Kolose 4:6 - Buka Blahi Ka Cheke Holo

⁶ Leuleghu fata na nomi chekere mala keli nei doglo eghu fabrahu te mala toghodi keha naiknore. Eghuteuna God ginauna togho ghami ghotilo te mala tangomana te cheke tughu ka puhi te doglo ka naikno te gnafare.

Kolose 4:6 ပူးပေါင်းရင်းမြစ်များ

Efesus 4:29

Kate cheke na, ghotilo thosei chekeni kaisei cheke te diꞌa. Nu te keli na, chekeni ngala unha te nabagna te mala nomhini naiknore, eghuteuna nomi cheke ghotilo re ginauna tangomana te toghodi naikno te fanomhore.

Ululahu Pita 3:15

Nu te keli na ghotilo lisa lao ghami themi fabrahu ka mae Kraes nomi Lord. Eghuteuna leuleghu fata na ghotilo tarabana mala cheke tughudi naikno te ghusna ghami eigna unha te fatutuani ni ghotilo mae Kraes na.

Eklesiasti 10:12

Nogna cheke mae te autagna gaoghatho te keli na, naiknore ghatho tahuni mana. Nu nogna cheke mae te fameomekro na, faparini kolho thegna.

Nonomho Te Keli Teke Risoi Mae Mak 9:50

“Tahi na kaisei glepo keli fara. Naiknore tofa lao tahi ka ghedi ganore mala theome diꞌa ginauna. Nu te khoko grahagna na, na theo hila kaisei nafugna. Eghume ghotilo mala jateula tahi eghu mala keli fabrahu nakarhamire, eghuteuna au ka pharikeli farihoteimi themi.”

Proveb 15:4

Cheke te keli na, pala hagheni nakarhagna naikno na. Nu cheke te diꞌa na, fadiꞌa nagnafani naikno na.

Proveb 15:7

Ihei te autagna gaoghatho te keli na, mana tangomana te tufa gaoghatho te keli ka naiknore. Nu ihei te theome au tagna gaoghatho te keli na, mana na theome jateula tuana eghu.

Kolose 3:16

Snakreni chekegna mae Kraes na mala bruara fabrahu ke lamnami ghotilo u glalase te mala farirhiu nei farerheta eghu fari themi. Eghuteuna te keli na, ghotilo kilo fnaknoni God ka nagnafamire kate koje tharai ka Sam, himu, nei keha khoje te tusu ranghi ghami mae Tharunga te Blahi na.

Matiu 5:13

Mae Jisas ne cheke eghu ka mare, “Nu ghotilo lasenihi tahi ia. Ghotilo mala jateula tahi te mala fakelidi ganora eghu ka naiknogna nauthoglu igne. Nu te khoko grahagna na, ghotilo ginauna theome tangomana teke eni fakeli na. Te eghu na nabagna na koko fakosi mala tapla kolho naikno ke kligna gna.

Proveb 10:21

Nogna cheke naikno te doglo na toghodi kmana naikno. Nu naikno te theome autagna gaoghatho te keli na, ginauna lehe, naugna nagnafagna na thono diꞌa fara.

Nodi Khoje Hatimare Mae Jiu 119:46

Iara ginauna na theome mamaja te toutonu ranghidi hatimare mae king nou farirhiu iagho igre.

Nodi Khoje Hatimare Mae Jiu 105:2

Tahati koje mala kilo fnaknoni mana. Uve, tahati mala toutonudi glepo biꞌo teke edi mana re.

Nodi Khoje Hatimare Mae Jiu 45:2

King, tutuani iagho kaisei mae famane fara. Theo kaisei ihei nga jateula iagho teuna. Chekemu iagho re thofno keli fara. Eghume God na fablahi nigho fabrahu.

Luku 4:22

Naiknore ne kafe keli tadi fara ka mae Jisas ne jaglo nodi fara ka nogna famane cheke te chekedi mana re, ne cheke eghu, “Tore, mae igne thugna mae Josep kolho!”

Nodi Khoje Hatimare Mae Jiu 119:13

Iara ginauna toutonu eidi nou vetula iagho teke chekedi iagho ka ghehati ra.

Nodi Khoje Hatimare Mae Jiu 66:16

Ghotilo naikno te ghatho tahuni God ra mei mala fanomho ka nogu cheke iara gne. Iara na toutonudi ka ghotilo unha glepo teke edi mana ka iara re.

Ululahu Kronikols 16:24

Ghotilo ginauna toutonu ranghidi naiknodi keha kantri are eigna nogna nolaghi mana na. Uve, ghotilo toutonu nei cheke thakleni nogna gloku te biꞌo ka naikno fateote'o.

Diutronomi 11:19

Farirhiudi thumire. Toutonu eidi glepo igre kate au teu ka suga, ba kate nolo ka nabrou, ba kate thuru, ba kate kegra haghe.

Levitikas 2:13

Flaoa te edi ka famane wit te atha te mei ghotilo ka iara igne, ghotilo lilisei tahi tagna, naugna tahi igne fagaglana gna nhaꞌa cheke teke eni iara balumi ghotilo ia. Ghotilo mala lilisei tahi ka gano te atha te mei ghotilo ka iara re.

Profet Esikiel 43:24

Iagho mala hata mei jateula fafara eghu ka iara Lord, eghuteuna hatimare mae pris mala toatofa tahi ka thinidi re, eghuteuna mare mala falelehe eghuteuna gahu jateula fafara te thono krono fara ra eghu malagu iara Lord.