Kolose 2:13 - Buka Blahi Ka Cheke Holo

¹³ Tifa na, ghotilo neke jateula te lehehi neku naugna nakhibo teke edi ghotilo re nei naugna ghotilo neke theome snagla ka nogna nolaghi nakhibo te funei frunidi gaoghathomi are. Nu God neke fakarha fapulo ghami balugna mae Kraes. Eghuteuna God hata fadeleidi la gnafahi nakhibomire.

Kolose 2:13 ပူးပေါင်းရင်းမြစ်များ

Efesus 2:1

Tifa na ghotilo neke au ka glehe, naugna ghotilo neke huhughuni God nei edi unha glepo te diꞌa.

Letas Teke Riso Tei Mae Pol Ka Khiloau Rom 8:11

God neke fakarha fapuloni mae Jisas Kraes kau glehe. Eghuteuna naugna te au Tharunga gna God na ke lamnami ghotilo, God ginauna jaola tusu ari karha na ka thinimi te lehere. Eghuteuna mae ihei teke fakarhini mae Kraes igne, mana ginauna tusu ari karha igne ka Tharunga te Blahi te au ke lamnami ghotilo re.

Fapea Korin 3:6

Tutuani, God neke eni kaisei nhaꞌa cheke majaghani baludi nogna naiknore. Mana ngala te fatangomana ghami ghehati te mala loku ranghini mana mala toutonu ka naiknore eigna nhaꞌa cheke majaghani na. Igne u nabrou teke eni mana mala fakarhidi mare. U nhaꞌa cheke majaghani igne theome glepo neke rioriso soru ka nogna vetula mae Moses nu nogna Tharunga te Blahi. Naugna vetula tuana mala faleheni naikno na, nu Tharunga te Blahi na mala tusu meini u karha na.

Hibru 9:14

Nu dadaragna mae Kraes na au nolaghi biꞌo fara uluni igne te mala fagae ghita na. Mana neke atha thinigna thegna na mala eni kaisei fafara te klino tughu ghita ka nogna nolaghi mae Tharunga te Blahi te karha fabrahu. Naugna igne dadaragna mae Kraes na ne fagaedi nagnafadare mala theome eni tahati kaisei glepo te batu ghita kau glehe, nu tahati mala loku ranghini God mae te karha.

Efesus 2:11

Mae Jiure vahe mae sua nalha'ure ka khamedi thedi, eghume kilodi thedi “Naikno vahe”. Nu mare kilo ghami ghotilo “Naikno theome vahe”. Naugna ghotilo neke theome karha mei Jiu. Uve, ghotilo ghathoni igne. Tifa na ghotilo neke au khaba fara ka Kraes neke theome au fodu baludi naikno teke vavahi God re. Ka narane tuana ghotilo neke au ke kosigna nhaꞌa cheke teke cheke mei God ka nogna naiknore. Eghuteuna ghotilo fiti au kolho ka nauthoglu igne aheva ghotilo te theome au kaisei glepo te keli te mala ofoni, nei ghotilo theome laseni God.

Luku 15:32

Nu ghehati neke eni gaghamu igne, mala gleale'a fodu balugna mana, naugna mae tahimu igne neke lehehi, nu gognarona kela karha fapulo. Mana neke snivihi nu gognarona kela kakhana.’ ”

Luku 15:24

Naugna mae thugu iara gne neke lehehi, nu gognarona kela karha fapulo. Mana neke snivihi nu gognarona kela thakle mei ka tahati!’ Aonu, hatimare ne ghamu ne gleale'a fodu.

Nodi Khoje Hatimare Mae Jiu 71:20

Iagho hata mei puhi biꞌo igre ka iara mala papara iara neku, nu te laseni iara na, iagho nake faheta fapulo ghau iara, eghuteuna iagho theome tangomana te snakre lao ghau iara ka glehe na.

Jemes 2:26

Eghume, mae ihei te khogla cheke eghu kolho mana fatutuani ni God teu nu theome eni kaisei glepo te keli ranghini kheragna fofodu na teuna, nogna fatutuani mana tuana theome tutuani kolho. Khogla jateula thini naikno te theome phaphanga tela lehehi ia eghu.

Ululahu Korin 15:45

Naugna u grioriso te blahi na cheke eghu, “Naikno ulu lahu na mae Adam, God neke vuavuhani mana mala karha.” Nu mae Adam leghu lahu na Tharunga mala tusu meini thofno nakarha na ka naiknore.

Letas Teke Riso Tei Mae Pol Ka Khiloau Rom 6:13

Thosei snakreni kaisei vido ka thinimi are mala edi puhi te diꞌare. Naugna ghotilo neke karha fapulohi ka glehe. Nu snakre lao ghami themi ka God, nei snakre lao vido thinimi te gnafa are ka God mala edi glepo te doglore.

Ululahu Jone 2:12

Iara riso ari ka ghotilo glepo igre thuguro, naugna God hata fadeleihi nakhibomire ka nanghagna mae Jisas.

Ululahu Korin 15:36

U nafnata ghusna igne meomekro kolho! Naugna ghotilo lasenihi kate joꞌu sisi na, sisire mala lehe ke lamna glose ame tangomana nga te karha te kotu haghe na eghu.

Jone 5:21

Mae Kmagu iara na tangomana teke fakarha fapulodi naikno teke lehehire. Eghume iara mae Thugna na ginauna eghu la ke tusu lao u karha ka iheire te vahidi iara re.

Luku 9:60

Nu mae Jisas ne cheke eghu ka mana, “Iagho lisa laodi naikno te tirodini nakarhagna God na mala giugilui mare thedi. Tei sagho mala toutonuni nakarha te funei frunini God na.”

Profet Isaia 55:7

Ghotilo iheire te leghudi puhi te diꞌa ra, ghotilo koko puhi te diꞌa tuare. Ghotilo koko gaoghatho te diꞌa tuara mala ke pulo mei ka Lord noda God, mala kokhoni ghami nei hata fadeleidi nakhibomi ghotilore eghu mana.

Nodi Khoje Hatimare Mae Jiu 119:50

Kate au papara na, iara theome diꞌanagnafagu naugna nou nhaꞌa cheke iagho na tusu mei karha ka iara.

Hibru 6:1

Naugna igne tahati mala tei faꞌulu ka farirhiu jateula gano te maku eghu eigna mae Kraes te nabadi goro naikno biꞌo. Eghuteuna lisa lao u nafnata farirhiu eigna mae Jisas Kraes jateula chuꞌu teu te nabadi goro sua kolho. Na eghunu farirhiudi koba tahati unha teke edihi tifeiro ra eghu. Tulao, lisa laodi u nafnata farirhiu te mala hogri nagnafa eidi glepo te mala batu ghita kau glehe, nei farirhiu te mala fatutuani ni God

Ululahu Timoti 5:6

Nu thau te lisa lao thinigna na te mala eni nafnata puhi te diꞌa na, neubane karha neu naꞌa, naꞌa la kulu lehehi.

Letas Teke Riso Tei Mae Pol Ka Khiloau Rom 4:17

Jateula te chekeni ka grioriso te blahi na, “Iara vahi nigho mala ku'edi vike te kmanare.” Eghume te laseni tahati na mae Ebraham gne thofno mae kuꞌeda tahati te fatutuani ni God. Tutuani fara, God na au nolaghi te mala tusu lao karha ka iheire tela lehehi nei au nolaghi te mala vavuha glepo te theome vavuha nga teu.

Jone 6:63

U thini na theome tangomana tusu lao u karha ka naikno na. Mae Tharunga te Blahi ngala tangomana te tusu lao u karha ka naikno na. Eghume, chekegu iara gre ngala te mala athini ghotilo u Tharunga te Blahi na, mae ihei nate tusu mei u karha na.

Profet Jeremaea 31:34

Ginauna na theo kaisei naikno nate farirhiuni kheragna ba thabusigna na ka puhi te cheke eghu igne, ‘Ghotilo mala laseni Lord!’ Naugna ka narane tuana, naikno te gnafa igre ginauna lase ghauhi iara, neuba ihei ne fnakno ba theo. Iara ginauna atha fadelei thua glepo te diꞌa teke edi mare re, eghuteuna iara ginauna nake theome ghathodi nakhibodire.” Igne chekegna Lord.

Profet Isaia 1:18

Lord neke cheke eghu, “Mei ghotilo mala fadoglini tahati glepo igne! Neuba ne jateula dadara ka pohe vegha ra neu ne ninhigrana fara atha kokodi nakhibomi ghotilore, iara tangomana te togho ghami ghotilo te mala thofno gae fara jateula khakla sipu teu ghotilo na.

Jemes 2:20

Ghotilo thono iho fara! Te fatutuani ni kolho ghotilo God nu theome eni ghotilo kaisei glepo te keli ranghini ihei teuna, u nafnata fatutuani tuana theome tutuani kolho.

Jemes 2:17

Jateula tuana eghu mae ihei te chekeni kolho ne fatutuani ni God teu nu theome toghoni kheragna fofodu na teuna. Nogna fatutuani mana tuana theome tutuani nei theome mala fakarhini mana eghu.

Ululahu Timoti 6:13

Ke ulugna God mae ihei teke tusu lao karha ka gobigna lepo fateote'o nei ke ulugna mae Jisas Kraes mae ihei teke theome mhaghu teke cheke thakleni nogna fatutuani biꞌo na ke ulugna mae Pontius Paelat, iara gognaro na cheke faheta ka iagho.

Nodi Khoje Hatimare Mae Jiu 32:1

Mae ihei Lord te hata koko nakhibognare nei hata fadeleidi gobigna lepo te diꞌare teu tagna na, mae tuana thono keli tagna fara.

Kolose 2:12

Kate apublahi na ghotilo kaisei ka mae Kraes, jateula mare te giugilu ghami nei ke karha fapulo ka glehe balugna mana. Igne tutuani fara ka ghotilo naugna nomi fatutuani ka nogna nolaghi biꞌo God teke fakarha fapuloni mana ka glehe.