Kolose 2:22 - Buka Blahi Ka Cheke Holo

²² Vetula igre chekedi kolho glepo te edi tahatire nu gnafa teura kolho. Naugna naikno kolho te edi haghedi te farirhiu vetula igre.

Kolose 2:22 ပူးပေါင်းရင်းမြစ်များ

Profet Isaia 29:13

Lord ne cheke eghu ka iara, “Naikno igre fafnakno ghau iara ka cheke, nu gaoghathodire thono khaba fara ka iara. Puhidi mare te mala fafnakno ghau iara na leghuni kolho nogna vetula naikno na.

Taetus 1:14

nu mala thosei leghudi u nodi thoutonu poto mae Jiu are, ba u nodi vetula naikno te tirodi leghuni u farirhiu te tutuani na.

Ululahu Korin 6:13

Keha mae na jame jaola cheke eghu, “Thi'a na malagna gano, eghuteuna gano na malagna thi'a.” Uve. Nu God ginauna kafe roꞌedi phei glepo igre. Nu ghotilo theome tangomana te chekeni thini na mala gnognoro teuna. Naugna thini na mala loku ranghini Lord, eghuteuna Lord na mala funei frunini u thini na.

Jone 6:27

U gano gna nauthoglu igne ghosei boto nei diꞌa eghu. Thosei loku eigna u nafnata gano tuana. Nu loku eigna u gano te au fabrahu te tusu ranghi ghami ghotilo u karha fei tifa na. Iara mae teke mei funu ka God na ginauna tusu ari ka ghotilo u gano tuana. Naugna God Mama na la falalasehi te namha ghau iara na.”

Profet Daniel 11:37

King igne ginauna theome ghathodi keha god teke pogho sorudi mae kuꞌegna tifa ra, ba god teke namhadi fara goro gaꞌase ra. Mana ginauna na theome ghatho tahuni kaisei god delei, naugna te ghathoni mana na, mana thegna ngala te fnakno kligna lahu ka keha god te gnafa igre.

Profet Isaia 29:18

Ka narane tuana, iheire te meglire ginauna nake nomhidi cheke te au ka buka na igre. Eghuteuna iheire te dofu te au teu kate romno re, ginauna nake fifilo fapulo.

Thakle 17:18

Eghuteuna gaꞌase te filoni iagho igne, tuana ngala namono biꞌo Babilon te funei frunidi hatimare mae king gna nauthoglu igne.”

Fapea Pita 2:12

Nu mae velepuhi chaichaghi igre theome tangomana ghaoghatho fakeli nei mare cheke fadiꞌadi unha glepo te theome lasedire. Eghume God ginauna roꞌedi mare jateula naikno te falehe bosu ra eghu. Nu ghotilo laseni bosu na mala lolhoku nei falehe.