Lamentations 1:17 - Buka Blahi Ka Cheke Holo

¹⁷ Jerusalem tore thotogho, nu theo kaisei te au te mala toghoni naꞌa na. Lord ne cheke ka naikno te au faligohoni Jerusalem igre mala nogna naoka naꞌa, eghuteuna te ghathoni mare na Saion gne glepo theo nafugna kolho.

Lamentations 1:17 ပူးပေါင်းရင်းမြစ်များ

Profet Jeremaea 4:31

Iara ne nomhini kaisei naogla jateula natanhi gaꞌase te namo karha sua majaghani ra neu. Igne nogna natanhi namono biꞌo Jerusalem te kmoꞌe gnafa ne cheke eghu, “Tutuani fara, naoka igre magnahaghei te mei falehe ghau iara!”

Profet Isaia 1:15

Kate ngafa haghe ghotilo khamemire te tarai mei ka iara na, iara ginauna tirogu filo ari ka ghotilo. Neuba ghotilo ne tarai ne tarai leghu rane, iara ginauna tirogu fanomho ka ghotilo. “Naugna dadaradi naikno teke aknu falehe ghotilo ra fodu ka khamemi ghotilore.

Lamentations 1:9

Naikno te gnafare filodi nakhibogna naꞌare, nu naꞌa theome nanga nogna kolho ka unha nate thoke mei ginauna. Nu mae naoka igre thofno koko soruni naꞌa pari, eghuteuna theo kaisei naikno te toghoni naꞌa na. “Lord! Naoka gre la ulu ghauhi iara. Filo ghau nei kokhoni ghau iara!”

Lamentations 1:19

“Iara kilo meidi kheragure, nu mare tirodi ghau iara. Nogu mae pris nei mae funei teu iara re, mare tei hiro gano ka nabrougna namono na, nu mare theome tangomana te thafoni kaisei gano, eghuteuna gognarona mare lehe ka grofo kolho.

Lamentations 1:16

“Naugna igne te tanhini fara iara na, eghuteuna kholodi phei tathagu iara re oro soru ka thinigu iara na. Eghuteuna theo kaisei naikno te au teu jare te mala farhetani gaoghathogu iara na. Mae naoka gre ulu ghau iara, eghuteuna nogu naikno iara re ne rhana nodi fara.”

Fapea Kings 25:1

Aonu, ka faheva finogha te king Sedekaea gna Juda igre, mae Nebukadnesa king gna Babilonia igne ne mei balu nogna armi ne magra Jerusalem. Mare mei ne au ke kosi Jerusalem, eghuteuna mare ne fafodu glose ne lithui ka baragna namono na mala tangomana mare te poru ke leghugna kate magra na.

Profet Hosia 8:8

Naiknogna kantri Israel igne jateula naiknodi keha kantri delei ra eghu theome keli. Kantri igne jateula tapera thina te phosa te diꞌa ra eghu gognaro na.

Profet Esikiel 36:17

“Maegna ka nauthoglu. Kani au teku naiknodi Israel tifa ka nodi namono mare na ia, kmana ka mare neke fatothona namono igne ka tathagu iara na ka puhi diꞌa te edi mare re. Puhi igre thono diꞌa fara ka tathagu iara na, jateula dadaragna gaꞌase te fatothonani naꞌa kate filoni khafa na ia eghu.

Lamentations 4:15

Naiknore ne eha eghu fabiꞌo ka mare, “Tei nomi delei! Ghotilo thosei habo ghami ghehati! Ghotilo theome gae ka tathagna God na!” Eghuteuna kate rikha tafri mare na, naiknodi keha kantri igre ne cheke eghu ka mare, “Mare theome tangomana te au balumi ghehati agne na!”

Lamentations 1:21

“Naiknore nomhini te tanhi fabiꞌo iara na, nu theo kaisei naikno te au teu jare te mala togho ghau iara na. Mae naokare jaola nomhini, nu mare kelitadi fara kolho, naugna iagho kuru mei puhi biꞌo igne mala thoke ghau iara. Lisa mei sagho narane te mala thoke mei puhi biꞌo igne leghuni unha teke chekeni iagho ia mala jaola papara mae naoka igre jateula iara eghu.

Lamentations 1:2

Ka bongi thongana igne naꞌa tanhi ghilei hamerane, eghuteuna kholodi thatagna re oro soru ka foflogna nei tathagna re. Tifa na naꞌa jateula gaꞌase te au kmana khetogna ra neku. Gognarona, mare tirodini naꞌa. Kheragna re tirodini naꞌa, kela nogna naoka naꞌa.

Profet Jeremaea 34:22

Nu iara ginauna na tusu lao vetula ka armi gna Babilonia mala ke pulo mei Jerusalem. Mare ginauna mei magra ka ghotilo, eghuteuna mare na ulu ghami ghotilo, mare na gnubra gobigna lepo ka namono igne. Iara ginauna goigoni ni namono Juda mala theome tangomana kaisei naikno te au tagna na.” Igne cheke gna Lord.

Profet Jeremaea 16:6

Neubane mae dedei ba mae te kuma, mare ginauna lehe ka kantri igne. Ginauna na theo kaisei naikno nate kokhonidi, tanhidi nei giugiluidi teure. Eghuteuna ginauna na theo kaisei naikno nate vahe thinigna thegna na, ba nate ghoighori phaꞌugna thegna na, fagaglanagna nogna diꞌanagnafa na.

Profet Jeremaea 6:3

Nodi king mae naoka igre ginauna mei balu nogna mae soldia mala magra ka namono igne. Mae igre kmana fara jateula mae mala reireghi sipu nei tothoghei sipu te mei ghamu tafri gobigna te magnahaghedi ra eghu. Eghuteuna mae igre ginauna lilisei haghe nodi suga tapualere ka vido aheva te magnahagheni mare na.”

Ululahu Kings 8:38

Jame te eghu na, iagho fanomho mei ka nodi tharai nou naikno iagho te au Israel igre. Lord iagho ngala te laseni unha te au ka thiꞌagna naikno na. Kehare theome gleale'a ka nagnafadire, eghuteuna mare tarai ari ka Sugablahi igne. Mare ngafa haghe khamedire na tarai ari ka iagho, neuba iagho ne au neu kligna, fanomho mei ka nodi tharai gre. Naugna iagho laseni unha te au ka thiꞌagna naikno na, iagho tangomana te fadoglini unha teke edi mare na.

Ululahu Kings 8:22

King Solomon tei ne kegra rhegna nogna olta Lord na ne figri lao ka mavitu gna Israel na. Aonu mana ngafa haghe phei khamegnare kligna,

Profet Jeremaea 8:18

Mae profet ne cheke eghu, “Iara diꞌanagnafagu fara la ghilei thofno glaꞌe soru gaoghathogu na.

Profet Jeremaea 12:9

Nogu glose iara na gognarona jateula nodi namono khuma mata eghu, aheva nanghaji biꞌo te flalo falithui te mala ghamu glepo te glepo te lehe re. Ghotilo tei! Kilo meidi glepo te tautagu te gnafa ka namhata na are mala mei ghamu ghedi!

Lamentations 1:8

Jerusalem gne jateula gaꞌase te gnognoro fara ra eghu, eghume naꞌa theome gae ka tathagna God na. Naꞌa soesole kolho, eghuteuna naiknore thofno cheke faparini naꞌa. Naꞌa pophoru tathagna re balu diꞌanagnafa nei tanhi, naugna naꞌa ne mamaja nogna fara.

Eklesiasti 4:1

Iara ghathodi fabrahu thua nafnata puhi te theome doglo te edi naikno gre ka nauthoglu igne. Keha naiknore paradi keha naiknore, eghuteuna naikno te au papara igre tanhi nodi fara, nu theo kaisei naikno te fameomegodire. Naugna mae te paradi naiknore igre au nodi nolaghi te mala eni unha te magnahagheni mare na.

Profet Isaia 54:11

Lord ne cheke eghu, “Ghotilo naiknomi Jerusalem. Gognarona ghotilo au papara, eghuteuna kmana hoholo thoke ghami ghotilo. Eghuteuna theo kaisei naikno te togho ghami ghotilo te mala ke keli nagnafami ghotilo na. Iara ginauna babana fakeli ghami ghotilo, jateula te atha famane thina te babana famaku nomi namono biꞌo ghotilo igne eghu.

Profet Jeremaea 15:5

Lord ne cheke eghu, “Ghotilo naiknomi Jerusalem, Ihei gne nate kokhoni ghami ghotilo ginauna? Ihei gne nate tanhi ghami ghotilo na? Ihei gne nate nanga ghami ghotilo te mei hiro ghami ghotilo te au fakeli ba te theo teuna? Thono theo fara!