Lamentations 1:10 - Buka Blahi Ka Cheke Holo

¹⁰ Mae bongihehe teke chekedi Lord mala thosei tei ruma lamna Sugablahi teku igre, Jerusalem ne filodi mare te tei ruma lamna Sugablahi na, eghuteuna mare blau glepo blahire.

Lamentations 1:10 ပူးပေါင်းရင်းမြစ်များ

Diutronomi 23:3

“Jame kaisei ka vikegna Amon, ba vikegna Moab, eghuteuna iheire ginau nate karha mei ka phei vike igre, nafnata naikno igre jateula te theo nodi nolaghi eghu te mala au ka kaisei nodi faidu nogna naikno Lord igne.

Profet Jeremaea 51:51

Lord ne cheke eghu, “Ghotilo cheke eghu, ‘Naiknore cheke fadiꞌa ghami ghehati, eghuteuna ghehati mamaja nomi fara, naugna maedi delei gre ne tei ruma lamna ka nogna Sugablahi Lord te Blahi fara na.’

Lamentations 1:7

Jerusalem gognarona thofno diꞌa parilahu, eghuteuna naiknore neke ghatho fapulodi nakarha te keli nei dedei fara teku tifa re. Kate mei naoka te uluni namono biꞌo Jerusalem igne, theo kaisei naikno nate toghoni na. Kate filoni igne, mae naoka gre ne maꞌeni, naugna namono igne la groꞌehi.

Nehemaea 13:1

Ka narane igne naiknore mei ne khapru, eghuteuna mare ne iuꞌiju fabiꞌo nogna Vetula mae Moses na mala tangomana naiknore te kafe nomhini. Kate nomhini igne, mare laseni te theo kaisei ka vikegna Amon, ba ka vikegna Moab te au nodi nolaghi te mala gnokro baludi mae Israel ka nogna nakhapru God na.

Nonomho Te Keli Teke Risoi Mae Mak 13:14

Mae Jisas ne cheke eghu, “Ghotilo ginauna filoniu kaisei glepo te diꞌa fara ginauna kegra ka vido aheva te theome nabagna te mala au na.” (Iagho mae ihei te iu'ijuni igne lase fakelini gaoghathogna na.) “Kau narane tuana naikno te au ka Provins Judia are na rikha tei mala poru ka thogele gro.

Profet Esikiel 44:7

Ghotilo snakredi naiknodi kantri delei te theome vahe nei theome leghu ghau iara teu are te tei lamna ka nogu Sugablahi iara na. Ka puhi igne, ghotilo huhughunihi baubahu teke eni iara balumi ghotilo ia, eghuteuna ghotilo fachara ka nogu Sugablahi iara na kate hata mare garofa nei dadaradi buluka te fafara mei ka iara ra.

Profet Esikiel 9:7

Lord neke cheke eghui ka mare, “Ghotilo mala fatothona Sugablahi igne ka tathagu iara na, eghuteuna fafofodu glalaba lamna ana ka thinidi naikno te lehe are! Eghume, ghotilo jifla tei!” Aonu, mare jifla ne tei aknu falehe naiknogna namono igne.

Profet Esikiel 7:22

Iara ginauna figri tagrudi naikno igre, eghuteuna snakredi maedi delei te diꞌa puhidi re are mala fatothona nogu famane namono iara re.

Profet Jeremaea 52:13

Mana ne gnubra ka khaꞌaghi nogna Sugablahi Lord na, nogna suga biꞌo king na, nei suga te gnafa Jerusalem. Mana gnubra ne hui suga ulu te gnafa ka namono na.

Profet Jeremaea 20:5

Eghuteuna iara ginauna snakre lao ka mae naokare gobigna lepo te keli fateote'o ka namono biꞌo igne, neubane famane glepo teke edi ghotilo themi ba nogna dedei mae king gna Juda. Mare ginauna atha fahui gobigna lepo igre pala tei Babilonia.

Profet Jeremaea 15:13

“Eghume, iara ginauna kuru meidi mae naokare ka ghotilo, eghuteuna ghotilo ginauna na theome tangomana ghami te uludi mare na. Iara ginauna tufa kolho nomi gobigna glepo te keli fateote'o ghotilo are ka hatimare mae naoka. Naugna ghotilo ne edi kmana glepo te diꞌa ka vido te gnafa ka nomi kantri na.

Profet Isaia 63:18

Ghehati nou naikno blahi iagho te au katha vido kmo'ei kolho ka nou vido blahi iagho igne. Nu mae naoka igre mei ngolhi fajifla ghami ka nomi namono re. Mare gognarona la mei goigonihi nou namono blahi iagho igne.

Profet Jeremaea 50:28

Profet ne cheke eghu, “Fanomho mei ka kherada teke tei au Babilonia teke la pulo mei Jerusalem igre. Te chekeni mare na noda Lord God tahati igne kela tughu fapulo glepo te diꞌa teke edi naiknodi Babilonia ka nogna Sugablahi mana ra.”

Diutronomi 23:4

Naugna tifa kani teke jifla ghotilo Ijep ia, ghotilo neke mei salaꞌu ka nodi nohi naiknodi Amon, eghuteuna mare neke theome kelitadi te tufa gano nei khoꞌu teu ka ghotilo na. Eghuteuna kate mei ghotilo ka nodi nohi naiknodi Moab, mare neke kilo meini mae Balam thugna mae Beo, maegna ka namono Petoa jare Mesopotemia. Mare folini mae Balam mala tibri ghami ghotilo.

Fapea Kronikols 36:18

Eghuteuna King Nebukadnesa ne hata fajifla gobigna lepo teke au teku ka nogna Sugablahi God na baludi gobigna lepo teke au ka chogho te mala lilisei glepo ka Sugablahi na. Eghuteuna mana jaola hata nogna famane glepo King Sedekaea, nei nodi nogna mae biꞌo mana re. Mana hata ne tei gobigna lepo igre Babilonia.

Profet Jeremaea 27:19

King Nebukadnesa mei Jerusalem ne atha king Jehoiakin, thugna King Jehoiakim gna Juda, baludi mae biꞌo mala baubatu ka namono Jerusalem nei ka keha vido Juda mala tei Babilonia. Eghuteuna ka narane igne, mana neke theome atha phei khegra biꞌo ke ulugna nogna Sugablahi Lord, nei tangk teke horo ka bras, nei kat mala pala khoꞌu, nei keha glepo gna Sugablahi na. Glepo igre au faleghu ka namono Jerusalem.

Profet Jeremaea 27:21

Aonu iara God, nodi Lord mae Israel, iara Lord mae ihei te au nolaghi fateote'o, iara na cheke eghu ka ghotilo, iara cheke eidi glepo te au teu ka Sugablahi igne, nei ka sugagna king gna Juda, nei ka keha namono Jerusalem: