Lamentations 1:1 - Buka Blahi Ka Cheke Holo

¹ Namono Jerusalem, tifa na neke fodu ka naikno. Gognarona krogha. Tifa, naiknogna nauthoglu igne neke ghatho tahuni namono Jerusalem. Gognarona jateula gaꞌase teke lehehi khetogna ra eghu, te au thegna kolho. Namono igne tifa na jateula Kuin te funei frunidi keha namono ra neku. Gognarona jateula kaisei naikno sneka eghu kolho.

Lamentations 1:1 ပူးပေါင်းရင်းမြစ်များ

Profet Isaia 3:26

Aonu naikno te gnafa ka nomi namono te theome lehe nga teura ginauna diꞌanagnafa nei tanhi eghu, naugna namono igne ginauna na jateula kaisei gaꞌase te mei naikno te hata fateo nogna gobigna lepora eghu.

Esra 4:20

Tifa na keha mae king te au nodi nolaghi biꞌo igre, mare neke funei fruni ni provins thongana tei posa ke mosu Khoꞌu biꞌo Iufretis. Eghuteuna leuleghu fata na mare hata thua nafnata takis ka naiknogna provins tuana.

Ululahu Kings 4:21

King Solomon ne funei frunidi kantri te ikodi te gnafa funu ka Khoꞌu biꞌo Iufretis ke raru na tei posa Filistia ke mosu na, eghuteuna tei posa ka nohi Ijep ke mata. Eghuteuna kantri igre foli takis ka mana, nei au ke parigna nogna nolaghi mana kate karha teu mana na.

Profet Isaia 54:4

“Thosei mhaghu! Theo kaisei naikno nate famamaja ghami nei filo fapari ghami teu ghotilo na. Ghotilo ginauna nake ghatho ihodi narane teke jateula gaꞌase te tei tafri, ba jateula thau te au sopa te magnahaghei tolaghi teku tifa ra.

Profet Sefanaea 2:15

Igne unha nate thoke mei ka naikno te au ka namono biꞌo Ninive. Eigna naikno te au ka namono igne cheke fahaehaghe eghu koba, “Namono tahati igne kaisei namono ulu fara ka keha kantri igre!” Nu theo eghu. Naugna namono te ulu tuana ginauna groꞌe theo tokagna. Eghuteuna namono tuana ginauna mala nodi namono buluka, nei sipu, nei nanigot, nei nanghaji, nei gobigna lepo te tautagu igre kolho. Eghuteuna iheire te mei filoni igne ginauna mhaghu nodi fara na suaraghi faleghu.

Lamentations 5:16

Glepo teke fahaehaghedi ghehati ra, gognarona theo nafudi kolho. Kokhoni ghami fara, naugna ghehati gne tapla jafra ka nakhibo!

Profet Isaia 22:2

Ghotilo rugusi fara heva heva ke lamnagna namono igne, eghuteuna ghotilo jaola eha tongana, naugna ghotilo ne ei gaghamu biꞌo. Nu ghotilo theome ghathodi kolho kherada tela lehehi ra. Mare neke theome lehe kolho ka magra.

Fapea Kings 23:35

King Jehoiakim huhurudi naiknodi Juda re mala foli takis ka mana, mala tangomana mana te au sileni te mala folini Neko king gna Ijep. Naiknore ne foli takis leghuni unha te chekeni mana na.

Thakle 18:7

Ghotilo parani naꞌa nanaba ka puhigna naꞌa te fafnaknoni kolho thegna nei gleale'a kate snori nogna ka gobigna lepo te magnahaghedi naꞌa re. Uve, iagho tangomana te mala fakabruni naꞌa, naugna naꞌa ne cheke eghu koba, ‘Iara gne au jateula nakrupe biꞌo eghu. Iara theome jateula thau glehe kokoi eghu mala au diꞌanagnafa nei tanhi eghu.’

Profet Esikiel 26:16

Mae king te au ka kantri ka gratha na are ginauna mhaghu nodi fara ka puhi biꞌo nate thoke ghami ghotilo igne. Mare ginauna rusu koko nodi famane pohe teke susuki thotoghale tagna na, eghuteuna mare ginauna pipichi ka pohe thona fagaglanagna nodi diꞌanagnafa na. Mare ginauna gnokro pari ka glose na balu fififri.

Lamentations 4:1

Tifa na noda gol tahati gre, ulu lahudire neke famane siasigla fara, nu gognarona thofno thona fara. Eghuteuna thina blahi ka Sugagna Lord na igre, naga tafri ke lamna nabrou.

Lamentations 2:10

Mae biꞌodi Jerusalem theome gleꞌa gnokro soru kmu kolho ka glose na. Mare ghiha nakrofu ka phaꞌudire, eghuteuna pipichi ka pohe thona. Eghuteuna gaꞌase majaghani re jaola turupuku balu mamaja, eghuteuna tufru soru phaꞌudi re pari ka glose na.

Lamentations 2:1

Lord ne toku tafru namono Jerusalem kate diꞌatagna na. Diꞌatagna mana igne jateula saeklon biꞌo te toku tafru namono na ka gromno biꞌo ra neu. Tifa na Jerusalem gne neke kaisei famane namono agne Israel, aheva te au nogna Sugablahi funei na. Nu ka narane te diꞌatagna Lord igne, mana goigoni namono igne, eghuteuna mana theome ghatho tahuni Sugablahi igne.

Profet Jeremaea 50:23

Tifa na Babilonia neke jateula kaisei hama biꞌo neku neke paꞌedi keha kantri igre, nu gognarona la phaꞌehi eghu. Eghuteuna kate nomhini thoutonu eigna unha te thokeni Babilonia igne, keha kantri ka nauthoglu igne ginauna mhaghu nodi fara.” Igne cheke gna Lord.

Profet Jeremaea 40:9

Mae Gedalaea ne eni kaisei nhaꞌa cheke, ne cheke eghu ka mare, “Ghotilo thosei mhaghu te loku ranghidi maedi Babilonia igre. Au ka namono gre loku ranghini king gna Babilonia. Eghume ghotilo ginauna au fakeli ka namono igne.

Profet Jeremaea 9:11

Lord ne cheke eghu, “Iara ginauna rorhoꞌe namono biꞌo Jerusalem mala nodi namono khuma mhata kolho. Namono te gnafa Juda igre ginauna krogha, eghuteuna theo kaisei naikno nate au ka namono igre.”

Profet Isaia 52:7

Thofno keli fara te filoni kaisei mae te chari te mei ka thogele ro, mana atha mei famane nonomho te keli eigna pharikeli. Mana toutonu eigna God ginauna fakarhi ghita. Mana ginauna mei Saion mala cheke eghu ka tahati, “Nomi God ghotilo na king!”

Profet Isaia 52:2

Ghotilo naiknomi Jerusalem te loku jateula naikno sneka teura, kegra haghe mala ghiha koko gnagnapa te au ka thinimi are. Atha koko chen ka grarami are mala snagla.

Profet Isaia 14:12

“King gna Babilonia! Iagho neke haghe fara jateula nathunu rane neku ka tathadi naiknore. Nu gognarona, iagho khoko la soru funu kligna ka maloa ro. Tifa na iagho neke kaisei mae nheta ka magra neke uludi kmana kantri, nu gognarona Lord la koko soru nigho iagho pari.

Nodi Khoje Hatimare Mae Jiu 122:4

Igne namono aheva tahati nogna naikno Lord ra te mala mei tegioni mana, jateula teke chekeni ia eghu.

Nehemaea 9:37

Nu naugna te eni fabrahu ghehati puhi nakhibo na, king mala funei fruni ghami ghehati teku iagho igre, mare hata glepo te keli teke hata ghehati ka glose igne. Mare funei fruni fadiꞌa ghami ghehati mala tangomana mare te edi ka ghehati unha glepo te magnahaghei edi mare ka ghehati na, nei ka nomi buluka nei sipu teu ghehati gre. God, puhi biꞌo thoke ghami ghehati gognarogne!

Nehemaea 5:4

Eghuteuna kehare ne cheke eghu, “Ghehati jaola mala kaoni ka kherami re mala foli takis ka king maladi glose nei nomi nagare grep teu igre.

Fapea Kings 23:33

King Neko gna Ijep haruni mana ka chen hata ne tei sosolo Ribla kaisei namono ka nohi Hamat, mala theome tangomana mana teke funei fruni Juda na. King Neko ne huhurudi naikno di Juda re mala tusu ranghini thilo thogha fati gobi kilo silva, nei tolufulu fati kilo gol.

Profet Isaia 50:5

Lord God neke tusu mei glalase ka iara. Igne te theome figri tagruni nei thodoni teu iara mana na.

Fapea Kronikols 9:26

Mana funei frunidi hatimare mae king funu ka khoꞌu biꞌo ke raru Khoꞌu biꞌo Iufretis tei posa ke mosu Filistia, eghuteuna tei posa ka nohi ke mata Ijep.

Profet Isaia 49:21

Ka narane igne ghotilo ginauna jaglo nomi nei glealeꞌa eghu, ghotilo na cheke eghu, ‘Thuda tahati igre neke karha aheva sigrea? Iheire teke fakarhidire? Te ghathoni tahati na, tahati la tei kokodihi thudara la theohi thuda. Mae naoka neke atha fajifla ghita ka noda namono igne neke tei loku jateula naikno sneka neku ka nodi kantri. Ihei teke reireghidi sua igre, te ghilei kmana fara tuare?’ ”

Profet Jeremaea 31:7

Lord ne cheke eghu, “Ghotilo koje balu gleale'a eigna Israel! Ghotilo eha fabiꞌo eigna kantri te biꞌo lahu ka nauthoglu igne. Kate kilo fnaknoni Lord na, ghotilo mala cheke eghu ka naiknore, ‘Lord! Fakarhidi nou naikno Israel te au faleghu igre!’

Profet Jeremaea 42:2

Mare ne cheke eghu ka mana, “Iagho fanomho ka unha te toreni ghehati igne. Toreni Lord nou God, mala kafe togho ghita tahati gnafa te aunga teu gre. Tifa na tahati neke kmana, nu gognarona tahati la katha bua kolho.

Profet Esikiel 5:5

“Iara Lord, iara te chekeni igne: Brik igne, jateula Jerusalem eghu. Iara neke lilisei Jerusalem farihotei ka keha kantri te gnafa ka nauthoglu igne.

Levitikas 26:31

Iara ginauna goigoni fahui nomi namono ghotilo are, eghuteuna paꞌe soru nomi vido blahi ghotilo are. Iara ginauna tirogudi sisiridi nomi fafara ghotilo are.

Levitikas 26:33

Iara ginauna kurudi nomi naoka ghotilo are mala ngolhi fajifla ghami ghotilo mala tei au tafri ka keha kantri delei. Eghuteuna ke leghu, mare ginauna goigoni fahui nomi namono ghotilo are ghilei krogha.

Profet Jeremaea 44:2

Aonu profet ne cheke eghu, “Lord mae ihei te au nolaghi fateote'o nei nodi God maedi Israel teu igne, mana ne cheke eghu, Ghotilo filonihi puhi biꞌo te snakreni iara te thokeni Jerusalem nei ka keha nomi namono ghotilo ra. Gognarona, theo kaisei naikno te au ka namono, nei ka suga teu ra, eghuteuna gringni thina biꞌo ia la thono diꞌa farahi,

Profet Jeremaea 44:6

Naugna igne, iara falalase diꞌatagu na ka mare jateula khaꞌaghi ngaja te theo kaisei naikno te puri faleheni ra eghu. Iara neke goigoni namonodi Juda, nei nabrou te gnafa Jerusalem. Uve, glepo igre diꞌa fabrahu ghilei mei posa ka narane gognarogne.

Lamentations 1:19

“Iara kilo meidi kheragure, nu mare tirodi ghau iara. Nogu mae pris nei mae funei teu iara re, mare tei hiro gano ka nabrougna namono na, nu mare theome tangomana te thafoni kaisei gano, eghuteuna gognarona mare lehe ka grofo kolho.

Profet Esikiel 26:2

“Maegna ka nauthoglu. Naiknogna namono Taea igre mare cheke eghu, ‘Gognarona mae naoka gre la paꞌe soru Jerusalem! Naugna ne thono diꞌa fara, naꞌa theome tangomana te fanogra ghami ghehati fei bisnis baludi keha kantri are! Gognarona, Taea ginauna tangomana te keli na eghuteuna au kmana glepo te keli!’ Eghuteuna mare glealeꞌa nei eha fabiꞌo eghu.