Lamentations 2:15 - Buka Blahi Ka Cheke Holo

¹⁵ Jerusalem, naikno te ari salaꞌu ka iagho are, filo fapari nigho iagho, naugna naoka ra neke mei goigoni nighohi, mare neke cheke fadiꞌa eghu nighohi, “Igne si namono te chekeni mare famane namono ka nauthoglu igne, eghuteuna naikno te gnafa gre kelitadini fara te au tagna?”

Lamentations 2:15 ပူးပေါင်းရင်းမြစ်များ

Profet Jeremaea 18:16

Aonu nodi glose mare na ginau thofno diꞌa fara, eghuteuna naikno te gnafare ginauna cheke faparini glose igne. Iheire te liu tagna na ginauna rhana nodi fara cheke fadiꞌadi mare.

Profet Esikiel 25:6

Iara Lord God cheke eghu: Leuleghu fata na ghotilo theome magnahagheni kantri Israel. Eghuteuna ghotilo proaprosa nei ghasa tafri eghu naugna ghotilo kelitami fara kate filodi nogu naikno iara re te diꞌa ka nodi kantri na.

Profet Jeremaea 19:8

Iara ginauna goigoni namono igne, eghuteuna naikno te filoni igne ginauna cheke fadiꞌani. Iheire te salaꞌu ka vido igne ginauna mare rhana fara cheke fadiꞌani.

Nodi Khoje Hatimare Mae Jiu 50:2

God na au Saion, namono keli tutuani, famane namono fara, naphaegna God na au ka namono te keli nei famane namono tutuani fara. Naphaegna God na jifla mei funu Saion ka vido te snagla ne tei heva heva ka nauthoglu igne.

Profet Sefanaea 2:15

Igne unha nate thoke mei ka naikno te au ka namono biꞌo Ninive. Eigna naikno te au ka namono igne cheke fahaehaghe eghu koba, “Namono tahati igne kaisei namono ulu fara ka keha kantri igre!” Nu theo eghu. Naugna namono te ulu tuana ginauna groꞌe theo tokagna. Eghuteuna namono tuana ginauna mala nodi namono buluka, nei sipu, nei nanigot, nei nanghaji, nei gobigna lepo te tautagu igre kolho. Eghuteuna iheire te mei filoni igne ginauna mhaghu nodi fara na suaraghi faleghu.

Profet Isaia 64:11

Nou Sugablahi iagho igne neke blahi fara nei famane fara neku. Ku'emi ghehati tifa ra neke mei tufru soru nigho ke lamnagna. Nu gognarona khaꞌaghi la goigonihi. Eghuteuna nomi famane glepo te gnafa ghehati ra la thofno diꞌa fara.

Profet Isaia 37:22

Lord neke cheke eghu, “King Senakerib! Naiknodi Jerusalem igre ginauna maꞌe nigho iagho kate rikha iagho na. Uve, mare ginauna tuatukma nigho iagho.

Nodi Khoje Hatimare Mae Jiu 22:7

Naiknore filo mei ka iara ne maꞌe ghau iara. Mare kmisu ghau iara ne bliubliu pha'udire.

Nonomho Te Keli Teke Risoi Mae Mak 15:29

Naikno te sala'u jare na thono ngingiridi fara ne naghoni mae Jisas. Mare ne bliubliu pha'udire ne cheke eghu, “Ao sao! Ghema, iagho neke chekeni iagho tangomana te paꞌe soru Sugablahi na, eghuteuna ke babana fapulo ke lamnadi thilo narane teku ia!

Matiu 27:39

Naikno te sala'u jare na, mare ne thono ngingiridi fara ne cheke fadiꞌani mae Jisas ne bliubliu phaꞌudi re, ne cheke eghu,

Profet Nahum 3:19

Iagho jateula kaisei mae te fnera eghu, eghuteuna theo kaisei meresin te mala famafogna na. Thubumu iagho igne ginauna falehe nigho iagho. Eghuteuna ihei te nomhini igne ginauna kelitagna fara na proaprosa. Naiknore na kelitadi fara ka glehemu iagho na, naugna iagho neke paradi fara naiknore.

Profet Maeka 6:16

Glepo igre ginau thoke ghami ghotilo, naugna ghotilo ne leghudi fabrahu puhidi phei king te diꞌa igre, King Omri ghe thugna mana King Ehab. Eghume iara ginauna goigoni namono igne, eghuteuna naikno te gnafa ka kantri gne mare ginauna ghatho fapari ghami ghotilo nei cheke fadiꞌa ghami ghotilo.”

Lamentations 2:16

Nou naoka iagho igre maꞌe nigho iagho eha eghu fabiꞌo, “Tahati la goigoni nodanihi! Igne narane teke ofoni tahati ia, eghuteuna narane igne la meihi!”

Lamentations 2:6

Lord ne paꞌe soru nogna Sugablahi na, jateula grorofe ka thobi ra neu. Narane biꞌo nei narane Sabat teu igre, mana bobotho nagnafadi naiknodi Saion mala ghatho ihodi narane biꞌo igre. Naugna mana diꞌatagna fara ka mare, eghuteuna mana theome magnahaghedi mae king nei mae pris teu igre.

Lamentations 1:8

Jerusalem gne jateula gaꞌase te gnognoro fara ra eghu, eghume naꞌa theome gae ka tathagna God na. Naꞌa soesole kolho, eghuteuna naiknore thofno cheke faparini naꞌa. Naꞌa pophoru tathagna re balu diꞌanagnafa nei tanhi, naugna naꞌa ne mamaja nogna fara.

Profet Jeremaea 51:37

Iara ginauna goigoni ni namono Babilonia mala vuhai bukrei thina kholo mala mei au nodi khuma mata, eghuteuna theo kaisei naikno nate au jare na. Eghuteuna iheire te tei salaꞌu jare na ginauna rhana nodi cheke fadiꞌani.

Profet Jeremaea 29:18

Iara ginauna na fakokhoanadi fara ka naꞌau papara biꞌo, eghuteuna kate nomhini igne, naiknodi keha kantri ka nauthoglu igne ginauna mhaghu nodi fara balu fififri. Iara ginauna ngolhi tafridi, eghuteuna aheva te tei au mare na, naiknogna vido tuana ginauna rhana nodi fara balu nagho. Aonu naikno gna namono igne ginauna cheke fadiꞌa balu tibri mala thoke mei hoholo ka mare.

Profet Jeremaea 25:18

Iara ginauna tufa waen igne ka naiknodi Jerusalem ghe Juda, baludi mae king nei mae funei biꞌo, fagaglanagna nate groꞌe mare na. Eghuteuna kate filoni naiknore kantri Juda te krogha te vuhai namono nagou igne, naiknore ginauna mhaghu nodi fara, na cheke fadiꞌadi mae naoka igre eigna unha te eni mare te ghilei mei posa ka narane gognarogne.

Profet Jeremaea 25:9

iara ginauna kilo meidi kantri ke raru are. Eghuteuna iara ginauna na jaola kiloni mae Nebukadnesa mae king gna Babilonia, mala mei roꞌeni Juda baludi namono te gnafa te au faligohoni namono tuana. Iara ginauna na roꞌeni kantri igne mala krogha fabrahu. Eghuteuna naikno te gnafa te mei salaꞌu ka vido igne ginauna jaglo nodi balu mhaghu, nei cheke fadiꞌadi eigna unha te eni mare na.

Fapea Kronikols 7:21

Eghuteuna famane Sugablahi igne ginauna jateula bukrei thina eghu kolho. Aonu naikno nate mei salaꞌu tagna na ginauna jaglo nodi fara na cheke eghu, ‘Naugna unha si Lord te goigonini glose igne ba Sugablahi ignea?’

Fapea Kings 19:21

Lord neke cheke eghu, “ ‘King Senakerib! Naiknodi Jerusalem igre ginauna maꞌe nigho kate rikha iagho na. Uve, mare ginauna tuatukma nigho iagho.

Nodi Khoje Hatimare Mae Jiu 64:8

God ginauna paradi mare eidi nodi cheke mare te diꞌa tuare. Iheire te filodi mae igre na mare ginauna maꞌedi mare.

Nodi Khoje Hatimare Mae Jiu 109:25

Kate filo ghau iara na, naiknore maꞌe ghau iara, nei filo uchu ka iara eghu.

Profet Isaia 28:21

Lord ginauna goigoni ghami ghotilo jateula teke eni mana tifa Filistia ka thogele Perasim nei ka naiknodi Amo ka sare biꞌo Gebiꞌon. Gloku teke ghathoni mala eni teku igne, filogna na ginauna thono jafra ka unha teke filodi ghotilo tifa ra.

Profet Jeremaea 48:27

Ghotilo naiknomi Moab. Jau ghotilo kela ghatho ihonihi teke maꞌedi ghotilo maedi Israel gre tifara. Uve, ghotilo neke cheke fadiꞌadi mare, jateula naikno te cheke fadiꞌani naikno te blau ra neku.

Lamentations 1:21

“Naiknore nomhini te tanhi fabiꞌo iara na, nu theo kaisei naikno te au teu jare te mala togho ghau iara na. Mae naokare jaola nomhini, nu mare kelitadi fara kolho, naugna iagho kuru mei puhi biꞌo igne mala thoke ghau iara. Lisa mei sagho narane te mala thoke mei puhi biꞌo igne leghuni unha teke chekeni iagho ia mala jaola papara mae naoka igre jateula iara eghu.

Profet Esikiel 16:14

Naikno te gnafa ka keha kantri igre nomhini te iagho thofno famane fara filomu na. Naugna iara ngala teke eni nigho iagho te thofno famane fara filomu na. Igne nogu cheke iara Lord God.

Nodi Khoje Hatimare Mae Jiu 48:3

God na au ka namono tuana mala togho ghita ka narane te magra na mala au fakeli tahati.

Profet Jeremaea 26:6

Jame te tiromi leghudi ghotilo nogu cheke iara re, iara ginauna goigoni Sugablahi igne, jateula teke eni iara ka namono biꞌo Saelo tifa ia eghu. Eghuteuna kate eni iara igne, naikno te gnafa ka nauthoglu igne ginauna cheke fadiꞌani nanghagna namono Jerusalem.’ ”

Profet Esikiel 16:13

“ ‘Eghume, iagho au nou glepo te keli teke horo mare ka gol nei silva mala famane fara iagho filomu na. Eghuteuna leuleghu fata na iagho na pipichi ka pohe teke horo mare ka famane pohe vegha te thofno keli fara filogna na. Iagho au gheu faghano gano te keli jateula bret teke hohoro mare ka famane flaoa, nei jurukuli, nei oliv oel. Iagho thofno famane fara filomu na eghuteuna iagho nabamu fara te mala kaisei Kuin.

Profet Esikiel 23:32

“Iara Lord God cheke eghu: “Iagho ginauna jaola koꞌu ka kapu teke koꞌu greghamu tagna na. Kapu igne biꞌo nei fodu eghu, eghuteuna papara igne ginauna ninhigrana. Naiknore ginauna famamaja nigho nei cheke fadiꞌa nigho, naugna kapu igne fodu fara.

Profet Daniel 9:16

Lord, tifa na iagho neke keli fara ka nou naiknore. Iagho thosei diꞌatamu ka namono Jerusalem. Naugna Saion gne nou Thogele Blahi iagho. Naiknodi keha kantri te namo ka ghehati igre cheke fadiꞌani nei cheke faparini eghu Jerusalem. Eghuteuna jaola eidi nakhibomi ghehati baludi glepo te diꞌa teke edi kuꞌemi ghehati tifa ra.