Lamentations 1:20 - Buka Blahi Ka Cheke Holo

²⁰ “Lord! Filo mei! Iara au papara fara! Iara diꞌanagnafagu fara, naugna iara ne figri tagru nigho iagho. Ke lamnagna nogu suga iara na, naiknore lehe, eghuteuna ke kosi na, naoka mei aknu falehe gnafa naiknore.

Lamentations 1:20 ပူးပေါင်းရင်းမြစ်များ

Lamentations 2:11

Iara tanhi ghilei kabru tathagu re, naugna iara kokhoni nogudi fara naiknore. Nagnafagu na kabru fara, naugna nogu naikno iara re la dofidihi. Eghuteuna goro sua nei gegeꞌe teure jaola lehe ka glehe grofo heva heva ka nabrougna namono na.

Profet Esikiel 7:15

Mae naokare au ke kosigna namono na, eghuteuna grofo nei fogra teuna au ke lamna. Naikno te jifla ke kosi namono na, ginauna kafe lehe ka magra. Eghuteuna naikno te au ke lamna namono na ginauna lehe ka grofo nei fogra.

Profet Isaia 16:11

Iara diꞌanagnafagu fara eidi naiknodi Kira-Hareset, baludi keha naiknodi Moab.

Diutronomi 32:25

Ka nabrou are naoka ginauna mei akni falehedi thumi nalhaꞌu majaghani nei gaꞌase majaghani teu ghotilo are. Eghuteuna ka suga re naiknore ginauna kafe mhaghu nodi fara. Mae majaghani, nei gaꞌase majaghani, goro sua nei naikno biꞌo teu are ginauna kafe lehe.

Profet Jeremaea 4:19

Iara diꞌa nagnafagu fara, eghuteuna iara haimini te kabru ka thiꞌagu na. Iara theome tangomana te au snoto na, naugna iara nomhidi naogladi khufli, nei nomhidi hatimare mae naoka te eha fabiꞌo kate posa mei mare ka magra na.

Thoutonu Eigna Mae Job 30:27

Nagnafagu iara na fodu ka diꞌanagnafa, eghuteuna iara au papara fabrahu.

Profet Habaku 3:16

Iara nomhidi gobigna lepo teke edi iagho igre ne thono bobolo nogu fara balu mhaghu ne fififri foflogu na. Ghahegu nei khamegu teure kafe glaꞌe soru theome tangomana te kegra haghe na. Nu te laseni iara na, iagho Lord ginauna mei mala paradi iheire te mei goigoni ghami ghehati igre. Eghume iara au kmu ofoniu narane igne.

Profet Hosia 11:8

“Israel! Iara theome tangomana nate tei koko ghami ghotilo na, ba te rikha ghami na. Iara na theome roꞌe ghami ghotilo jateula teke eni iara tifa ka phei namono biꞌo Adma ghe Seboim ra. Theo. Iara thofno namha ghami ghotilo ka nagnafagu na. Iara theome magnahaghei te eni kaisei puhi te diꞌa jateula ghotilo teuna.

Lamentations 1:18

“Lord na thofno doglo fara, nu iara tirogu leghuni nogna Vetula mana na. Fanomho mei, ghotilo naiknogna nauthoglu igne! Filo mei ka puhi te au papara iara igne! Nogu mae majaghani nei gaꞌase majaghani teu iara ra, mae naoka gre la hata la tei kokodi nodi namono re, la tei au ka keha kantri delei!

Lamentations 1:11

Naiknodi Jerusalem re ne tanhi kate hiro gano tafri na. Mare ne sabiri nodi glepo te keli re mala foli gano, mala tangomana mare te au karha teuna. “Lord! Naikno te gnafa igre theome ghatho tahu ghau iara gognarona. Iagho kokhoni ghau iara nei filo mei ka iara!”

Lamentations 1:9

Naikno te gnafare filodi nakhibogna naꞌare, nu naꞌa theome nanga nogna kolho ka unha nate thoke mei ginauna. Nu mae naoka igre thofno koko soruni naꞌa pari, eghuteuna theo kaisei naikno te toghoni naꞌa na. “Lord! Naoka gre la ulu ghauhi iara. Filo ghau nei kokhoni ghau iara!”

Profet Jeremaea 48:36

“Iara kokhoni noguni fara Moab, eigna naꞌa jateula mae ihei te koje glehe ka nifu ia eghu. Uve, iara kokhoni nogudi fara naikno te au ka namono Kira-Hereset, naugna nodi dedei fateote'o re la luvu fahui.

Profet Jeremaea 31:20

Nu te chekeni iara ka ghotilo gognarona. Efrem gne thofno mae thugu iara, iara thofno namhani nei gleale'ani eghu mana. Kmana fata iara diꞌatagu fara ka mana eidi nakhibogna manare. Nu neuba, leuleghu fata na iara ghathoni mana, naugna iara namhani nei kokhoni noguni eghu mana.

Profet Jeremaea 14:18

Jame te tei iara mata na, iara ginauna filodi iheire teke lehe ka magra ra. Eghuteuna jame te tei iara ke lamna namono na, iara na filodi naikno te lehe ka grofo ra. Hatimare mae profet nei hatimare mae pris teu igre mare toutonu eha tafri heva heva theome laseni unha te eni mare na.’ ”

Profet Jeremaea 3:13

Uve, ghotilo nabami te au papara na, naugna ghotilo ne huhughu ghau iara ne eni fabrahu puhi te diꞌa na ne tei tarai koba ka mumuju god ka vido te keli ke pari gaju.

Profet Jeremaea 2:35

Neuba, te chekeni ghotilo na, puhimi ghotilore doglou kolho eghu koba, uve, iara theome diꞌatagu ka ghotilo. Nu iara ginauna na para ghami ghotilo, naugna ghotilo ne cheke chaichaghi koba, eigna iara neke theome eni kaisei najafra.

Profet Isaia 38:14

Iara kabru ghegu fara ne tanhi fabiꞌo. Nu nogu natanhi iara igne, jateula te tanhi balhu ra eghu kolho. Eghuteuna kate filo haghe iara kligna na, tathagure jaola kabru. Lord, togho ghau! Hoholo thoke ghau iara.”

Proveb 28:13

Jame te pophoru iagho nakhibomure, iagho ginauna na theome au fakeli. Nu jame te cheke thakledi iagho nakhibomure, eghuteuna figri tagrudi iagho nakhibo igre teuna, God ginauna kokhoni nigho iagho.

Nodi Khoje Hatimare Mae Jiu 22:14

Iara gne la theo hi kaisei nogu nolaghi te mala kegra heta na, eigna nogu nolaghi na jateula khoꞌu te thofa soru te blalho ka nusu ra eghu kolho. Nhubragure la klasuhi ka thududire. Eghuteuna gaoghathogure la blalhohi jateula suka eghu.

Thoutonu Eigna Mae Job 33:27

Ke leghu na mae igne ginauna koje eghu ka naiknore, ‘Iara tapla jafra ka nakhibo, eghuteuna iara theome edi glepo te doglo re, nu God theome para ghau iara eidi nakhibo igre.

Nodi Khoje Hatimare Mae Jiu 38:8

Iara ne thofno glaꞌe soru nogu fara ngala ka vido te biꞌo fara u diꞌanagnafa na, eghuteuna kate kabru ghegu fara na iara ne tanhi nogu kolho.

Profet Jeremaea 14:20

Lord, ghehati baludi kuꞌemi ra, ghehati edi kmana nakhibo ka tathamu iagho na.

Lamentations 1:8

Jerusalem gne jateula gaꞌase te gnognoro fara ra eghu, eghume naꞌa theome gae ka tathagna God na. Naꞌa soesole kolho, eghuteuna naiknore thofno cheke faparini naꞌa. Naꞌa pophoru tathagna re balu diꞌanagnafa nei tanhi, naugna naꞌa ne mamaja nogna fara.

Profet Daniel 9:5

Ghehati naikno diꞌa fara. Ghehati edi puhi te diꞌare ka tathamu iagho na. Ghehati theome leghudi nou vetula nei cheke teu iaghore.

Lamentations 5:16

Glepo teke fahaehaghedi ghehati ra, gognarona theo nafudi kolho. Kokhoni ghami fara, naugna ghehati gne tapla jafra ka nakhibo!