Lamentations 2:10 - Buka Blahi Ka Cheke Holo

¹⁰ Mae biꞌodi Jerusalem theome gleꞌa gnokro soru kmu kolho ka glose na. Mare ghiha nakrofu ka phaꞌudire, eghuteuna pipichi ka pohe thona. Eghuteuna gaꞌase majaghani re jaola turupuku balu mamaja, eghuteuna tufru soru phaꞌudi re pari ka glose na.

Lamentations 2:10 ပူးပေါင်းရင်းမြစ်များ

Profet Isaia 3:26

Aonu naikno te gnafa ka nomi namono te theome lehe nga teura ginauna diꞌanagnafa nei tanhi eghu, naugna namono igne ginauna na jateula kaisei gaꞌase te mei naikno te hata fateo nogna gobigna lepora eghu.

Profet Isaia 15:3

Mare ginauna pipichi pohe thona leghu nabrou na tei, eghuteuna mare ne khapru ka kaisei vido ka namono na ne tanhi fabiꞌo.

Profet Emos 8:3

“Ka narane tuana, goro gaꞌase te koje glealeꞌa ka sugagna king igre ginauna nake diꞌanagnafa nei tanhi eghu. Naugna thinidi naikno te lehere ginauna chara heva heva. Ghotilo ginauna pala tei thinidi naikno te lehe igre mala koko kolho ke kosi namono, eghuteuna theo kaisei naogla nate nomhi na.”

Profet Esikiel 7:18

Mare ginauna pipichi ka pohe thona, eghuteuna mare ginauna mhaghu balu dedede nodi. Mare ginauna mamaja nodi fara ghoighori phaꞌudi re, fagaglagna nodi diꞌanagnafa na.

Lamentations 3:28

Jame Lord parani kaisei mae, te keli na mae igne tei gnokro thegna ka vido aheva te muana.

Lamentations 1:4

Nabrou te mala tei ka namono Jerusalem na krogha fara, nei diꞌanagnafa eghu, naugna theo kaisei naikno te mei ka narane biꞌo re. Eghuteuna grengatha re jaola krogha eghuteuna hatimare mae pris jaola tanhi nodi. Eghuteuna goro gaꞌasedi re au papara, eghuteuna Thogele Saion thofno diꞌa parilahu.

Lamentations 1:1

Namono Jerusalem, tifa na neke fodu ka naikno. Gognarona krogha. Tifa, naiknogna nauthoglu igne neke ghatho tahuni namono Jerusalem. Gognarona jateula gaꞌase teke lehehi khetogna ra eghu, te au thegna kolho. Namono igne tifa na jateula Kuin te funei frunidi keha namono ra neku. Gognarona jateula kaisei naikno sneka eghu kolho.

Profet Isaia 47:1

Lord neke cheke eghui, “Babilonia! Iagho fnakno fara jateula Kuin te gnokro ka nogna sape nafnakno na ia eghu. Nu gognarona iagho soru mei pari ka sape tuana mala gnokro ke kligna glose. Ulu lahu na iagho neke jateula kaisei gaꞌase majaghani te famane fara ra neku, eghuteuna thinigna na famane jemnu fara. Nu gognarona iagho theome eghu.

Josua 7:6

Kate nomhini mae Josua baludi mae mala baubatudi Israel igre nonomho igne, mare ne diꞌanagnafadi fara. Aonu mare ne rerheku nodi pohere balu ghiha nakrofu ka phaꞌudire, fagaglanagna nodi diꞌanagnafa na. Ke leghu, mare tei ne pogho soru pari ka glose na tathadi nei foflodi teure ke ulugna nogna Bokis Nhaꞌa Cheke Lord na ne ghilei rafi.

Thakle 18:19

Aonu mare na ghiha keha glose ka pha'udire naugna mare ne diꞌanagnafadi fara na cheke eghu balu tanhi, “Icho idomi, ghotilo te au namono biꞌo, puhi biꞌo na mei ka ghotilo! Naikno te gnafa te tei tafri ka thongna ka nodi vakare, mare dedei nodi fara naugna mare neke fofoli ka ghotilo kmana glepo te keli. Nu namono biꞌo na thono diꞌa fara ke lamnagna ka katha vido kolho.”

Profet Emos 8:13

“Ka narane tuana, “neuba mae majaghani nei gaꞌase majaghani teu igre ne nheta fara, mare ginauna thofno rofo fara na glaꞌe soru te mala nomhini chekegu iara na, jateula mae te roi koꞌu ra eghu.

Profet Emos 5:13

Ka narane te edi naiknore nafnata puhi te diꞌa igre, ghotilo mae te lalase ra au kmu kolho theome ghagri kaisei cheke ka mare.

Profet Joel 1:8

Eghume, te chekeni iara ka ghotilo na, ghotilo te gnafa na, ghotilo mala diꞌanagnafa nei tanhi eghu, jateula kaisei gaꞌase te tanhi kate lehe mae nalhaꞌu teke magnahagheni naꞌa ra eghu.

Profet Esikiel 27:31

Mare ginauna kuchi khakladi re, eghuteuna pipichi pohe thona, naugna mare ne diꞌanagnafadi fara ka iagho. Mare tanhi nodi fara ne kokhonidi fara.

Lamentations 5:14

Mae mala baubatu re theome gnokro ka vido mala fari thafoi ka namono na, eghuteuna mae majaghani re theome lalahu gita.

Lamentations 5:12

Mare haru gnarho graradi mae mala baubatu ka ghehati re, eghuteuna mare theome ghatho tahudi mae biꞌore.

Lamentations 4:16

Lord diꞌatagna fara ne fariki raka tafridi mala tei au tafri mare delei. Mana jaola theome magnahaghei te ghatho tahudi hatimare mae pris. Eghuteuna mana theome kelitagnadi hatimare mae mala baubatu igre.

Lamentations 4:5

Tifa na, naiknore neke ghamu gano te keli. Gognarona, mare rofo lehe kolho ke lamna nabrou. Iheire teke biꞌo haghe ka sugadi mae te dedei ra, gognarona mare hiro gano ka chara.

Profet Jeremaea 8:14

Nogna naikno God te au Juda igre ginauna cheke eghu, “Naugna unha site fiti gnokro teu kolho tahati gnea? Mei ghotilo, mala rikha tei tahati ka namono te bara te lithui mare ka thina are mala lehe jare. Noda Lord God la fate ghitahi te mala lehe tahati na. Mana jateula te famei pophoji raha te mala koꞌu tahati ra eghu, naugna tahati ne tapla jafra ka nakhibo.

Profet Isaia 47:5

Lord neke cheke eghui, “Babilonia! Iagho nodi namono biꞌo naiknodi Babilonia. Iagho neke jateula Kuin neku, nu gognarona iagho gnokro kmu au ka vido te romno. Ginauna theo kaisei naikno nate fafnakno nigho jateula kaisei Kuin te funei frunidi kantri ra teuna.

Profet Isaia 36:22

Aonu kate nomhidi nogna cheke mae komanda gna Asiria na igre, mae Eliakim, mae Sebna nei mae Joa eghu ne thono fadiꞌa nagnafadi fara ne rerheku nodi pohere. Aonu thilo mare tei ne toutonu ka king gobigna lepo te chekedi mae komanda gna Asiria na igre.

Fapea Samuel 13:19

Fagaglanagna nogna diꞌanagnafa na, naꞌa ne ghiha nakrofu ka phaꞌugna na ne rerheku nogna famane pohe na. Aonu naꞌa ne loku fafru tathagnare ne tanhi fabiꞌo ne tei.

Profet Isaia 3:24

Rehati ginauna na theome siri kelidi, nu rehati ginauna thono siri diꞌadi fara. Rehati ginauna na theome hugha ka famane nhugha te keli, nu hatimare mae naoka ginauna harudi reꞌe ka gnarho jateula naikno sneka eghu. Khakladire ginauna theome keli filodire, mae naoka ginauna ghoighori fagae phaꞌudire ka bledi. Rehati ginauna theome pipichi ka famane pohe te keli, nu reꞌe ginauna pipichi kolho ka pohe te thona. Rehati ginauna theome keli filodire jateula gognarogne eghu, naugna hatimare mae naoka ginauna goigoni thinidire jateula thinidi naikno sneka eghu.

Profet Esikiel 27:30

Mare te gnafa na ginauna kokhonidi, eghuteuna na diꞌanagnafadi fara ka iagho. Mare ghiha gaughavu glose ka phaꞌudi re, eghuteuna pepele pari ke lamna nakrofu.

Profet Jona 3:6

Kate nomhini igne, king gna Ninive igne jaola ne diꞌanagnafa gna fara. Mana kegra haghe ka nogna sape nafnakno na ne koko nogna famane pohe na. Mana jaola ne pipichi ka pohe te thona ne tei gnokro lamna nakrofu.