Kolose 2:23 - Buka Blahi Ka Cheke Holo

²³ Tutuani fara, gaoghathogna naikno na u nafnata vetula igre keli fara. Naugna vetula igre cheke eida tahati mala tufru soru leghuni gaoghathogna naikno na kolho nei eigna fapari ghita theda, nei eigna mala paradi thinida thedare eghu. Nu vetula igre theome tangomana te togho ghita te mala gnafa puhi te diꞌa te au ka thinida gre.

Kolose 2:23 ပူးပေါင်းရင်းမြစ်များ

Ululahu Timoti 4:8

Jame te keli na tahati fariuriudi thinida gre mala heta. Nu te fariuriu tahati nakarhada ka khiloau gne te mala heta na, tuana te thofno keli fara na. Naugna ginauna tangomana te togho ghita ka puhi te gnafa ka nakarhada gognaro nei ka nakarha nate mei nathuꞌu nauriha.

Kolose 2:18

Keha mae te fahaehaghedi fara nodi mifire, eghuteuna farirhiudi naiknore mala au faleghu ka puhi te theo nafugna, eghuteuna mala tufru soru ranghidi hatimare mae engel. Thosei snakreni kaisei mae ka mae igre mala batu fadelei ghami te mala theome fatutuani ni mae Kraes. Mare fiti fahaehaghe kolho, eigna gaoghathogna naikno ka nauthoglu na theome tutuani,

Kolose 2:8

Fiofilo ghami, thosei snakreni kaisei naikno mala mei chaghi ghami nei mei sagu ghami eghu ka thoutonu te theo nafugna teke eni haghe kolho ka gaoghathogna naikno ghe naitu. Nafnata thoutonu tuare neke theome mei funu ka mae Kraes.

Ululahu Timoti 4:3

Nafnata naikno igre cheke ka keha naiknore theome keli te tolaghi ba te ima kmana nafnata gano na. Nu God neke vuavuha gano igre mala ima tahati. Naugna tahati te fatutuani ni God nei laseni nogna cheke te tutuani na, tahati tangomana te ima gano igre balu kilo fafnaknoni God.

Kolose 2:22

Vetula igre chekedi kolho glepo te edi tahatire nu gnafa teura kolho. Naugna naikno kolho te edi haghedi te farirhiu vetula igre.

Efesus 5:29

Tutuani, theo kaisei mae te magnahaghei fadiꞌani thinigna thegna na. Theo. Tahati ima fakeli nei taji fakelini eghu thinida na jateula Kraes te taji fakelini khiloau.

Letas Teke Riso Tei Mae Pol Ka Khiloau Rom 13:14

Nu ghotilo loku famaku ka noda Lord Jisas Kraes. Eghuteuna thosei ghatho tahudi glepo te diꞌa te magnahaghei edi thinire.