Lamentations 1:13 - Buka Blahi Ka Cheke Holo

¹³ “Mana kuru soru khaꞌaghi funu kligna ne gnhubra glamnagu iara na. Mana ne lilisei kaisei phighoro malagu iara, mala uka iara. Mana tei koko ghau iara, mala glaꞌe soru iara.

Lamentations 1:13 ပူးပေါင်းရင်းမြစ်များ

Profet Habaku 3:16

Iara nomhidi gobigna lepo teke edi iagho igre ne thono bobolo nogu fara balu mhaghu ne fififri foflogu na. Ghahegu nei khamegu teure kafe glaꞌe soru theome tangomana te kegra haghe na. Nu te laseni iara na, iagho Lord ginauna mei mala paradi iheire te mei goigoni ghami ghehati igre. Eghume iara au kmu ofoniu narane igne.

Thoutonu Eigna Mae Job 30:30

Thinigu na brana fara ka fagrutu. Eghuteuna guligu iara na jateula te thunu ka naprai ra lau.

Profet Esikiel 17:20

Iara ginauna sakuni mana jateula nanghaji te khale ka fangna te saku ra eghu, mala hata tei Babilonia. Jare iara ginauna parani mana, naugna mana ne tirogna ghau iara nei theome ghatho tahu ghau iara.

Nodi Khoje Hatimare Mae Jiu 22:14

Iara gne la theo hi kaisei nogu nolaghi te mala kegra heta na, eigna nogu nolaghi na jateula khoꞌu te thofa soru te blalho ka nusu ra eghu kolho. Nhubragure la klasuhi ka thududire. Eghuteuna gaoghathogure la blalhohi jateula suka eghu.

Thoutonu Eigna Mae Job 19:6

Nu te mala laseni ghotilo na God neke para ghau iara. Eghuteuna mana neke loki ghau iara ka nogna phighoro na.”

Profet Nahum 1:6

Eghume, ihei gne te nabagna nate kegra heta kate diꞌatagna mana na? Theo kaisei te nabagna! Kate diꞌatagna na, phei tathagna manare ginauna ukru jateula khaꞌaghi eghu, eghuteuna thina biꞌore ginauna nghuja vuhai nakrofu kolho.

Profet Esikiel 12:13

Nu iara Lord ginauna lilisei kaisei phighoro mala khaleni mana. Eghuteuna iara ginauna hatani mana mei ka namono Babilonia. Mana ginauna na au fabrahu ka namono te au mana na ghilei lehe, na theome filoni nogna namono na.

Nodi Khoje Hatimare Mae Jiu 66:11

Iagho neke snakre ghami ghehati neke khale ka phighoro, nei lisa mei puhi biꞌo ke klignami.

Fapea Tesalonika 1:8

Mana ginau mei funu kligna balu khaꞌaghi ngaja mala fatedi iheire te theome laseni God, nei iheire te tirodi leghuni u Nonomho te Keli eigna noda Lord Jisas Kraes.

Profet Hosia 7:12

Eghuteuna kate flalo tafri jateula igne teu mare na, iara ginauna lilisei kaisei fangna mala khale mare, eghuteuna iara ginauna paradi nafnata naikno te diꞌa igre.

Profet Esikiel 32:3

King, fanomho sagho ka iara. Lord God neke cheke eghu: Kate salo fodu mei teu naiknodi keha kantri igre, iara ginauna koko soru nogu fangna na ke klignamu iagho, eghuteuna naiknore ginauna korho nigho iagho longa mata.

Lamentations 5:17

Naudi naꞌau papara igre ghehati fadiꞌa ghami fara, eghuteuna ghehati diꞌanagnafa nei tanhi eghu fabrahu ghilei theome tangomana te fifilo na.

Lamentations 1:22

“Filo mei sagho ka puhidi naikno te diꞌa igre, paradi sagho, jateula iagho te para ghau iara eidi nakhibogu iara gre eghu. Iara tanhi gaoghathogu fara, eghuteuna nagnafagu na glaꞌe soru fara.”

Profet Jeremaea 44:6

Naugna igne, iara falalase diꞌatagu na ka mare jateula khaꞌaghi ngaja te theo kaisei naikno te puri faleheni ra eghu. Iara neke goigoni namonodi Juda, nei nabrou te gnafa Jerusalem. Uve, glepo igre diꞌa fabrahu ghilei mei posa ka narane gognarogne.

Profet Isaia 42:17

Nu iheire te tarai ka mumuju god, eghuteuna chekeni te tuana ngala nodi god na teu are, ginauna filo fameomekro balu mamaja fara.”

Nodi Khoje Hatimare Mae Jiu 129:5

God, brue fadeleidi sagho naikno te tirodini Jerusalem are mala mamaja nodi fara mare.

Nodi Khoje Hatimare Mae Jiu 35:4

Mae igre magnahaghei te mei te falehe ghau iara. Mei sagho mala tapla sorudi pari naikno igre mala mamaja nodi kolho mare. Mae igre roghe nodi te mala goigoni ghau iara na. Fasnividi sagho pha'udire mala ke figri ke pulo mare.

Nodi Khoje Hatimare Mae Jiu 31:10

Diꞌanagnafa te eni iara gne fakmoꞌeni nakarhagu iara na. Iara tanhi nogu fara, eghuteuna iara theome nabagu te au faraugha na. Nanhetagure la hui, eghuteuna nhubragure la jaola salha hi.

Thoutonu Eigna Mae Job 18:8

Ghahegna re khale ka kaisei fangna te lilisei poru teu.

Diutronomi 28:65

Eghuteuna ka keha namonore, ghotilo ginauna na theome tangomana te filoni pharikeli ba vido mala gnafa. Eghuteuna theo kaisei namono te ghathoni ghotilo ne nomi namono themi teuna. Ghotilo ginauna nanga nomi fabrahu, eghuteuna gaoghathomi ghotilo re na theome tangomana te au blagna na, aonu gaoghathomi ghotilo re ginauna glaꞌe soru.

Nodi Khoje Hatimare Mae Jiu 38:8

Iara ne thofno glaꞌe soru nogu fara ngala ka vido te biꞌo fara u diꞌanagnafa na, eghuteuna kate kabru ghegu fara na iara ne tanhi nogu kolho.

Nodi Khoje Hatimare Mae Jiu 140:5

Naikno te fahaehaghe are la kulu roghenihi te mala loki ghau iara na. Uve, mare la kulu kaikalitihi te mala loki ghau iara na, jateula naikno te kaikaliti fangna te mala ugra sasa ra eghu.

Eksodas 12:9

Ghotilo thosei ima nafnahi te theome muita, ba thosei gahu ka suspen. Ghotilo gahu ka khaꞌaghi kolho. Ghotilo gahu mala ima phaꞌu, ghahe, khame nei unha te au ka thiꞌa gna na.

Lamentations 3:11

Mana loki ghau iara, eghuteuna korho fadelei ghau iara ka nabrou na ne goigoni ghau iara. Eghuteuna lisei soru ghau iara ka vido aheva te theo kaisei naikno te mala togho ghau iara na.