Lamentations 1:11 - Buka Blahi Ka Cheke Holo

¹¹ Naiknodi Jerusalem re ne tanhi kate hiro gano tafri na. Mare ne sabiri nodi glepo te keli re mala foli gano, mala tangomana mare te au karha teuna. “Lord! Naikno te gnafa igre theome ghatho tahu ghau iara gognarona. Iagho kokhoni ghau iara nei filo mei ka iara!”

Lamentations 1:11 ပူးပေါင်းရင်းမြစ်များ

Profet Jeremaea 38:9

“Nogu King. Glepo te eni mae biꞌo igre ka mae Jeremaea igne theome doglo. Mare koko soruni mana lamna khora kho'u. Eghuteuna mana ginauna lehe ka grofo jare, naugna gognarona namo theohi kaisei bret te au ka namono igne.”

Lamentations 2:12

Goro sua igre tanhi ghedi gano nei khoꞌu eghu ka idodire. Ghilei khoko soru lamna nabrou jateula mae te fnera ra neu. Eghuteuna lehe soru nodi ka thinidi idodire.

Lamentations 2:20

“Lord! Filo mei sagho ka iara, mala ghatho ghau iara: Iagho neke parani kaisei naikno jateula igne neku tifa na? Neubane gaꞌase te namhadi fara thudi re, rehati ghamu thinidi thudi te lehe re! Nou mae pris nei profet teu iagho igre, mae naoka igre aknu falehedi ke lamna nou Sugablahi iagho!

Lamentations 1:9

Naikno te gnafare filodi nakhibogna naꞌare, nu naꞌa theome nanga nogna kolho ka unha nate thoke mei ginauna. Nu mae naoka igre thofno koko soruni naꞌa pari, eghuteuna theo kaisei naikno te toghoni naꞌa na. “Lord! Naoka gre la ulu ghauhi iara. Filo ghau nei kokhoni ghau iara!”

Profet Jeremaea 19:9

Kate mei mae naokare te kegra faligohoni namono na te magnahaghei aknu falehedi naiknore, iheire te au ke lamnagna namono igne ginauna theo gano rofo. Aonu mare ginauna rofo fara na ghilei ghamu thudi nalhaꞌu, thudi gaꞌase nei kheradi teure.’

Thoutonu Eigna Mae Job 40:4

“Iagho laseni, iara theome naba te cheke na. Unha nate chekeni iara ginauna? Iara ginauna fofotho foflogu na.

Fapea Kings 6:25

Mare au neu jare ne ghilei thoke mei narane te theo gano ka namono biꞌo igne. Aonu gano re theome naba sileni te mala folidi re, naugna foligna gna gano na thono haghe fara. Kaisei phaꞌugna dongki na, mare foli ka nhana salei silva, eghuteuna kaisei kapu bini na, mare foli ka glima silva.

Profet Jeremaea 15:19

Aonu Lord ne cheke eghu ka iara, “Nou cheke iagho igre fameomekro kolho. Jame figri iagho gaoghathomu na teke figri mei ka iara na, iagho ginauna nake nogu mae gloku iara. Eghuteuna jame te toutonuni iagho chekegu iara te keli igne ka naiknore, iagho ginauna na jateula foflogu eghu iara.

Lamentations 1:8

Jerusalem gne jateula gaꞌase te gnognoro fara ra eghu, eghume naꞌa theome gae ka tathagna God na. Naꞌa soesole kolho, eghuteuna naiknore thofno cheke faparini naꞌa. Naꞌa pophoru tathagna re balu diꞌanagnafa nei tanhi, naugna naꞌa ne mamaja nogna fara.

Nodi Khoje Hatimare Mae Jiu 79:4

Naikno bongihehe te au faligoho ghami ghehati igre cheke fadiꞌa ghami ghehati, nei maꞌe ghami nei tukma ghami eghu ngala ghehati.

Lamentations 2:11

Iara tanhi ghilei kabru tathagu re, naugna iara kokhoni nogudi fara naiknore. Nagnafagu na kabru fara, naugna nogu naikno iara re la dofidihi. Eghuteuna goro sua nei gegeꞌe teure jaola lehe ka glehe grofo heva heva ka nabrougna namono na.

Lamentations 5:1

Lord, ghathoni sagho puhi biꞌo te thoke ghami ghehati igne. Eghuteuna iagho jaola filoni eigna ghehati la mamaja nomi fara.