Lamentations 2:11 - Buka Blahi Ka Cheke Holo

¹¹ Iara tanhi ghilei kabru tathagu re, naugna iara kokhoni nogudi fara naiknore. Nagnafagu na kabru fara, naugna nogu naikno iara re la dofidihi. Eghuteuna goro sua nei gegeꞌe teure jaola lehe ka glehe grofo heva heva ka nabrougna namono na.

Lamentations 2:11 ပူးပေါင်းရင်းမြစ်များ

Lamentations 1:20

“Lord! Filo mei! Iara au papara fara! Iara diꞌanagnafagu fara, naugna iara ne figri tagru nigho iagho. Ke lamnagna nogu suga iara na, naiknore lehe, eghuteuna ke kosi na, naoka mei aknu falehe gnafa naiknore.

Lamentations 1:16

“Naugna igne te tanhini fara iara na, eghuteuna kholodi phei tathagu iara re oro soru ka thinigu iara na. Eghuteuna theo kaisei naikno te au teu jare te mala farhetani gaoghathogu iara na. Mae naoka gre ulu ghau iara, eghuteuna nogu naikno iara re ne rhana nodi fara.”

Thoutonu Eigna Mae Job 16:13

Eghuteuna gognarona mana fada faligoho ka vido te gnafa. Mana theome kokhoni ghau iara, eghuteuna nogna jata mana igre fadi supli thiꞌagu iara na, ghilei jifla mei butugu iara na kosi ka glose na.

Profet Jeremaea 4:19

Iara diꞌa nagnafagu fara, eghuteuna iara haimini te kabru ka thiꞌagu na. Iara theome tangomana te au snoto na, naugna iara nomhidi naogladi khufli, nei nomhidi hatimare mae naoka te eha fabiꞌo kate posa mei mare ka magra na.

Profet Isaia 22:4

Eghume, te chekeni iara ka ghotilo na, ghotilo thosei fariuriu fameomegoni nagnafagu iara gne. Ghotilo lisa ghau iara mala tanhidi iara puhi te goigonidi mae naoka gre kherada tahati ra.

Nodi Khoje Hatimare Mae Jiu 22:14

Iara gne la theo hi kaisei nogu nolaghi te mala kegra heta na, eigna nogu nolaghi na jateula khoꞌu te thofa soru te blalho ka nusu ra eghu kolho. Nhubragure la klasuhi ka thududire. Eghuteuna gaoghathogure la blalhohi jateula suka eghu.

Nodi Khoje Hatimare Mae Jiu 6:7

Nogu naoka gre e fatanhi ghau iara fabrahu, la ghilei huge tathagure. Gognarona iara theome tangomana te fifilo na.

Luku 23:29

Naugna kaisei narane na ginauna thoke mei nate cheke eghu naiknore, ‘Keli tami fara ghotilo goro naikno biꞌo te theohi thumi are ba thau te theome fachuꞌu sua majaghani nga teura.’

Profet Jeremaea 44:7

“Lord God mae ihei te au nolaghi fateote'o, nodi God maedi Israel igne ne cheke eghu, ‘Naugna unha si ghotilo te atha mei puhi biꞌo te goigoni ghami themi ignea? Jame te eni ghotilo puhi igne na, mae nalhaꞌu te gnafa, gaꞌase te gnafa, nei sua te gnafa nei gegeꞌe te gnafa teu igre ginauna lehe, eghuteuna theo kaisei ka vikegna Juda igre nate karha na.

Profet Jeremaea 14:17

“Jeremaea, iagho na cheke eghu ka naiknore: “ ‘Iara ginauna tanhi bongi narane. Eghuteuna kholodi phei tathagu iara gre ginauna oro soru ka tathagu nei foflogu teu iara gre. Naugna mae naoka gre thono goigonidi fara nogu naikno iara re.

Profet Jeremaea 8:19

Iara nomhidi nogu naiknore la tanhi eghu fabiꞌo, ‘Jame Lord na theome king ka Thogele Saion. Naugna unha si mana te theome togho ghita tahati gnea?’ ” Nu Lord ne cheke eghu, “Naugna unha si ghotilo nogu naikno iara gre te pogho soru te tarai ka nodi god keha kantri delei igrea? “Iara diꞌatagu fara ka nafnata puhi te pogho soru te tarai ghotilo ka god nate theome togho ghami ghotilo igre.”

Nodi Khoje Hatimare Mae Jiu 69:3

God, iara tore nigho koba mala togho ghau iara, la ghilei babaꞌo nogu fara, la ghilei khaprani thotomnogu gne. Iara filo ari ka iagho te mala togho ghau na, la ghilei kabru tathagure.

Nodi Khoje Hatimare Mae Jiu 31:9

Lord, iagho kokhoni ghau iara, eigna iara gne la au hila ke lamna puhi biꞌo. Iara tanhi la ghilei huge phei tathagure. Thinigu na la ghilei glaꞌe soru, nei gaoghathogure la ghilei theome doglo eghu.

Ululahu Samuel 30:4

Mare jaola ne atha phei khetogna mae Devet ra, Ahinoam ghe Abigel. Aonu mae Devet nei nogna mae soldiare eghu ne tanhi ne ghilei glaꞌe soru.

Profet Isaia 38:14

Iara kabru ghegu fara ne tanhi fabiꞌo. Nu nogu natanhi iara igne, jateula te tanhi balhu ra eghu kolho. Eghuteuna kate filo haghe iara kligna na, tathagure jaola kabru. Lord, togho ghau! Hoholo thoke ghau iara.”

Thoutonu Eigna Mae Job 30:27

Nagnafagu iara na fodu ka diꞌanagnafa, eghuteuna iara au papara fabrahu.

Nodi Khoje Hatimare Mae Jiu 38:8

Iara ne thofno glaꞌe soru nogu fara ngala ka vido te biꞌo fara u diꞌanagnafa na, eghuteuna kate kabru ghegu fara na iara ne tanhi nogu kolho.

Nodi Khoje Hatimare Mae Jiu 119:82

Iara ofoniu unha teke nhaꞌa chekeni iagho na la ghilei babaꞌo. Niha nau ame mei togho ghau nga iara eghu sagho ia?

Lamentations 5:17

Naudi naꞌau papara igre ghehati fadiꞌa ghami fara, eghuteuna ghehati diꞌanagnafa nei tanhi eghu fabrahu ghilei theome tangomana te fifilo na.

Profet Isaia 51:20

Ghotilo uka tafri ke lamna namono biꞌo, naugna ghotilo ne thono glaꞌe fara. Ghotilo jateula kaisei bosu mata te khale ka phighoro ra neu. Diꞌatagna nomi Lord God ghotilo igne thofno thoke ghami ghotilo.

Lamentations 1:11

Naiknodi Jerusalem re ne tanhi kate hiro gano tafri na. Mare ne sabiri nodi glepo te keli re mala foli gano, mala tangomana mare te au karha teuna. “Lord! Naikno te gnafa igre theome ghatho tahu ghau iara gognarona. Iagho kokhoni ghau iara nei filo mei ka iara!”