Lamentations 2:17 - Buka Blahi Ka Cheke Holo

¹⁷ Tifa na Lord neke ghathonihi glepo igne mala eni neku. Uve, gognarona mana la enihi unha teke chekeni mana tifa ia. Mana la goigoni nighohi, eghuteuna mana theome kokhoni nigho iagho kolho. Mana tusu lao nolaghi biꞌo ka nogna naokare mala tangomana mare te glealeꞌa te mala ulu nigho iagho na.

Lamentations 2:17 ပူးပေါင်းရင်းမြစ်များ

Profet Esikiel 5:11

Eghume, Iara eni nhaꞌa cheke igne ka nanghagu iara Lord mae ihei te karha fabrahu tifa te tifa: Naugna ghotilo ne goigoni nogu Sugablahi iara gne ne thona ka tathagu iara na eidi gobigna lepo te diꞌa te edi ghotilo igre, iara ginauna na tirogu ghami ghotilo, eghuteuna iara ginauna theome reireghi ghami ghotilo, ba kokhoni ghami fara ghotilo.

Nodi Khoje Hatimare Mae Jiu 89:42

Iagho neke snakredi hatimare nogna mae naoka mana re mala tapla faparini mana kau magra na, aonu gognaro na mare kelitadi fara te filoni mana te theome nheta.

Profet Esikiel 8:18

Eghume, iara ginauna jaola fakakhana nogu nolaghi na kate diꞌatagu ka mare. Iara ginauna theome kokhonidi ba fakarhidi. Neuba mare ne tarai fabiꞌo jateula te eha fabiꞌo mei ka iara neu, nu iara ginauna tirogu fanomho ka mare.”

Lamentations 1:5

Lord ginauna lisa lao na au papara ke klignadi, naugna mare ne tapla jafra fabrahu ka nakhibo ranghini Mana. Naoka mei funei fruni au fakeli nodi. Neubane goro sua ikodi, naoka mei hata fajifladi ka nodi namono re.

Profet Maeka 2:3

Nu igne unha te chekeni Lord na, “Iara ghaoghatho mala eni puhi biꞌo mala thoke ghami ghotilo, eghuteuna ghotilo ginauna theo kaisei nabrou te mala rikha na. Nu puhi biꞌo igne theome mala tangomana ghotilo te mala fahaehaghe ghami themi jateula te eni ghotilo gognaro na.

Profet Esikiel 9:10

Iara ginauna theome kokhonidi mare, ba fakarhidi mare. Gobigna lepo te diꞌa te edi mare ka keha naiknore igre na nake tughu fapulo iara ka mare.”

Lamentations 2:8

Lord au nogna gaoghatho rheta te mala paꞌe soru gringni thinagna Jerusalem. Mana fafajahi gringni thina igne, eghuteuna fakakhana nogna nolaghi na mala goigonidi mare. Mana koko sorudihi pari mala jateula mae te nigra ra eghu mare mala diꞌanagnafa nei tanhi eghu.

Profet Jeremaea 18:11

“Eghume, ghema Jeremaea, iagho na tei ka iheire te au ka namono Jerusalem nei ka keha vido Juda mala cheke eghu ka mare, ‘Lord ne cheke eghu: Gognarona iara ghaoghatho mala para fadiꞌa ghami ghotilo. Ghotilo te gnafa na mala koko puhimi te diꞌare, eghuteuna ghotilo mala funu leghuni puhi te doglo na mala edi glepo te kelire.’

Nodi Khoje Hatimare Mae Jiu 38:16

Te tore nigho iara na, thosei snakredi nogu naoka iara re mala glealeꞌa kate au diꞌanagnafa nei au papara teu iara na. Kate tapla jafra iara na, thosei snakredi mare mala cheke fahaehaghe nei glealeꞌa eghu ke ulugu iara.

Nodi Khoje Hatimare Mae Jiu 35:24

God, iagho nogu Lord iara, puhimu iagho na thofno doglo fara. Te keli na iagho cheke fajiflani ne mae keli iara puhigu na teuna. Thosei snakredi nogu mae naoka iara gre te mala glealeꞌa kate filoni mare te au diꞌanagnafa iara na.

Nodi Khoje Hatimare Mae Jiu 35:26

Iheire te glealeꞌa kate filoni te diꞌanagnafa iara na, te keli na iagho famamajadi nei faꞌihodi eghu mare. Tapla sorudi sagho mae iheire ne au doglohi thedi ke ulugu iara teu are mala mamaja nodi kolho mare.

Profet Isaia 14:29

Lord ne cheke eghu, “Ghotilo naiknomi Filistia ra! Theome keli te glealeꞌa fabrahu ghotilo na! Tutuani, khodo teke puri ghami iara ia la klopahi. Nu keha khodo na au ngau. Khodo igne jateula kaisei mogo faghughumhu tela lehehi ra eghu, nu thugna te karha teuna jaola faghughumhu.

Profet Jeremaea 4:28

Gobigna lepo ka nauthoglu na igre ginauna tanhi, eghuteuna maloa igne ginauna romno soru. Naugna igne, nogu cheke nei gaoghatho teu iara te mala edi glepo igre ginauna na theome ke tughu.”

Lamentations 3:43

“Diꞌatamu iagho na ngolhi tafri ghami ghilei falehe ghami ghehati, eghuteuna iagho theome kokhoni ghami ghehati.

Lamentations 4:11

Lord ne thono diꞌatagna fara, eghuteuna diꞌatagna mana igne jateula khaꞌaghi biꞌo te tofa soru te gnhubra Jerusalem ra neu ne ghilei glose kolho te au na.

Profet Daniel 9:12

Iagho para ghamihi ghehati baludi nomi mae mala baubatu gre, jateula teke chekeni iagho tifa ia eghu. Iagho ngala teke snakreni glepo te diꞌa igne mala goigonini fara namono biꞌo Jerusalem, salaꞌudi keha namono teke goigoni ka nauthoglu igne.

Profet Sekaraea 1:6

Nu gobigna lepo teke cheke lao iara ka nogu mae profet tifa, mala cheke ka kuꞌemi ghotilo tekura, mare neke tirodi fanomho ka nodi cheke mare igre. Eghuteuna ka puhi igne, iara neke paradi mae kuꞌemi ghotilo ra. “Aonu mare lilisei puhidi mare te diꞌa igre, eghuteuna neke cheke eghu, Lord mae ihei te au nolaghi fateote'o igne, mana doglo kolho te para ghita tahati eidi puhida tahati te diꞌa re. Glepo igre, mana neke ghathodihi mala thoke mei tekuna, eghuteuna glepo igre la thoke meihi ne horoghoto ka unha teke chekeni mana na.”

Ululahu Kings 9:7

iara ginauna na khi fajifla ghami ghotilo mala jifla ghotilo ka namono teke tusu ari iara ka ghotilo igne. Eghuteuna iara ginauna theome au ka Sugablahi teke fablahi iara mala pogho soruni nanghagu iara na teku igne. Eghuteuna naiknodi keha kantri are ginauna cheke fadiꞌa ghami nei maꞌe ghami eghu ghotilo naiknomi Israel.

Nodi Khoje Hatimare Mae Jiu 89:43

Iagho neke goigonidi nogna glepo mana te mala magra re, eghuteuna iagho snakredi hatimare nogna mae naoka mana re mala uluni mana u magra na.

Profet Jeremaea 40:3

Eghuteuna gognarona, mana la enihi glepo igne jateula teke chekeni mana na eghu. Glepo igre thoke ghami ghotilo, naugna ghotilo ne huhughuni nogna cheke Lord na, nei tapla jafra ka nakhibo.

Profet Sefanaea 1:2

Lord ne cheke eghu ka mae Sefanaea, “Iara ginauna goigoni fahui gobigna lepo te au ka nauthoglu igne.