Lamentations 1:2 - Buka Blahi Ka Cheke Holo

² Ka bongi thongana igne naꞌa tanhi ghilei hamerane, eghuteuna kholodi thatagna re oro soru ka foflogna nei tathagna re. Tifa na naꞌa jateula gaꞌase te au kmana khetogna ra neku. Gognarona, mare tirodini naꞌa. Kheragna re tirodini naꞌa, kela nogna naoka naꞌa.

Lamentations 1:2 ပူးပေါင်းရင်းမြစ်များ

Nodi Khoje Hatimare Mae Jiu 6:6

Iara eha la eha la ghilei glaꞌe soru nogu. Leuleghu bongi na iara tanhi nogu fabrahu kolho. Nogu sape na la ghilei bothu ka kholodi tathagure. Nogu kokhogu na la jaola la bothu ka kholodi tathagure.

Profet Maeka 7:5

Ghotilo mala thosei rouronuni kaisei naikno neubane thofno kheramu ba khetomu. Ghotilo mala faghuai eghu ka cheke te chekedi ghotilo ka khetomi gaꞌase ba khetomi nalhaꞌu te thofno namhadi fara, naugna ghotilo jaola theome rouronudi nafnata naikno igre.

Lamentations 1:21

“Naiknore nomhini te tanhi fabiꞌo iara na, nu theo kaisei naikno te au teu jare te mala togho ghau iara na. Mae naokare jaola nomhini, nu mare kelitadi fara kolho, naugna iagho kuru mei puhi biꞌo igne mala thoke ghau iara. Lisa mei sagho narane te mala thoke mei puhi biꞌo igne leghuni unha teke chekeni iagho ia mala jaola papara mae naoka igre jateula iara eghu.

Lamentations 1:19

“Iara kilo meidi kheragure, nu mare tirodi ghau iara. Nogu mae pris nei mae funei teu iara re, mare tei hiro gano ka nabrougna namono na, nu mare theome tangomana te thafoni kaisei gano, eghuteuna gognarona mare lehe ka grofo kolho.

Lamentations 1:9

Naikno te gnafare filodi nakhibogna naꞌare, nu naꞌa theome nanga nogna kolho ka unha nate thoke mei ginauna. Nu mae naoka igre thofno koko soruni naꞌa pari, eghuteuna theo kaisei naikno te toghoni naꞌa na. “Lord! Naoka gre la ulu ghauhi iara. Filo ghau nei kokhoni ghau iara!”

Profet Jeremaea 30:14

Kherami ghotilore ghatho iho ghamihi ghotilo. Mare theome ghatho tahu ghami ghotilo gognarona. Iara para ghami ghotilo, jateula mae naoka te magri ghami ghotilo ra eghu. Papara te snakre mei iara igne ninhigrana fara, naugna nakhibomi ghotilore kmana fara, eghuteuna nabamiu ghotilo te papara na.

Profet Jeremaea 13:17

Nu jame te theome nomhini ghotilo cheke igne na, iara ginauna tei ka vido aheva nate theo kaisei naikno te filo ghau iara na mala tanhi ghami ghotilo. Naugna ghotilo ne fahaehaghe fara. Iara ginauna tanhi nogu fara, eghuteuna kholodi phei tathagu iara igre ginauna oro soru ka tathagu nei foflogu teu iara gre, naugna noda naoka tahatire ginauna mei ulu ghita tahati, eghuteuna mare ginauna atha fajifla ghita ka noda namono igne mala tei au ka keha kantri delei.

Profet Jeremaea 9:1

Te keli na phaꞌugu iara gne mala jateula kaisei seu te fodu ka khoꞌu ra eghu. Eghuteuna tathagu iara gre mala jateula kaisei glokha khoꞌu eghu. Eghuteuna bongi narane na, iara tanhidi kheragu teke lehe ka mae naoka ra.

Profet Jeremaea 4:30

Jerusalem, kate groꞌe na, unha nate eni iagho ginauna? Iagho pipichi ka pohe ukru nei lalaoni ka glepo teke hohoro ka gol. Eghuteuna peda fakeli tathamu na. Nafnata glalaoni igre theome mala togho ghami ghotilo. Naugna mae kherami fofodu ghotilora tirodi ghamihi ghotilo, eghuteuna gognarona mare magnahaghei fara te falehe ghami ghotilo na.

Nodi Khoje Hatimare Mae Jiu 31:11

Nogu naoka iara re cheke fahaehaghe fara ka iara. Tulao, mae kheragu iara gre mare thono cheke fadiꞌa ghau iara. Eghuteuna mae kheragu iara gre mare thono mhaghu ghau iara. Kate filo ghau iara ka nabrou na mare rikha ghau iara.

Thakle 17:16

Aonu bosu baludi nabotho hona te filodi iagho igre ginauna tirodini thau te vine igne. Mare ginauna hata ka naꞌa glepo te gnafare nei mare ginauna lisa laoni naꞌa mala au soesole kolho. Mare ginauna jaola ghamu fahui nafnahi ka thinigna naꞌa re, eghuteuna nakoni naꞌa ka khaꞌaghi na mala gnubra fahui naꞌa ka khaꞌaghi.

Thakle 17:13

Nabotho king igre kafe loku mala tusu lao nodi nolaghi nei nodi nafnakno na ka bosu igne.

Profet Hosia 2:7

Neuba naꞌa ne tei baludi mae nalhaꞌu te magnahaghedi naꞌa are, naꞌa ginauna theome tangomana. Neuba naꞌa ne fariuriu hirodi mare ka vido te gnafa re, naꞌa ginauna theome tangomana nate filodire. Eghuteuna ke leghugna igne, naꞌa ginauna cheke eghu, ‘Iara nake figri ka thofno khetogu ia.’

Profet Esikiel 16:37

Eghume, iara Lord God ginauna hata mei gnafa mae nalhaꞌu teke namhadi nei tiroudi teku iagho ra mala khapru mei. Eghuteuna iara ginauna hata koko pohemu iagho are kate kegra falithui nigho iagho teu mare na, mala tangomana mare te filo nigho kate soesole teu iagho na.

Lamentations 2:11

Iara tanhi ghilei kabru tathagu re, naugna iara kokhoni nogudi fara naiknore. Nagnafagu na kabru fara, naugna nogu naikno iara re la dofidihi. Eghuteuna goro sua nei gegeꞌe teure jaola lehe ka glehe grofo heva heva ka nabrougna namono na.

Profet Jeremaea 3:1

Lord ne cheke eghu, “Jame kaisei mae koko khetogna na, eghuteuna gaꞌase te koko mana igne ke tei tolaghi ka keha mae delei ngau. Ba, mae igne na faꞌunha? Mae igne tangomana na teke atha fapulo gaꞌase igne? Theo, naugna jame te eghu na, mana ginauna goigoni glose igne ka tathagu iara na. Nu ghotilo te tei koko ghau iara igne, ghotilo jateula gaꞌase vine te tei eni puhi te diꞌa na ka keha maei ra eghu. Eghume faꞌunha eghu jame teke pulo mei ghotilo ka iara na?

Proveb 19:7

Thabusigna mae te kuma re tirodini mana. Eghuteuna kheragnare jaola tirodini mana. Neuba mana ne hirodi mare mala toghoni, theome tangomana te dedi re.

Thoutonu Eigna Mae Job 7:3

Kmana nhigra, God ne eni nakarhagu iara na mala theo nafugna kolho. Mana para ghau iara fabrahu leghu bongi kolho.

Thoutonu Eigna Mae Job 6:15

Nu iara theome rouronudi kheragu iara re. Mae igre jateula kaisei khoꞌu ikoi te khapra kate theome soru mei nakhete ra eghu.

Nodi Khoje Hatimare Mae Jiu 126:5

Iheire te diꞌanagnafa balu taitanhi kate jo'u sisi teu ka nagare na, mare ginauna glealeꞌa fara ka vido te pulei posa gna mare gano na.

Profet Jeremaea 2:25

Ghotilo thosei tei leghudi keha nafnata god igre, na eghunu babaꞌo ghahemi nei moja foflomi teure eghu. Nu ghotilo mala cheke eghu koba, ‘Iara theome tangomana te au snoto na, naugna iara magnahagheni fara te leghudi keha god igre. Eghuteuna iara theome tangomana teke figri na.’ ”

Nodi Khoje Hatimare Mae Jiu 69:21

Kate rofo iara na, mare tusu mei poesen ka iara, eghuteuna kate rogu koꞌu iara na, mare tusu mei waen te raha.