Lamentations 1:18 - Buka Blahi Ka Cheke Holo

¹⁸ “Lord na thofno doglo fara, nu iara tirogu leghuni nogna Vetula mana na. Fanomho mei, ghotilo naiknogna nauthoglu igne! Filo mei ka puhi te au papara iara igne! Nogu mae majaghani nei gaꞌase majaghani teu iara ra, mae naoka gre la hata la tei kokodi nodi namono re, la tei au ka keha kantri delei!

Lamentations 1:18 ပူးပေါင်းရင်းမြစ်များ

Profet Sefanaea 3:5

Nu Lord mae ihei te au teu Jerusalem igne, mana eni unha te doglo na. Mana theome tangomana te eni unha te diꞌa na. Leuleghu narane na mana eni koba unha te keli na ranghidi nogna naiknore. Neuba, naikno te au ka namono igne theome mamaja te edi puhi te diꞌare.

Nodi Khoje Hatimare Mae Jiu 119:75

Lord, God, iagho fatedi naiknore ka puhi te doglo. Uve, iagho para ghau iara eidi nakhibogu iara re, naugna iagho ne tajini nou nhaꞌa cheke na.

Lamentations 1:12

“Ghotilo te salaꞌu ka iara ra, papara biꞌo te thoke ghau iara igne glepo theo nafugna kolho ka ghotilo? Ka narane te diꞌatagna Lord na, iara para ghau fara. Theo kaisei papara te jateula te para ghau iara igne teuna!

Profet Jeremaea 12:1

Lord, iagho eni fabrahu puhi te doglo na, eghume, iara theome tangomana te fapholai balumu iagho na. Nu iara magnahaghei te ghusna ka iagho eidi keha puhi te theome raꞌe glola ka gaoghathogu na. Ba, ne faꞌunha si mae te diꞌa puhidire igre te au fakeli nodi koba grea? Ba, ne faꞌunha si mae te theome namo ka iagho igre te au ka nakarha te keli igrea?

Lamentations 3:42

“Ghehati tapla jafra ka nakhibo, eghuteuna ghehati theome keli ranghi nigho, nu iagho theome koko fadeleidi la ngau nakhibomi ghehati gre.

Nodi Khoje Hatimare Mae Jiu 107:11

Naugna mare neke thono figri tagruni fara chekegna God na, nei tirodi fanomho ka nogna farirhiu God mae ihei te thofno fnakno fara na.

Nehemaea 9:33

Leuleghu fata na ghehati tapla jafra ka nakhibo, eghuteuna iagho leghuni puhi te doglo na ne para ghami ghehati. Leuleghu fata na iagho leghuni nou nhaꞌa cheke na ne togho ghami ghehati. Neuba, ghehati ne theome gnafa te eni puhi te diꞌa na.

Letas Teke Riso Tei Mae Pol Ka Khiloau Rom 3:19

Tahati lasenihi, naikno te gnafa te au ke parigna nogna vetula God na mala leghuni unha te chekeni ka nogna vetula God na. Eghume theo kaisei naikno tangomana te chekeni ne theo nakhibogna teuna, nu God ginauna fatedi naikno te gnafa ka nauthoglu igne.

Letas Teke Riso Tei Mae Pol Ka Khiloau Rom 2:5

Nu ghotilo patugama fara nei theome magnahaghei tughu nagnafa. Eghume u fate ginauna biꞌo fara ke klignami ghotilo. Eghuteuna fate igne ginauna thoke mei ka ghotilo ka narane God nate falalase diꞌatagna na, nei puhigna te doglo na eghu mala fatedi naikno te gnafare.

Profet Daniel 9:7

“Lord, iagho edi fabrahu unha te doglore. Nu ghehati famamaja ghami themi kolho kate edi fabrahu puhi te diꞌa gre. Naiknodi Juda nei Jerusalem, baludi naikno te gnafa Israel te khi teidi iagho te tei au tafri ke lamnagna nauthoglu igne, ghehati te gnafa na kaisei nanaba ngala. Ghehati te gnafa na theome tajini nomi nhaꞌa cheke teke eni balumu iagho ia.

Profet Jeremaea 49:12

Igne unha te chekeni Lord: “Jame ihei te doglo na, mala koꞌu ka kapu te fodu ka diꞌatagu iara gne, ihei ka ghotilo nate theome koꞌu ka kapu igne na? Te chekeni iara ka ghotilo na, papara igne mala kafe thoke ghami ghotilo gnafa.

Nodi Khoje Hatimare Mae Jiu 145:17

Gobigna lepo te edi Lord gre thofno doglo fara, eghuteuna gobigna lepo te edi mana re falalase ranghi ghita te mae keli fara mana ka tahati na.

Nehemaea 9:26

“Nu neuba ngau, mare figri tagru nigho nei theome leghu nigho, nei theome magnahaghedi nou vetulare. Mare falehedi nou mae profet, mae iheire te mala cheke ranghidi mala teke pulo mei mare ka iagho. Mare edi thua nafnata glepo te diꞌa mala goigoni nigho iagho.

Esra 9:13

“God, tutuani fara te cheke eghu iagho ka ghehati na, nu ghehati theome leghudi nou cheke iagho ra ne edi kmana nakhibo biꞌo nei najafra. Eghume iagho nabamu te para ghami ghehati eidi puhi te diꞌa igre. Nu theo eghu, iagho kokhoni ghami ghehati nei snakredi keha ka ghehati mala karhau.

Ululahu Kings 13:21

Aonu mana ne eha eghu ka nogna mae gloku God igne, “Lord ne cheke eghu, iagho theome leghuni nogna cheke Lord na, eghuteuna iagho theome eni unha teke chekeni mana ka iagho na.

Ululahu Samuel 15:23

Mae ihei te tirogna ni God na, mana tapla jafra jateula mae te loku ranghini naitu ra eghu. Eghuteuna mae ihei te fakliakligna ni thegna na, mae igne diꞌa fara jateula mae te pogho soru ka nodi mumuju god mae bongihehe ra eghu. Naugna te tirouni iagho chekegna Lord na, mana tirogna nighola iagho.”

Jajis 1:7

Mana ne cheke eghu, “Tifa na, iara neke jaola neke kusu koko geghesu biꞌo khamedi fitusalei king, eghuteuna mare au fadiꞌa jateula khuma te ghamu phike gano ke parigna nogu tevo iara na ia eghu. Gognarona God kela tughu fapulo unha teke eni iara ka mare na.” Mare atha ne teini mana Jerusalem, aonu ke leghu, mana ne lehe jare.

Diutronomi 32:4

Lord na vido keli mala poru. Puhigna mana na keli fara, eghuteuna mana doglo fabrahu kolho. God na ghatho tahu ghami ghotilo nogna naiknore. Mana doglo kolho theome eni kaisei glepo te diꞌa.

Eksodas 9:27

Aonu mae king ne fatei cheke ka mae Moses ghe mae Eron mala tei phiamare ka mana. Kate tei phiamare ka mana na, mana ne cheke eghu ka phiamare, “Phia mae, iara la thofno nakhibogu biꞌo fara, Lord na doglou kolho. Te iara nei nogu naikno iara teu nga gre te jafra na.

Nodi Khoje Hatimare Mae Jiu 119:137

Lord God, iagho eni unha te doglo na, nei nou vetula iagho re jaola thono doglo fara.

Profet Jeremaea 4:17

Mare ginauna mei kegra faligohoni namono biꞌo Jerusalem jateula kaisei mae te reireghi nagare te bara te ligoho ra eghu. Nu mare na eni igne, naugna ghotilo naiknomi Jerusalem nei Juda teu igre ne figri tagru ghau iara.

Profet Jeremaea 32:23

Vikemi ghehatire mei neke au ka glose igne, nu mare neke theome leghudi nou farirhiu iaghore neke theome edi unha teke chekedi iaghore. Eghuteuna iagho neke snakre mei puhi biꞌo mala thokedi mare.

Profet Daniel 9:5

Ghehati naikno diꞌa fara. Ghehati edi puhi te diꞌare ka tathamu iagho na. Ghehati theome leghudi nou vetula nei cheke teu iaghore.

Profet Emos 8:13

“Ka narane tuana, “neuba mae majaghani nei gaꞌase majaghani teu igre ne nheta fara, mare ginauna thofno rofo fara na glaꞌe soru te mala nomhini chekegu iara na, jateula mae te roi koꞌu ra eghu.

Lamentations 5:16

Glepo teke fahaehaghedi ghehati ra, gognarona theo nafudi kolho. Kokhoni ghami fara, naugna ghehati gne tapla jafra ka nakhibo!

Profet Sekaraea 1:6

Nu gobigna lepo teke cheke lao iara ka nogu mae profet tifa, mala cheke ka kuꞌemi ghotilo tekura, mare neke tirodi fanomho ka nodi cheke mare igre. Eghuteuna ka puhi igne, iara neke paradi mae kuꞌemi ghotilo ra. “Aonu mare lilisei puhidi mare te diꞌa igre, eghuteuna neke cheke eghu, Lord mae ihei te au nolaghi fateote'o igne, mana doglo kolho te para ghita tahati eidi puhida tahati te diꞌa re. Glepo igre, mana neke ghathodihi mala thoke mei tekuna, eghuteuna glepo igre la thoke meihi ne horoghoto ka unha teke chekeni mana na.”