Kolose 2:15 - Buka Blahi Ka Cheke Holo

¹⁵ Mae Kraes neke hata koko fahui nodi nolaghi naitu te gnafa te mala funei fruni na. Ka gaju fafatha na, mae Kraes ne tapla faparidi nei famamajadi eghu mare fara ke uludi naiknore.

Kolose 2:15 ပူးပေါင်းရင်းမြစ်များ

Hibru 2:14

Naugna tahati naikno kolho, mae Jisas karha mei neke hata thinida mala jateula tahati. Mana neke eni igne, mala ka glehegna na mana tangomana te tapla soruni mae Satan, mae ihei te au nogna nolaghi te mala faleheni naikno na.

Efesus 4:8

Naugna igne grioriso te blahi na ne cheke eghu agne, “Kate haghe kligna ka thofno namono na, mana na sesekai kmana naikno balugna. Eghuteuna tusu lao khokofakasai ka naiknore.”

Matiu 12:29

“Jateula tuana eghu theome tangomana kaisei naikno te ruma ka nogna suga mae te nheta na te blau nogna glepore. Mana na kulu haru famaku ghu mae te nheta na ame tangomana nga mana te ruma ka suga na te blau nogna famane glepore.

Profet Isaia 53:12

Naugna igne iara ginauna ghatho tahuni mana baludi mae biꞌo te au nodi nolaghi. Mana snakreni thegna mala lehe jateula mae te diꞌa eghu. Nu mana lehe tughudi kmana naikno te tapla jafra ka nakhibo, eghuteuna mana tore ghau iara mala atha koko nakhibodire.”

Efesus 6:12

Tahati theome magrini nogna nanheta nei glalase eghu naikno kolho, nu tahati magrani mae Satan nei nogna nolaghi. Tutuani fara, tahati magridi naitu ka maloa gne nei keha nafnata nolaghi te au ka nauthoglu te romno te funei frunini mae Satan igne.

Jone 16:11

Mare au ghaoghatho fadiꞌa eigna mae ihei God nate fateni, naugna God la fatenihi mae Satan, mae funei gna u nauthoglu igne.

Luku 10:18

Mae Jisas ne cheke eghu, “Iara neke filonihi mae Satan, mana theo nogna nolaghi ne khoko soru funugna kligna jateula nakafli neu ka maloa gne.

Thakle 20:10

Aonu mare ginauna koko laoni mae Satan ka kholo khaꞌaghi te ngire ka thina te ngaja fara. Satan, mae ihei te chaichaghidi naiknore, ginauna au baludi bosu ghe mae profet chaichaghi. Thilomare na au jare mala papara bongi narane tifa tifa.

Nodi Khoje Hatimare Mae Jiu 68:18

Kate haghe mana ka Thogele Saion na, mana hata ne haghe balugna kmana naikno teke hata mana ka magra re mala tei au jare ka sosolo. Eghuteuna iheire teke huhughuni mana tifa ra ne jaola neke tusu ranghini mana keha namha. Lord God ginauna au ka thogele igne tifa tifa.

Jenesis 3:15

Iara ginauna na eni igne ka iagho mala nogna naoka gaꞌase igne, eghuteuna gaꞌase igne mala nou naoka iagho. Eghuteuna iara ginauna na jaola eni igne ka vikemu iagho re mala nogna naoka vikegna gaꞌase igne. Mare ginauna na tapla poaposa phaꞌumu iagho na, eghuteuna iagho ginauna nake figri faleghu nake kakathu ka ghahedire.”

Kolose 1:16

Naugna mae Kraes thegna ngala mae vuavuha na, mae ihei teke vuavuhadi gobigna lepo te filodi nei theome filodi tahati, ba gobigna lepo ka nauthoglu igne nei kligna, ba nhuludi mae engel ba naitu te gnafa te au nolaghi te mala funei fruni. Mana neke vuavuhadi gobigna lepore mala ghatho tahuni nanghagna mae Jisas Kraes.

Luku 11:22

Nu jame kaisei mae ke nheta lao gna manai mei magrani mana. Mae tuana ginauna na kulu hata fadelei nogna glepo mala magra mae te nheta igne teke rouronudi mana te mala reireghini nogna suga na. Eghuteuna ke leghugna igne mae tuana ginauna hata tufa tafri nogna glepo mana re ka mae kheragnare.

Fapea Korin 4:4

Eigna Satan mae ihei te funei frunini nauthoglu igne ne faromnodi nagnafadi naikno te theome fatutuanire. Eghume mare theome tangomana te filoni u naphae gna Nonomho te Keli te thofno fatakleni nogna nolaghi biꞌo Kraes na, mae ihei te thofno thotoghale gna God na.

Thakle 12:9

Mare ne koko soruni pholi biꞌo na baludi nogna engel re ka nauthoglu gne. Pholi biꞌo tuana ngala mogo gna tifa te kiloni tahati mae Satan, mae funeidi naitu te gnafare. Eigna mana ne baubatudi naikno te gnafa ka nauthoglu gne ka nabrou te jafra.

Jone 19:30

Mae Jisas ne gnaignami waen te raha tuana ne cheke eghu, “La gnafahi!” Mana pogho soru pha'u na ne lehe.

Ululahu Korin 15:24

Aonu kate thoke mei narane leghu lahu na, Kraes ginauna magra mala tapla soruni mae Satan nei naitu te gnafa ka nauthoglu igne, eghuteuna mana ginauna snakreni God Kmagna mala King.

Fapea Korin 2:14

Nu ghehati ne cheke fakelini God, mae ihei te togho ghami fabrahu balugna Kraes te mala uluni ghehati u magra na ka vido aheva mana teke kuru lao ghami na. God ne loku ke lamnami ghehati mala tangomana glalase eigna Kraes na te tei tongana heva heva jateula insens te siri keligna fara.

Efesus 3:10

Nu gognaro na God ne babana u khiloau gne mala falalase nogna glalase te keli te gnafa God ka hatimare mae engel nei keha nafnata nolaghi langau ka maloa gne.

Kolose 2:10

Eghuteuna ghotilo te kaisei balugna mae Kraes na, mana tusu ari ka ghotilo thofno nakarha na. Mana te funei frunidi thua engel fateo nei nolaghi fateo.