Lamentations 1:4 - Buka Blahi Ka Cheke Holo

⁴ Nabrou te mala tei ka namono Jerusalem na krogha fara, nei diꞌanagnafa eghu, naugna theo kaisei naikno te mei ka narane biꞌo re. Eghuteuna grengatha re jaola krogha eghuteuna hatimare mae pris jaola tanhi nodi. Eghuteuna goro gaꞌasedi re au papara, eghuteuna Thogele Saion thofno diꞌa parilahu.

Lamentations 1:4 ပူးပေါင်းရင်းမြစ်များ

Profet Jeremaea 9:11

Lord ne cheke eghu, “Iara ginauna rorhoꞌe namono biꞌo Jerusalem mala nodi namono khuma mhata kolho. Namono te gnafa Juda igre ginauna krogha, eghuteuna theo kaisei naikno nate au ka namono igre.”

Profet Jeremaea 14:2

“Jeremaea, naikno igre tanhi nei diꞌanagnafa eghu heva heva ka kantri Juda. Naikno te au ka namonore kafe glaꞌe soru, nei diꞌa nagnafadi fara eghu eidi nodi glose te mojare. Eghuteuna naikno te au ka namono Jerusalem tanhi mei fabrahu ka iara.

Profet Jeremaea 10:22

Fanomho mei ghotilo ia! Igne nonomho na. Naoglagna armi biꞌo na la nomhi laoni ke raru. Mare ginauna mei goigonidi namono biꞌo te au ka kantri Juda igre mala krogha jateula namono nagou eghu mala nodi vido mala au khuma mata kolho.

Profet Maeka 3:12

Naugna puhimi ghotilo te diꞌa igre, Lord ginauna atha mei nomi naoka ghotilo ra mala goigoni namono biꞌo Jerusalem. Mare ginauna eni namono biꞌo tuana mala jateula tothoghei thina gna suga eghu. Ka Thogele blahi Saion aheva te au nogna Sugablahi Lord, mare ginauna eni vido tuana mala jateula vido mala nagare eghu kolho. Eghuteuna thogele igne ginauna thafru ka namhata biꞌo.

Lamentations 5:13

Mare huhurudi mae majaghani re mala tugha thina biꞌo te mala ghorhu wit te mala ei flaoa re. Eghuteuna mae sitei re mala pala nanhiꞌo gaju te tahu fara mala gahu gano.

Profet Isaia 3:26

Aonu naikno te gnafa ka nomi namono te theome lehe nga teura ginauna diꞌanagnafa nei tanhi eghu, naugna namono igne ginauna na jateula kaisei gaꞌase te mei naikno te hata fateo nogna gobigna lepora eghu.

Lamentations 1:21

“Naiknore nomhini te tanhi fabiꞌo iara na, nu theo kaisei naikno te au teu jare te mala togho ghau iara na. Mae naokare jaola nomhini, nu mare kelitadi fara kolho, naugna iagho kuru mei puhi biꞌo igne mala thoke ghau iara. Lisa mei sagho narane te mala thoke mei puhi biꞌo igne leghuni unha teke chekeni iagho ia mala jaola papara mae naoka igre jateula iara eghu.

Levitikas 26:22

Iara ginauna kuru tei glepo tautagu mala kathu falehe thumi ghotilo re, baludi nomi glepo tautagu ghotilo re. Eghume ginauna na phei ba thiloi kolho nate karha na ghilei theo kaisei nate au te mala nolo ka nomi nabrou ghotilo are.

Lamentations 5:14

Mae mala baubatu re theome gnokro ka vido mala fari thafoi ka namono na, eghuteuna mae majaghani re theome lalahu gita.

Profet Hosia 2:13

Iara ginauna parani naꞌa, naugna naꞌa ne ghatho iho ghau iara ne tei fafara ka mumuju Baal. Eghuteuna naꞌa lalaoni geghesugna nei khuligna teure ka ring baludi keha nafnata glepo te famane siasigla teke tufa mae iheire teke tei naꞌa baludire. Nu naꞌa ghatho iho ghau iara.” Igne chekegna Lord.