Kolose 1:20 - Buka Blahi Ka Cheke Holo

²⁰ Tifa na, tahati nei gobigna lepo te au ka nauthoglu igne ba kligna theome au ka pharikeli balugna God. Eghume God neke eni kaisei nabrou mala eꞌei pharikeli balugna mana kate snakreni mae Kraes mala lehe ka gaju fafatha jateula kaisei fafara. Ka nogna gloku mae Kraes, God neke salofodu gobigna lepo kligna ba pari mala ke kaisei fapulo ka thegna.

Kolose 1:20 ပူးပေါင်းရင်းမြစ်များ

Efesus 1:10

Nogna gaoghatho God igne ginauna thokei mei ka thofno narane te mala salofodu ka Kraes gobigna lepo te au kligna ba pari. Eghuteuna Kraes ginauna mala pha'udi gobigna lepore.

Hibru 2:17

Naugna igne, mae Jisas nabagna te karha mei naikno mala jateula tahati gnafa, mala tangomana mana te kaisei mae pris biꞌo mala loku ranghini God nei thofno leghuni chekegna mana na. Mana toghodi nei kokhonidi eghu nogna naikno God re ba tangomana te hata fadelei u nakhibodire.

Letas Teke Riso Tei Mae Pol Ka Khiloau Rom 5:1

Naugna tahati neke fatutuani ni God, mana la fadoglo ghitahi ke ulugna thegna. Tutuani, noda Lord Jisas Kraes neke togho ghita mala au tahati kau pharikeli balugna God.

Filipae 2:10

Eghume naikno te gnafa te au kligna nei ka nauthoglu igne ba iheire te au ka namonodi naikno te lehere ginauna tuturupuku soru ka mana.

Mae Khuru 10:30

Mae Konilias ne cheke eghu, “Uve ghema, gognaro na la thokehi ka fafati narane ke leghugna teke tarai iara ka sugagu na, tanhi thiloi fei grafi jateula gognaro gne eghu. Kaisei mae te poko siasigla megei nga ne thakle ke ulugu iara,

Luku 2:14

“Kilo fnaknoni God ka maloa kligna nei pharikeli na au agne ka nauthoglu gne baludi naikno te keli tagnadi God gre.”

Profet Maeka 5:2

Lord ne cheke eghu, “Ghotilo naiknomi ka namono ikoi Betlehem, ka nohi Efrata. Nomi namono ghotilo igne kaisei namono ikoi kolho ka namono te gnafa te au falithui ghami ghotilo. Nu neuba, iara ginauna vahini kaisei mae ka vikemi ghotilo agne Juda, mala funei fruni ni Israel. Tharakna gna mae igne kaisei tharakna thofno ulu fara neke mei funu tifa.”

Levitikas 6:30

Nu jame mae pris biꞌo fafara mala doglo ka tathagu iara Lord, eghuteuna mana atha mei dadaragna na lamna ka Suga Tapuale te Blahi na, eghuteuna blahi kaisei naikno te ghamu nafnahigna fafara igne. Mare mala thofno gnubra fahui ka khaꞌaghi.”

Profet Maeka 5:5

Igne puhi nate fakarhi ghita king ka khamedi naiknodi Asiria, mala ke pulo mei tahati ka namono na au te keli. Kate jajagha te mei armi gna Asiria ka noda kantri tahati gne te funu atha noda vido keli aheva te mala poru tahati igre, tahati ginauna kuru tei noda kmana famane lida tahati igre baludi noda soldia te gnafa tahati igre mala magra ka mare. Eghuteuna naugna te nheta fara noda soldia ka magra, mare ginauna uluni Asiria ka nogna glose Nimrod. Lord ginauna fakarhi ghita, nu mana ginauna jaola paradi maedi Asiria.

Matiu 1:21

Naꞌa ginauna na au kaisei thugna nalhaꞌu eghuteuna iagho na kiloni mana Jisas, naugna mana ginauna na fakarhidi nogna naiknore kau nakhibodire.”

Kolose 1:16

Naugna mae Kraes thegna ngala mae vuavuha na, mae ihei teke vuavuhadi gobigna lepo te filodi nei theome filodi tahati, ba gobigna lepo ka nauthoglu igne nei kligna, ba nhuludi mae engel ba naitu te gnafa te au nolaghi te mala funei fruni. Mana neke vuavuhadi gobigna lepore mala ghatho tahuni nanghagna mae Jisas Kraes.