Lamentations 2:1 - Buka Blahi Ka Cheke Holo

¹ Lord ne toku tafru namono Jerusalem kate diꞌatagna na. Diꞌatagna mana igne jateula saeklon biꞌo te toku tafru namono na ka gromno biꞌo ra neu. Tifa na Jerusalem gne neke kaisei famane namono agne Israel, aheva te au nogna Sugablahi funei na. Nu ka narane te diꞌatagna Lord igne, mana goigoni namono igne, eghuteuna mana theome ghatho tahuni Sugablahi igne.

Lamentations 2:1 ပူးပေါင်းရင်းမြစ်များ

Nodi Khoje Hatimare Mae Jiu 132:7

Eghuteuna ghehati ne cheke eghu, “Tahati na atha ari Bokis Blahi igne ka nogna Sugablahi Lord ia. Tahati mala pogho soruni mana ka vido aheva te gnokro teu mana ka nogna sape nafnakno.

Ululahu Kronikols 28:2

Aonu King Devet kegra haghe ne cheke eghu ka mare, “Ghotilo thabusiguro nei nogu mavitu teura! Ghotilo fanomho mei! Iara thofno magnahagheni fara te horo kaisei Sugablahi mala lilisei nogna Bokis Nhaꞌa Cheke Lord igne ke lamnagna. Igne vido nate tangomana God nate au tagna na. Eghuteuna iara la tarabanahi gaoghatho te mala horo Sugablahi igne.

Luku 10:18

Mae Jisas ne cheke eghu, “Iara neke filonihi mae Satan, mana theo nogna nolaghi ne khoko soru funugna kligna jateula nakafli neu ka maloa gne.

Matiu 11:23

Ghotilo naikno te au Kapanam ra, na eghunu nhaꞌa haghe ghami God kligna eghu jau si ghotilo gaoghathomi na? Theo fara! God ginauna koko soru ghami ghotilo Hades ka namonodi naikno tela lehehi ra. Nu jame filodi naikno te diꞌa ka namono Sodom kofubobhoi te edi God ka ghotilo igre meuna, naikno te diꞌa di Sodom igre jame tughu nagnafahi. Eghuteuna namono Sodom gne jame au ngala gognaro na.

Profet Joel 2:2

Narane igne ginauna kafe romno soru, eghuteuna maloa igne ginauna thafru ka gromno. Aonu kaisei tothoghei cheche ginauna mei toku tafru vido te gnafa jateula kaisei armi eghu ke kligna thogele, ba jateula gromno te haghe te toku naprai na ra eghu. Theo kaisei glepo jateula igne teku tifa na, eghuteuna theo kaisei glepo nate jateula igne teu ginauna.

Profet Esikiel 30:18

Maedi Ijep gre fahaehaghedi fara nodi nanheta na, nu iara ginauna fahuhui nodi nanheta te fnakno mare igne. Ka narane igne gromno na ginauna mei toku tafru namono Tapanes. Eghuteuna gromno biꞌo igne ginauna mei toku tafru vido te gnafa ka kantri Ijep. Eghuteuna mae naokare ginauna hata naiknodi namono re mala tei naikno sneka ka keha kantri delei.

Nodi Khoje Hatimare Mae Jiu 99:5

Lord mae ihei te blahi na noda God tahati. Mana gnokro ka nogna sape nafnakno na mala funei fruni. Eghume, tahati mala pogho soru ka mana mala tarai nei cheke fakelini eghu mana.

Luku 10:15

Ghotilo naikno te au ka namono Kapanam ra, na eghunu nhaꞌa haghe ghami God kligna eghu jau si ghotilo gaoghathomi na? Theo fara! God ginauna koko soru ghami ghotilo Hades ka namonodi naikno tela lehehira!

Profet Esikiel 24:21

iara mala cheke ka ghotilo naiknomi Israel. Lord God neke cheke eghu: Ghotilo kelitami fara ka nogu Sugablahi iara na. Eghuteuna ghotilo tangomana te poru ka Sugablahi gne mala au fakeli nei fahaehaghe ghami eghu te au ke lamnagna na, nu iara ginauna roꞌe soru Suga igne. Eghuteuna goro sua teke lisei faleghu ghotilo Jerusalem igre ginauna kafe lehe ka magra.

Lamentations 4:1

Tifa na noda gol tahati gre, ulu lahudire neke famane siasigla fara, nu gognarona thofno thona fara. Eghuteuna thina blahi ka Sugagna Lord na igre, naga tafri ke lamna nabrou.

Lamentations 1:1

Namono Jerusalem, tifa na neke fodu ka naikno. Gognarona krogha. Tifa, naiknogna nauthoglu igne neke ghatho tahuni namono Jerusalem. Gognarona jateula gaꞌase teke lehehi khetogna ra eghu, te au thegna kolho. Namono igne tifa na jateula Kuin te funei frunidi keha namono ra neku. Gognarona jateula kaisei naikno sneka eghu kolho.

Profet Isaia 64:11

Nou Sugablahi iagho igne neke blahi fara nei famane fara neku. Ku'emi ghehati tifa ra neke mei tufru soru nigho ke lamnagna. Nu gognarona khaꞌaghi la goigonihi. Eghuteuna nomi famane glepo te gnafa ghehati ra la thofno diꞌa fara.

Fapea Samuel 1:19

“Israel, phei noda lidara lehe ke kligna thogele. Mae nheta ra lehe ka magra!

Ululahu Samuel 4:21

Naꞌa ne kiloni thugna na, Ikabod, gaoghathogna na, “Siasigla gna nogna nolaghi God na la dofini. Naꞌa nhaꞌa lao nangha igne naugna mae soldia di Filistia ra la hatahi Bokis Blahi na, eghuteuna naugna ivagna naꞌa ghe khetogna re jaola neke lehe.”

Lamentations 2:17

Tifa na Lord neke ghathonihi glepo igne mala eni neku. Uve, gognarona mana la enihi unha teke chekeni mana tifa ia. Mana la goigoni nighohi, eghuteuna mana theome kokhoni nigho iagho kolho. Mana tusu lao nolaghi biꞌo ka nogna naokare mala tangomana mare te glealeꞌa te mala ulu nigho iagho na.

Profet Esikiel 19:12

Nu God ne diꞌatagna fara, eghuteuna mana rarathu ne koko soru ka glose na. Nuri brana gna ke maghati na ne ghaghafa mei eghuteuna fuꞌagna re khapra ne khoko pari. Gregegna re jaola ne gnagha, ne gnhubra ka khaꞌaghi.

Nodi Khoje Hatimare Mae Jiu 89:45

Gognaro na iagho magnahagheni mana te ghosei te mae khuekuꞌe na, eghume mana na thofno mamaja nogna fara.

Profet Jeremaea 30:14

Kherami ghotilore ghatho iho ghamihi ghotilo. Mare theome ghatho tahu ghami ghotilo gognarona. Iara para ghami ghotilo, jateula mae naoka te magri ghami ghotilo ra eghu. Papara te snakre mei iara igne ninhigrana fara, naugna nakhibomi ghotilore kmana fara, eghuteuna nabamiu ghotilo te papara na.

Lamentations 1:12

“Ghotilo te salaꞌu ka iara ra, papara biꞌo te thoke ghau iara igne glepo theo nafugna kolho ka ghotilo? Ka narane te diꞌatagna Lord na, iara para ghau fara. Theo kaisei papara te jateula te para ghau iara igne teuna!

Lamentations 4:11

Lord ne thono diꞌatagna fara, eghuteuna diꞌatagna mana igne jateula khaꞌaghi biꞌo te tofa soru te gnhubra Jerusalem ra neu ne ghilei glose kolho te au na.

Profet Esikiel 13:13

“Eghume igne te chekeni Lord na: Naugna iara neke thono diꞌatagu fara, eghuteuna iara ginauna kuru mei nuri rheta, nakhete biꞌo, nei thina aes