Lamentations 1:16 - Buka Blahi Ka Cheke Holo

¹⁶ “Naugna igne te tanhini fara iara na, eghuteuna kholodi phei tathagu iara re oro soru ka thinigu iara na. Eghuteuna theo kaisei naikno te au teu jare te mala farhetani gaoghathogu iara na. Mae naoka gre ulu ghau iara, eghuteuna nogu naikno iara re ne rhana nodi fara.”

Lamentations 1:16 ပူးပေါင်းရင်းမြစ်များ

Lamentations 1:2

Ka bongi thongana igne naꞌa tanhi ghilei hamerane, eghuteuna kholodi thatagna re oro soru ka foflogna nei tathagna re. Tifa na naꞌa jateula gaꞌase te au kmana khetogna ra neku. Gognarona, mare tirodini naꞌa. Kheragna re tirodini naꞌa, kela nogna naoka naꞌa.

Lamentations 2:18

Ghotilo naiknomi Jerusalem ne eha tei ka Lord! Gringni thinagna Jerusalem, kholodi tathamu iagho are ginauna thofa soru jateula khoꞌu biꞌo eghu bongi narane! Te keli na iagho eghu fabrahu ghilei glaꞌe soru iagho.

Lamentations 2:11

Iara tanhi ghilei kabru tathagu re, naugna iara kokhoni nogudi fara naiknore. Nagnafagu na kabru fara, naugna nogu naikno iara re la dofidihi. Eghuteuna goro sua nei gegeꞌe teure jaola lehe ka glehe grofo heva heva ka nabrougna namono na.

Profet Jeremaea 14:17

“Jeremaea, iagho na cheke eghu ka naiknore: “ ‘Iara ginauna tanhi bongi narane. Eghuteuna kholodi phei tathagu iara gre ginauna oro soru ka tathagu nei foflogu teu iara gre. Naugna mae naoka gre thono goigonidi fara nogu naikno iara re.

Profet Jeremaea 13:17

Nu jame te theome nomhini ghotilo cheke igne na, iara ginauna tei ka vido aheva nate theo kaisei naikno te filo ghau iara na mala tanhi ghami ghotilo. Naugna ghotilo ne fahaehaghe fara. Iara ginauna tanhi nogu fara, eghuteuna kholodi phei tathagu iara igre ginauna oro soru ka tathagu nei foflogu teu iara gre, naugna noda naoka tahatire ginauna mei ulu ghita tahati, eghuteuna mare ginauna atha fajifla ghita ka noda namono igne mala tei au ka keha kantri delei.

Nodi Khoje Hatimare Mae Jiu 119:136

Kate filodi iara naikno te theome leghudi nou famane farirhiu iagho re, iara ne diꞌa nagnafagu fara ne tanhi.

Profet Hosia 9:12

Eghuteuna neubane au thumi ghotilo, nu iara ginauna na kafe falelehe thumi ghotilore. Ghotilo kokhoni ghami fara. Eigna kate tei koko ghami iara na, kmana nafnata puhi te diꞌa ginauna na thoke ghami ghotilo.

Lamentations 1:9

Naikno te gnafare filodi nakhibogna naꞌare, nu naꞌa theome nanga nogna kolho ka unha nate thoke mei ginauna. Nu mae naoka igre thofno koko soruni naꞌa pari, eghuteuna theo kaisei naikno te toghoni naꞌa na. “Lord! Naoka gre la ulu ghauhi iara. Filo ghau nei kokhoni ghau iara!”

Profet Jeremaea 9:21

Naugna glehe gne la thoke meihi ka tahati. Neuba tahati ne au ka sugadi mae biꞌo ba ka sugadi mae te kuma, glehe na ginauna thoke ghita. Glehe na thokedi goro sua te nairu ke lamna nabrou, nei jaola thokedi mae majaghani te tei ka maket.

Profet Jeremaea 9:10

Eghume, iara mae Jeremaea. Iara thofno diꞌa nagnafagu fara eidi thogele nei namhata teu te goigoni fahui ghotilo igre. Iara tanhi nei koje balu diꞌanagnafa. Theo kaisei naikno nate nolo ka vido igne, ba kaisei buluka nate ghamu buburu ka namhata igne. Eghuteuna nanghaji te gnafa nei glepo tautagu te gnafa teu igre ginauna na jaola kafe tei kokoni vido igne.

Profet Jeremaea 9:1

Te keli na phaꞌugu iara gne mala jateula kaisei seu te fodu ka khoꞌu ra eghu. Eghuteuna tathagu iara gre mala jateula kaisei glokha khoꞌu eghu. Eghuteuna bongi narane na, iara tanhidi kheragu teke lehe ka mae naoka ra.

Eklesiasti 4:1

Iara ghathodi fabrahu thua nafnata puhi te theome doglo te edi naikno gre ka nauthoglu igne. Keha naiknore paradi keha naiknore, eghuteuna naikno te au papara igre tanhi nodi fara, nu theo kaisei naikno te fameomegodire. Naugna mae te paradi naiknore igre au nodi nolaghi te mala eni unha te magnahagheni mare na.

Nodi Khoje Hatimare Mae Jiu 69:20

Nodi cheke mare te diꞌa fara igre, thofno goigonini fara gaoghathogu iara na. Eghuteuna gaoghathogu iara na thofno glaꞌe soru gognaro na. Iara ofoni kolho ihei te kokhoni ghau na, nu theo kaisei.

Profet Jeremaea 8:18

Mae profet ne cheke eghu, “Iara diꞌanagnafagu fara la ghilei thofno glaꞌe soru gaoghathogu na.

Nodi Khoje Hatimare Mae Jiu 106:42

Hatimare mae naoka gre ne paradi fara mare ne ghilei kokhonidi fara.

Profet Isaia 54:11

Lord ne cheke eghu, “Ghotilo naiknomi Jerusalem. Gognarona ghotilo au papara, eghuteuna kmana hoholo thoke ghami ghotilo. Eghuteuna theo kaisei naikno te togho ghami ghotilo te mala ke keli nagnafami ghotilo na. Iara ginauna babana fakeli ghami ghotilo, jateula te atha famane thina te babana famaku nomi namono biꞌo ghotilo igne eghu.

Profet Jeremaea 15:5

Lord ne cheke eghu, “Ghotilo naiknomi Jerusalem, Ihei gne nate kokhoni ghami ghotilo ginauna? Ihei gne nate tanhi ghami ghotilo na? Ihei gne nate nanga ghami ghotilo te mei hiro ghami ghotilo te au fakeli ba te theo teuna? Thono theo fara!