Lamentations 1:14 - Buka Blahi Ka Cheke Holo

¹⁴ “Nogu funei neke hata nakhibogu gre neke loku fodu. Nakhibo igre jateula glepo tahu te nhaꞌa mei ke klignadi fafragu iara ra eghu, eghume iara thofno glaꞌe soru fara. Mana lisa lao ghau iara ka khamedi nogu naokare, eghuteuna iara theome nheta te mala magra ka mare na.

Lamentations 1:14 ပူးပေါင်းရင်းမြစ်များ

Profet Isaia 47:6

Tifa na iara diꞌatagu fara ka nogu naiknore naugna mare ne theome leghuni puhigu iara na. Iara neke nhaꞌa sorudi ke parigna nou nolaghi iagho, nu iagho neke goigonidi kolho, eghuteuna iagho neke theome kokhonidi kolho naiknore. Neubane mae khuekuꞌe mare, iagho paradi fara.

Diutronomi 28:48

ghotilo ginauna rofo, nei roi koꞌu, nei soesole nei kmoꞌe ka gobigna lepo fateote'o. Glepo igre ginauna thoke ghami ghotilo naugna ghotilo ginauna na loku ranghidi nomi naoka ghotilo teke kuru mei Lord ka ghotilo are. Mare ginauna thofno para ghami fara ghotilo ka gloku biꞌo te ninhigrana fara ghilei ghotilo te gnafa na kafe lehe hui.

Profet Esikiel 25:7

Eghume iara ginauna lisa lao ghami ghotilo ka khamedi mae naoka re mala magri ghami nei hata nomi gobigna lepo ghotilo are eghu mare. Iara ginauna goigoni ghami ghotilo mala theo nafugna nomi kantri ghotilo igne. Eghume ghotilo ginauna lase ghau iara, iara Lord.’ ”

Profet Esikiel 25:4

Eghume iara ginauna snakredi maedi ka namono nagou ke maghati are mala mei magra ka ghotilo. Mare ginauna lisei haghe nodi suga tapuale re mala au nodi ka nomi kantri ghotilo igne. Eghuteuna mare ginauna hata gano ghamu ka nomi nagare ghotilo are nei koꞌu milk ka nomi buluka ghotilo are eghu.

Profet Jeremaea 28:14

Iara ginauna lisei soru naiknodi kantri igre ke parigna nogna nolaghi biꞌo King Nebukadnesa, king gna Babilonia te theo kaisei naikno nate kina lopini na. Eghuteuna iara ginauna na jaola chekedi glepo te tautagu ka namhata na are mala au ke parigna nogna nolaghi mana.’ ”

Proveb 5:22

Nakhibogna naikno te diꞌa na tangomana te haru famakuni mana na, jateula phighoro te haru famakudi nanghaji ra eghu.

Profet Hosia 5:14

Iara ginauna kafe goigonidi gnafa naiknodi phei kantri Israel ghe Juda. Jateula lion te kina sasaka te ghamu thinigna buluka biꞌo na ia eghu. Eghuteuna ginauna na theo kaisei naikno nate fakarhidi ka narane nate hata fajifladi iara ka phei kantri igre.

Profet Esikiel 23:28

“Iara Lord God, iara ginauna thofno snakre lao nigho ka nodi nolaghi naikno tela tiroudihi iagho ra.

Profet Esikiel 21:31

Iagho ginauna haimini nolaghi te diꞌatagu fara iara ka iagho na. Iara ginauna snakre lao nigho ka mae iheire te nheta ka magra nei lasedi puhi te mala goigonidi gobigna lepore.

Profet Esikiel 11:9

Iara ginauna ngolhi fajifla ghami ghotilo ka namono igne, eghuteuna snakredi keha kantri are mala para ghami ghotilo.

Profet Jeremaea 37:17

Keha narane ke leghudi igre, King Sedekaea ne fatei cheke ka mare mala atha fapuloni mae Jeremaea ka nogna suga na. Mana ne ghusna eghu ka mae Jeremaea, “Ba, Lord na cheke ranghi nigho iagho keha nonomho, ba theo?” Mae Jeremaea ne cheke eghu ka mana, “Uve! Lord neke cheke mei ka iara. Mare ginauna lisa lao nigho iagho ka khamedi mae Babilonia!”

Profet Jeremaea 32:5

King Nebukadnesa ginauna athani King Sedekaea tei Babilonia, eghuteuna mana ginauna tei au fabrahu jare ghilei thokeni narane nate fateni iara mana na. Neuba mana ne magra heta, mana theome tangomana te uluni king gna Babilonia.’ Igne cheke gna Lord.”

Profet Jeremaea 27:12

Aonu iara tei ne toutonudi nafnata cheke igre ka King Sedekaea, mae ihei te king gna Juda. Iara ne cheke eghu ka mana, “King, ghotilo lisa lao ghami themi ke pari gna nogna nolaghi king gna Babilonia baludi nogna naikno manare. Ghotilo jateula buluka te snakreni mae khoto gna na te lilisei vido thaba balu nhugha ka grara gna na te mala loku ia eghu mala loku ranghidi mare. Jame te eghu ghotilo na, ghotilo ginauna au fakeli nomi jare.

Profet Jeremaea 27:8

“ ‘Nu jame kaisei kantri ba kaisei king tirogna au ke parigna nogna nolaghi king Nebukadnesa, iara ginauna roꞌeni kantri igne. Iara ginauna kuruni king Nebukadnesa mala magra ka mare. Mare ginauna kmoꞌe ka gano, eghuteuna mare ginauna na thokedi fogra biꞌo. Ka puhi igne iara ginauna goigoni ni kantri ba king igne.

Profet Jeremaea 25:9

iara ginauna kilo meidi kantri ke raru are. Eghuteuna iara ginauna na jaola kiloni mae Nebukadnesa mae king gna Babilonia, mala mei roꞌeni Juda baludi namono te gnafa te au faligohoni namono tuana. Iara ginauna na roꞌeni kantri igne mala krogha fabrahu. Eghuteuna naikno te gnafa te mei salaꞌu ka vido igne ginauna jaglo nodi balu mhaghu, nei cheke fadiꞌadi eigna unha te eni mare na.

Profet Isaia 14:25

Iara ginauna goigonidi gnafa naiknodi Asiria te mei au ka nogu glose iara igre. Eghuteuna iara ginauna tapla ka mare mala thofno goigonidi iheire te mei au ka thogele ka glose igne. Uve, nogu naikno iara igre ginauna theome mala ke nodi naikno sneka mare, eghuteuna iara ginauna hata koko glepo te tahu ka faframi ghotilo te huhuru ghami mare te pala ghotilo are.

Profet Jeremaea 28:13

“Iagho tei ka profet Hananaea mala cheke eghu ka mana, ‘Lord mae ihei te au nolaghi fateote'o, nei nodi God mae Israel teu igne, mana ne cheke eghu: Iagho kina lopi kolho vido thaba balu nhugha igne. Nu ke tughu gna glepo igne na, iara ginauna horo nafnata glepo igne ka aean mala lilisei ari ka iagho.

Profet Jeremaea 32:3

King Sedekaea fasosoloni profet Jeremaea jare, naugna mana ne toutonuni fabrahu ni chekegna God. King ne cheke eghu ka mae Jeremaea, “Naugna unha sagho te cheke fadiꞌa ghau iara gnea? Igne nafnata cheke te eni iagho na, ‘Igne unha te chekeni Lord na: Iara ginauna lisa lao namono igne ka khame gna king gna Babilonia.

Profet Maeka 2:3

Nu igne unha te chekeni Lord na, “Iara ghaoghatho mala eni puhi biꞌo mala thoke ghami ghotilo, eghuteuna ghotilo ginauna theo kaisei nabrou te mala rikha na. Nu puhi biꞌo igne theome mala tangomana ghotilo te mala fahaehaghe ghami themi jateula te eni ghotilo gognaro na.