Kolose 3:14 - Buka Blahi Ka Cheke Holo

¹⁴ Eghuteuna baludi puhi te keli igre, glepo te ulu na ghotilo mala famane namhadi keha naiknore. Naugna u namha gne ngala te tangomana te kafe loku fodu ghami ghotilo ka naꞌau fodu te doglo na.

Kolose 3:14 ပူးပေါင်းရင်းမြစ်များ

Ululahu Pita 4:8

Kaisei glepo te mala eni ghotilo te ulu fara ka gobigna lepore na igne, thofno fari namhai. Naugna puhi te fari namhai igne tangomana ghotilo te hata koko fari themi nakhibo te kmanare.

Efesus 5:2

Ghotilo mala biꞌo nomi namha na jateula Kraes eghu ka nagnafamire. Eigna mana namha ghita fara neke snakreni thegna neke lehe eida tahati jateula kaisei fafara te keli tagna God. Jateula mare te fafara nafnahi ka mana te sisiri keligna nei gleꞌani mana teu ia eghu.

Kolose 2:2

Iara eni igne mala heta ghotilo nagnafamire nei au fodu ghotilo kau namha. Ka puhi igne, ghotilo thofno lase fakelini mae ihei God teke theome falalaseni tifa, mae igne Jisas Kraes thegna.

Jone 13:34

“Eghume, iara na tusu ari kaisei vetula majaghani ka ghotilo: ‘Fari namhai jateula ngau iara te namha ghami ghotilo.

Letas Teke Riso Tei Mae Pol Ka Khiloau Rom 13:8

Thosei kaoni fabrahu kaisei glepo ka ihei. Nu ghotilo ginauna mala kaoni fabrahu namha na fari themi. Naugna ihei te namhadi keha naiknore, mana thofno leghuni nogna vetula God na.

Efesus 4:3

Tharunga te Blahi na salo fodu ghami ka puhi pharikeli. Hati nhetami na mala au ka puhi tuana ke lamnami.

Ululahu Jone 4:21

Mae ihei te namhani God na mana jaola namhani mae kheragna fofodu na. Vetula igne teke tusu ranghi ghita mae Kraes na.

Fapea Pita 1:7

Ghotilo mala namhadi naikno khiloau are nei namhadi naikno te gnafa.

Ululahu Timoti 1:5

Jame te leghuni mare nogu cheke iara na, mare ginauna namhadi keha naiknore. U namha igne neke jifla mei ka nagnafa te thofno gae nei ka gaoghatho te doglo nei ka thofno fatutuani.

Ululahu Tesalonika 4:9

Ghehati theome naba te riso ari ka ghotilo eigna te mala namhani kherada fofodu ka khiloau. Naugna God thegna farirhiu ghamihi ghotilo te mala fari namhai na.

Jone 17:23

Iara au baludi mare, eghuteuna iagho au balugu iara. Eghume mare ginauna thofno mala kaisei ngala. Aonu nauthoglu igne ginauna lase nigho iagho teke kuru mei ghau iara na. Jaola, nauthoglu igne ginauna lase nigho iagho te namhadi naikno igre jateula iagho te namha ghau iara.

Jone 15:12

Igne nogu vetula iara na: Fari namhai jateula ngau iara te namha ghami ghotilo gne eghu.

Ululahu Jone 3:23

Mana cheke faheta ka tahati mala fatutuani ni Thugna, Jisas Kraes, nei fari namhai jateula te chekeni mae Kraes.

Hibru 6:1

Naugna igne tahati mala tei faꞌulu ka farirhiu jateula gano te maku eghu eigna mae Kraes te nabadi goro naikno biꞌo. Eghuteuna lisa lao u nafnata farirhiu eigna mae Jisas Kraes jateula chuꞌu teu te nabadi goro sua kolho. Na eghunu farirhiudi koba tahati unha teke edihi tifeiro ra eghu. Tulao, lisa laodi u nafnata farirhiu te mala hogri nagnafa eidi glepo te mala batu ghita kau glehe, nei farirhiu te mala fatutuani ni God

Efesus 1:4

Ka narane theome vuavuha nga teku nauthoglu gne God neke vahi ghita mala nogna thegna kate kaisei tahati balugna Kraes. Tutuani, God neke vahi ghita mala naikno blahi nei theo kaisei najafra ke ulugna mana.

Ululahu Jone 3:10

Eghume tahati lasedihi iheire te thugna God nei iheire te thugna mae Satan. Iheire te theome eni unha te doglo na theome thugna God. Eghuteuna ihei te theome namhani kheragna fofodu na mana theome thugna God.