Lamentations 1:7 - Buka Blahi Ka Cheke Holo

⁷ Jerusalem gognarona thofno diꞌa parilahu, eghuteuna naiknore neke ghatho fapulodi nakarha te keli nei dedei fara teku tifa re. Kate mei naoka te uluni namono biꞌo Jerusalem igne, theo kaisei naikno nate toghoni na. Kate filoni igne, mae naoka gre ne maꞌeni, naugna namono igne la groꞌehi.

Lamentations 1:7 ပူးပေါင်းရင်းမြစ်များ

Nodi Khoje Hatimare Mae Jiu 79:4

Naikno bongihehe te au faligoho ghami ghehati igre cheke fadiꞌa ghami ghehati, nei maꞌe ghami nei tukma ghami eghu ngala ghehati.

Nodi Khoje Hatimare Mae Jiu 42:4

God, tifara iara neke batudi kmana naikno neke tei ka sugamu iagho na. Iara neke baludi mare neke tei balu glealeꞌa, balu khoje nei balu kilo fnakno nigho. Nu kate ghatho fapulodi iara glepo igre, gaoghathogu na iara tanhi nogu fara.

Luku 16:25

“Mae Ebraham ne cheke eghu ka mana, ‘Thuguo, ke ghathodi sagho kani teke karhamu ra. Iagho neke gleale'a fara nu mae Lasaros neke diꞌanagnafa fara. Nu gognaro na mae Lasaros kela au gleale'a agne, nu gognarona iagho kela au papara.

Luku 15:17

“Kate au papara tuana neke pulo mei nga gaoghatho te keli na ka mana. Mana ne ghaoghatho eghu, ‘Tore! Nogna mae gloku mae mama ra au ghedi kmana gano. Nu iara na au glehe rofo teu ao.

Profet Maeka 4:11

Gognarona, kmana naikno ka keha kantri igre khapru mei mala magri nigho. Mare cheke eghu, “Tahati mala goigonini Jerusalem, mala filo nodani! Tahati ginauna keli tada fara kate filoni namono biꞌo igne nate thofno diꞌa fara na!”

Profet Hosia 2:7

Neuba naꞌa ne tei baludi mae nalhaꞌu te magnahaghedi naꞌa are, naꞌa ginauna theome tangomana. Neuba naꞌa ne fariuriu hirodi mare ka vido te gnafa re, naꞌa ginauna theome tangomana nate filodire. Eghuteuna ke leghugna igne, naꞌa ginauna cheke eghu, ‘Iara nake figri ka thofno khetogu ia.’

Lamentations 4:17

Tahati jaola toetoe fakelini ihei nate mei togho ghita na. Jateula mae te toetoe teu ke kligna thoa ra eghu, tahati ofoni kantri te fofodu ka tahati na mala mei eghu, nu kantri igne theome tangomana kolho te totogho na.

Profet Jeremaea 37:7

“Iara Lord, nodi God maedi Israel, igne nogu cheke iara na: Iagho tei cheke eghu ka king gna Juda, mae ihei teke kuru mei nigho ka iara igne, ‘Neuba armi gna Ijep igne ne mei togho ghami ghotilo, mare ginauna na theome tangomana nate mei posa agne na, nu mare nake figri kolho Ijep.

Nodi Khoje Hatimare Mae Jiu 77:3

Kate ghatho laoni iara God na iara ne tanhi, eghuteuna gaoghathogu iara na ne thono glaꞌe fara.

Thoutonu Eigna Mae Job 29:2

“Iara magnahaghei nakarha te keli jateula tifa, kani teke reireghi fakeli ghau iara God ia.

Profet Isaia 64:11

Nou Sugablahi iagho igne neke blahi fara nei famane fara neku. Ku'emi ghehati tifa ra neke mei tufru soru nigho ke lamnagna. Nu gognarona khaꞌaghi la goigonihi. Eghuteuna nomi famane glepo te gnafa ghehati ra la thofno diꞌa fara.

Profet Jeremaea 48:27

Ghotilo naiknomi Moab. Jau ghotilo kela ghatho ihonihi teke maꞌedi ghotilo maedi Israel gre tifara. Uve, ghotilo neke cheke fadiꞌadi mare, jateula naikno te cheke fadiꞌani naikno te blau ra neku.

Profet Isaia 64:10

Nou namono blahi iagho igre jateula kaisei namono nagou te theo kaisei naikno te au tadira eghu. Uve, Jerusalem gognarona thofno diꞌa fara, eghuteuna theo kaisei naikno te au tagna na.

Profet Esikiel 25:3

Iagho cheke eghu: ‘Fanomho fakeli ka nogna cheke Lord igne! Lord God ne cheke eghu: Ghotilo kelitami fara te filoni te diꞌa nogu Sugablahi iara igne eghuteuna la theome blahi gognarona. Eghuteuna ghotilo jaola kelitami te filoni Israel tela diꞌa fara gognarogne, eghuteuna hatimare mae naoka tela hata naiknodi Juda tela tei sosolo ka kantri delei.

Profet Esikiel 25:6

Iara Lord God cheke eghu: Leuleghu fata na ghotilo theome magnahagheni kantri Israel. Eghuteuna ghotilo proaprosa nei ghasa tafri eghu naugna ghotilo kelitami fara kate filodi nogu naikno iara re te diꞌa ka nodi kantri na.