Kolose 3:23 - Buka Blahi Ka Cheke Holo

^23-24 Ka gloku te gnafa te edi ghotilo igre, ghotilo loku fakeli ka thofno gaoghathomi. Naugna ghotilo theome thofno loku ranghini naikno kolho, nu loku ranghini Kraes noda Lord. Eghume ghotilo kafe laseni Lord ginauna taba ghami ghotilo, eigna ghotilo ginauna hata u karha majaghani teke kulu tarabana mana kligna maladi nogna naiknore.

Kolose 3:23 ပူးပေါင်းရင်းမြစ်များ

Kolose 3:17

Gobigna lepo te edi ba te chekedi ghotilo re la kafe edihi malagna noda Lord Jisas Kraes. Eghuteuna ghotilo cheke fakelini God Kmada ka mana.

Letas Teke Riso Tei Mae Pol Ka Khiloau Rom 14:8

Kate karha teu tahati na, tahati karha mala fafnaknoni Lord. Eghuteuna kate lehe tahati na, tahati jaola mala fafnaknoni Lord. Eghume neubane lehe ba karha tahati, tahati nogna Lord ngala.

Fapea Kronikols 31:21

Ka gloku te gnafa te edi King Hesekaea te toghoni nogna Sugablahi Lord na igre nei leghu fakelidi nogna vetula nei nogna cheke teu Lord re, mana hironi nogna God na nei mana thofno kelitagna fara te eni gloku igne. Naugna igne gobigna lepo te edi mana re thofno keli fara.

Eklesiasti 9:10

Tahati mala thofno loku fakeli fara ka gobigna lepo te edi tahati re. Kate tei tahati ka namonodi naikno te lehehi ra, tahati ginauna theome loku, ba ghaoghatho, ba lalase, ba au gaoghatho te keli.

Ululahu Pita 2:15

Naugna God magnahaghe ghami ghotilo te leghuni koba puhi te doglo na, eghuteuna ghotilo tangomana te fakmudi iheire te cheke fadiꞌa eimi ghotilo. Tutuani fara, mae igre theome laseni u nabrou te doglo na.

Ululahu Pita 2:13

Te mala keli tagna noda Lord na, ghotilo leghudi mae biꞌo te gnafa te au nodi nolaghi re te mala funei fruni ghami ghotilo na. Leghuni mae king biꞌo gna Rom mae ihei te kligna lahu ka naikno te gnafare.

Nodi Khoje Hatimare Mae Jiu 119:10

Ka nagnafagu fateote'o na, iara magnahagheni te mala leghu nigho na, togho ghau iara sagho mala leghudi iara nou cheke iagho re.

Ululahu Pita 1:22

Gognaro ghotilo fagae ghamihi themi naugna ghotilo leghuni cheke te tutuani na. Eghuteuna gognaro ghotilo jaola tangomana te namhadi kherami fofodure ka khiloau gne. Eghume te keli na ghotilo kafe namhadi naikno khiloau te gnafare ka thofno nagnafami fateo.

Letas Teke Riso Tei Mae Pol Ka Khiloau Rom 14:6

Mae ihei te ghathoni kaisei narane na ulu fara teuna, mana eni igne naugna mana ghatho tahuni Lord. Eghuteuna mae ihei te ima thua nafnata gano na, mana eni igne naugna mana ghatho tahuni Lord, eghuteuna mana jaola cheke fakelini God eigna gano tuana. Eghuteuna mae ihei te theome ima thua nafnata gano na, mana eni igne naugna mana ghatho tahuni Lord, nei jaola cheke fakelini God eigna gano tuana.

Nodi Khoje Hatimare Mae Jiu 119:34

Togho ghau mala lase fakelidi iara nou farirhiu iagho gre, aonu iara ginauna leghudi nou farirhiu gre ka nakarhagu fateote'o na.

Profet Jeremaea 3:10

Neuba, Juda jaola ne tei koko ghau iara ne tei eni puhi te diꞌa na. Naꞌa theome tughu nagnafa mala ke figri mei ka iara. Naꞌa chaichaghi ghau iara fabrahu kolho.” Igne chekegna Lord.

Nodi Khoje Hatimare Mae Jiu 119:145

Lord God, ka gaoghathogu fateote'o, iara te kilo nigho mala fakarhi ghau. Cheke tughu meini sagho nogu khiokilo iara gne, mala tangomana iara te leghuni nou vetula iagho na.

Matiu 6:16

Mae Jisas ne cheke eghu, “Gognaro na eigna te theome ghamu gano. Kate dangna na, ghotilo thosei filo uchu jateula te edi mae te chaichaghi ra eghu. Mare fadidiꞌa tathadire ka narane te dangna na. Mare eni igne, mala filo naiknore eghu kolho. Nu tutuani fara te chekeni iara ka ghotilo na, mare la kulu hatahi nodi tabare ka naiknore.

Efesus 5:22

Ghotilo gaꞌase tholaghi ra leghudi khetomi are jateula ghotilo te leghuni Lord eghu.

Nodi Khoje Hatimare Mae Jiu 103:1

Iara mala cheke fakelini nanghagna God na ka nagnafagu na. Uve, thinigu nei nagnafagu teugre mala cheke fakelini nanghagna mana te blahi na.