igne iara ginauna gnafa te diꞌatagu ka mare na.

Profet Esikiel 5:13

“Ke leghudi glepo igre, papara igne ginauna hui, eghuteuna diꞌatagu iara ka mare igne ginauna jaola hui. Eghuteuna mare ginauna lase ghau iara Lord te chekeni papara igne te mala thokedi mare na naugna iara ne diꞌatagu fara ka mare.

Lamentations 4:1

Tifa na noda gol tahati gre, ulu lahudire neke famane siasigla fara, nu gognarona thofno thona fara. Eghuteuna thina blahi ka Sugagna Lord na igre, naga tafri ke lamna nabrou.

Lamentations 3:3

Mana puri fadiꞌa ghau iara, funu hamerane ghilei romno.

Lamentations 2:5

Lord jateula mae naoka te mei goigoni ni Israel eghu. Mana jaola goigoni vido mala poru, baludi nodi suga biꞌo naikno te dedei. Mana eni igne ka naiknodi Juda mala diꞌanagnafadi fara nei tanhi eghu mare.

Profet Jeremaea 36:7

Jame te keli na mare fanomho nei tughu nagnafa eghu ka cheke te eidi iagho igre. Eghuteuna iagho toreni Lord mala atha koko mana nakhibo te edi mare te diꞌatagnadi mana ka mare igre.”

Profet Isaia 63:10

Nu mare figri tagruni nei fadiꞌa nagnafani eghu mae Tharunga te Blahi. Eghume, Lord na kela nodi naoka mare, eghuteuna mana nake magra ka mare.

Profet Isaia 63:6

Naugna iara thono diꞌatagu fara la goigonidi nei aknu falehedi eghu naikno te gnafa ka keha kantri igre. Uve, dadaradire thofa tongana ka glose na.”

Fapea Kronikols 34:25

Naugna naiknore ne tirodi ghau iara ne gahu insens ka keha god delei, eghuteuna puhidi mare igre te thono diꞌatagudi fara iara re. Eghume iara ginauna na fakakhana diꞌatagu na ka mare, eghuteuna diꞌatagu iara igne theome tangomana te gnafa na.’ ”

Fapea Kronikols 34:21

“Iara nei naiknodi Juda, nei keha naikno te au nga teu Israel igre eghu mala kafe laseni unha te magnahagheni Lord te mala eni ghehati na. Eghume ghotilo tei hironi gaoghathogna Lord eidi cheke te au ka buka teke filoni pris biꞌo igne. Lord na diꞌatagna fara ka tahati, naugna kuꞌeda tahati tifara neke theome leghuni chekegna Lord na nei theome edi unha mala edi tahati teku te chekedi ka buka na igre.”

Nodi Khoje Hatimare Mae Jiu 37:14

Mae te diꞌare na korho fajifla nodi naflahi mala magra re nei na kulu lolho nodi phalohore eghu mala fadi falehedi naikno te kuma nei au kokhonidi teure, nei mala goigonidi eghu naikno te edi puhi te kelire.

Profet Jeremaea 10:20

Nogu suga tapuale iara na la groꞌehi, eghuteuna gnarho te mala loku famakugna na la khusuhi. Nogu naikno iara ra la rikha la tei dofidi. Theo ihei nga na teke babana fapulo nogu suga tapuale iara na.

Profet Esikiel 20:34

Uve, iara ginauna diꞌatagu fara ka ghotilo, eghuteuna iara ginauna hata fapulo ghami ghotilo ka nogu nolaghi biꞌo, ka kantri aheva teke kuru tei ghami iara teke tei au tafri ghotilo tadi are.

Levitikas 26:17

Iara ginauna figri tagru ghami ghotilo, eghuteuna nomi naoka ghotilo are ginauna ulu ghami ghotilo, eghuteuna iheire te susuku ghami ghotilo are ginauna funei fruni ghami ghotilo. Neubane theo kaisei naikno te ngolhi ghami ghotilo na, ghotilo ginauna rikha, naugna ghotilo ne thono mhaghu nomi fara!

Diutronomi 32:22

Diꞌatagu iara na brana jateula khaꞌaghi biꞌo te ghamu fateo gobigna lepo ka nauthoglu igne te ghilei soru pari ka namonodi naikno te lehe ra eghu. Ghemi nagare te gnafa ghotilo are ginauna nhako, eghuteuna ginauna jaola nhako ke paridi thogele are.

Ululahu Samuel 28:16

Mae Samuel ne cheke eghu, “Lord na nou naoka iagho la tei koko nighohi. Eghume naugna unha sagho te toreni glepo igne ka iara gnea?

Thoutonu Eigna Mae Job 19:11

God gnubra ghau iara, naugna mana diꞌatagna fara ka iara. Eghuteuna mana kaha ghau iara kaisei nogna naoka mana.

Nodi Khoje Hatimare Mae Jiu 7:13

Eghuteuna nogna jata khaꞌaghi na mana la kulu tarabana lauhi. Mana la kulu louloku lauhi nogna glepo mala magra igre ka khamegna na.

Profet Jeremaea 42:18

Igne unha te chekeni Lord mae ihei te au nolaghi fateote'o na, nei nodi God maedi Israel, ‘Jame te tei ghotilo Ijep na, iara ginauna diꞌatagu fara ka ghotilo, jateula teke diꞌatagu iara ka naiknodi Jerusalem tifa ra eghu. Ghotilo ginauna theome tangomana na teke pulo mei ka namono igne. Kate ghatho ghami ghotilo na, naiknore ginauna rhana nodi fara na cheke fadiꞌa ghami ghotilo. Naiknore ginauna tibri ghami ghotilo mala thoke ghami ghotilo puhi biꞌo.’ ”

Lamentations 1:13

“Mana kuru soru khaꞌaghi funu kligna ne gnhubra glamnagu iara na. Mana ne lilisei kaisei phighoro malagu iara, mala uka iara. Mana tei koko ghau iara, mala glaꞌe soru iara.

Lamentations 4:11

Lord ne thono diꞌatagna fara, eghuteuna diꞌatagna mana igne jateula khaꞌaghi biꞌo te tofa soru te gnhubra Jerusalem ra neu ne ghilei glose kolho te au na.

Profet Esikiel 7:14

“ ‘Mare kufli, mala kaikaliti tei ka magra. Nu theo kaisei naikno kolho nate tei ka magra na, naugna iara diꞌatagu fara ka mare eghuteuna iara ginauna paradi mare hui.

Profet Esikiel 13:13

“Eghume igne te chekeni Lord na: Naugna iara neke thono diꞌatagu fara, eghuteuna iara ginauna kuru mei nuri rheta, nakhete biꞌo, nei thina aes