Lamentations 2:19 - Buka Blahi Ka Cheke Holo

¹⁹ Leghu bongi, kate tughu mae te reireghi igre, jame te keli na iagho dofra haghe mala tanhi ka Lord. Ngafa haghe khame ka mana, mala toreni mana mala toghodi goro sua. Goro sua igre glehe grofo heva heva ka sulukhugna nabrou biꞌo na.

Lamentations 2:19 ပူးပေါင်းရင်းမြစ်များ

Nodi Khoje Hatimare Mae Jiu 62:8

Kheraguro, God na noda vido keli mala poru tahati. Eghume te keli na ghotilo fatutuani ni fabrahu mana, ghotilo cheke fajifladi puhi te biꞌo te au teu ka nagnafamire.

Profet Isaia 26:9

Leuleghu bongi na, iara magnahaghei nigho fara, eghuteuna hamerane na, tharungagu iara na magnahaghei te au balumu iagho. Kate fateni iagho naiknogna nauthoglu igne, mare ginauna laseni puhimu iagho te doglo na.

Nodi Khoje Hatimare Mae Jiu 142:2

Iara thofno chekedi ka mana nogu puhi nei diꞌanagnafa teure.

Nonomho Te Keli Teke Risoi Mae Mak 1:35

Hamerane boibongi ka keha narane na, mae Jisas dofra ne jifla ka suga na. Mana tei ka kaisei vido te nagou ne tarai jare.

Ululahu Samuel 1:15

Nu naꞌa ne cheke eghu, “Mae biꞌo, iara theome dranga. Iara theome ko'u waen ba beer. Iara diꞌa nagnafagu fara, eghume iara tarai ka Lord. Iara cheke fajifladi unha te fadiꞌa nagnafa ghau gne.

Nodi Khoje Hatimare Mae Jiu 141:2

Iara magnahaghei nigho iagho te glealeꞌa ka nogu tharai iara gre, jateula iagho te glealeꞌa kate gagahu haghe ka iagho u insens te gahu mare pris ra eghu. Uve, Lord, iara magnahaghei nigho iagho te glealeꞌa ka iara kate ngafa haghe iara khamegu na te tarai ka iagho na, jateula iagho te glealeꞌa kate fafara grafiro ra eghu.

Jajis 7:19

Fari hotei bongiro, kate faritughui soldia di Midian te reireghigna vido igne, Gidion balugna kaisei gobi nogna mae te mei kegra faligohoni vido te au armigna Midian igne, mare ne ifu nodi trampet re, nei poposa nodi dis re mala phae jutare.

Nodi Khoje Hatimare Mae Jiu 42:8

God iagho ngala te funei frunini nakarhagu iara gne. Iara gne ofoniu kolho glehe na. Iara laseni ka kaisei narane teuna iagho falalase nou namha biꞌo na ka iara. Eghuteuna leuleghu bongi na iara koje balu tharai ka iagho.

Luku 6:12

Kaisei narane ke leghugna igne, mae Jisas ne haghe ka kaisei thogele ne tarai fabrahu ka God. Mana au jare fabrahu bongi tuana.

Nonomho Te Keli Teke Risoi Mae Mak 13:35

Jateula tuana eghu ghotilo ia mala fiofilo fakeli, naugna ghotilo theome laseni vido narane mala ke pulo meigna mae khoto suga na. Glahula mei fei grafi, ba fari hotei bongiro, ba tanhi khokorako, ba ka phage naprai.

Matiu 14:25

Farihotei tanhi thiloi nei tanhi namnoi hamerane, mae fanomhore au ngala ka mola na. Mae Jisas mei ka mare, nonolo ne mei ke tagru kholo.

Nodi Khoje Hatimare Mae Jiu 119:55

Lord God, bongiro na iara ghatho nigho iagho, aonu iara na leghudi fabrahu nou famane farirhiu iagho ra.

Nodi Khoje Hatimare Mae Jiu 28:2

Fanomho mei sagho ka nogu tharai iara gre. Iara tanhi ka iagho mala togho mei ghau iara. Iara filo lao ka sugamu iagho te blahi na nei ngafa haghe khamegure ne tarai.

Profet Isaia 51:20

Ghotilo uka tafri ke lamna namono biꞌo, naugna ghotilo ne thono glaꞌe fara. Ghotilo jateula kaisei bosu mata te khale ka phighoro ra neu. Diꞌatagna nomi Lord God ghotilo igne thofno thoke ghami ghotilo.

Ululahu Timoti 2:8

Eghume iara magnahaghedi mae nalha'ura heva heva ka khiloau gne mala tarai. Kate tarai na, mare mala au nagnafa te klino nei mala theo diꞌa tadi na ba magra na.

Profet Esikiel 5:16

Iara ginauna theome snakredi puhi te gnafa te mala au gano ghotilo na, mala lehe ghotilo ka grofo. Uve, ghotilo ginauna haimini te jateula te fadi ghami mare ka jata mala lehe ghotilo teura eghu.

Profet Esikiel 5:10

Ghotilo ginauna thafodi narane te thono ninhigrana fara ka grofo. Eghuteuna ka narane tuare kmadire ginauna ghamu thudire eghuteuna thudire ginauna jaola ghamu kmadire eghu. Uve, iara ginauna para ghami ghotilo, eghuteuna khi fajifladi iheire ka ghotilo te karha nga teu are mala tei au tafri ka keha kantri delei, jateula khakla teke kuchi koko ra te flalo te tei tafri ka nuri ra eghu.

Nodi Khoje Hatimare Mae Jiu 134:2

Ghotilo ruma mei ka nogna Sugablahi mana igne mala ngafa haghe khamemi are balu tharai nei kilo fnaknoni mana eghu.

Nodi Khoje Hatimare Mae Jiu 63:4

Iara ginauna na tegio nigho nei pala hagheni eghu nanghamu iagho na ghilei lehe. Iara ginauna na ngafa haghe phei khamegu gre mala tarai ari ka iagho.

Thoutonu Eigna Mae Job 3:24

Kholodi phei tathagu gre te jateula ghegu gano teu iara na. Iara tanhi fabrahu kolho jateula khoꞌu te britha ra eghu.

Ululahu Samuel 7:6

Aonu mare ne kafe khapru Mispa balugna mae Samuel mae ihei te nodi mae funei mare na. Eghuteuna mare ne krisu khoꞌu ne tofa soru ka glose na jateula fafara eghu ka Lord. Eghuteuna mare ne theome ghamu kaisei narane thongana, eghuteuna mare ne cheke thakleni eigna mare te tapla jafra fara ka tathagna Lord na.

Profet Nahum 3:10

Nu neuba namono biꞌo Tebes igne ne au nogna nolaghi biꞌo ngau, nogna naoka naꞌa igre na mei hata naikno gna namono igne mala sneka ka keha kantri delei. Mare na koko soru goro suare pari mala lehe ka vido te gnafa ka namono tuana. Eghuteuna mare na hata goro mae biꞌore mala haru ka chen. Mare hata ne tei goro mae biꞌo igre, mala lalahu khale mala tufa nodi naikno sneka.

Nodi Khoje Hatimare Mae Jiu 42:3

Leuleghu fata na nogu naoka iara gre cheke eghu koba ka iara, “Ahevau nou God iagho na?” Aonu iara loku kolho ka natanhi na. Kholodi phei tathagure ngala te jateula ghegu gano teu iara bongi narane na.

Nodi Khoje Hatimare Mae Jiu 42:4

God, tifara iara neke batudi kmana naikno neke tei ka sugamu iagho na. Iara neke baludi mare neke tei balu glealeꞌa, balu khoje nei balu kilo fnakno nigho. Nu kate ghatho fapulodi iara glepo igre, gaoghathogu na iara tanhi nogu fara.

Nodi Khoje Hatimare Mae Jiu 142:3

Kate glaꞌe soru iara gaoghathogu na iagho laseniu puhi mala teke farerheta fapulo ghau iara na. Hatimare mae naoka gre mare la kulu roghe nodihi te mala goigoni ni u nakarhagu iara na.

Profet Jeremaea 9:20

Ghotilo naiknomi Jerusalem. Lord neke cheke ranghi ghau iara mala toutonu ranghi ghami ghotilo. Eghume ghotilo fanomho fakeli ka nogna cheke mana igre. Ghotilo mala farirhiudi thumi gaꞌase are mala laseni rehati puhi te mala tanhi ka naikno te lehe na. Eghuteuna farirhiudi kherami are mala laseni rehati khoje te mala koje ka naikno te lehe na.

Profet Jeremaea 14:18

Jame te tei iara mata na, iara ginauna filodi iheire teke lehe ka magra ra. Eghuteuna jame te tei iara ke lamna namono na, iara na filodi naikno te lehe ka grofo ra. Hatimare mae profet nei hatimare mae pris teu igre mare toutonu eha tafri heva heva theome laseni unha te eni mare na.’ ”

Profet Maeka 1:16

Naiknomi Juda! Ghotilo mala kuchi khaklami are fagaglana gna te diꞌanagnafa nei tanhi teu ghotilo na. Ghotilo mala kuchi koko khakla re mala klaja, naugna noda naoka tahati re ginauna mei huhurudi goro sua ke namhadi fara tahati gre mala tei au ka nodi namono re.