Kolose 1:16 - Buka Blahi Ka Cheke Holo

¹⁶ Naugna mae Kraes thegna ngala mae vuavuha na, mae ihei teke vuavuhadi gobigna lepo te filodi nei theome filodi tahati, ba gobigna lepo ka nauthoglu igne nei kligna, ba nhuludi mae engel ba naitu te gnafa te au nolaghi te mala funei fruni. Mana neke vuavuhadi gobigna lepore mala ghatho tahuni nanghagna mae Jisas Kraes.

Kolose 1:16 ပူးပေါင်းရင်းမြစ်များ

Letas Teke Riso Tei Mae Pol Ka Khiloau Rom 11:36

Uve, God neke vuavuhadi gobigna lepore, eghuteuna gobigna lepore neke kegra ka nogna nolaghi mana, eghuteuna gobigna lepore nogna ngala mana. Tahati kilo fnaknoni God tifa tifa! Amen.

Jone 1:3

Eghuteuna God neke vahini mana mala edi gobigna lepore. Eghume gobigna lepo gre mana ngala teke edire.

Ululahu Korin 8:6

te fatutuani ni tahati na jare na kaisei God tutuani ngala te au na. Mana Kmada tahati naikno khiloau, eghuteuna mana neke vuavuhadi gobigna lepore, nakarhada tahati na nogna mana. Kaisei Lord ngala nanghagna na Jisas Kraes. God neke vuavuha gobigna lepore ka mana, nei tahati jaola karha kolho ka mana.

Hibru 2:10

God, mae ihei teke vuavuhadi gobigna lepo igre, neke cheke fakelini mana. Mana nabagna te snakreni mae Thugna Jisas Kraes mala au papara. Naugna kate au papara mana igne, God neke fagnafani nogna gloku thegna na ka mae Jisas Kraes, mae ihei tahati te kiloni “Mae mala baubatu ghita kau thofno karha.” God tusu ranghini mae Jisas gloku igne mala tangomana te hata fapulo goro thugna mala au balugna kligna.

Ululahu Kronikols 29:11

Iagho thofno haghe fara, eghuteuna iagho au nolaghi fateote'o. Nanghamu iagho na thono haghe fara, eghuteuna iagho thofno keli fara. Lord iagho king nei iagho funei ka nou nolaghi. Gobigna nafnotu fateote'o te au kligna nei ka nauthoglu igne teu igre nou iagho kolho. Eghuteuna iagho thofno haghe fara, eghuteuna iagho funei frunidi gobigna nafnotu fateote'o.

Hibru 1:2

Nu gognaro na kau narane leghu lahu igre, God ne kuruni mae Thugna mala cheke ka tahati. Eghuteuna, vahini mae Thugna mala hohoro u nauthoglu igne, nei mala khotodi mana gobigna lepo fateo te au ke lamnagna.

Efesus 1:10

Nogna gaoghatho God igne ginauna thokei mei ka thofno narane te mala salofodu ka Kraes gobigna lepo te au kligna ba pari. Eghuteuna Kraes ginauna mala pha'udi gobigna lepore.

Profet Isaia 44:24

Lord mae ihei teke vuavuha ghami ghotilo ka thiꞌadi idomi ghotilo are, eghuteuna mae ihei te fakarhi ghami ghotilo neke cheke eghu: “Iara Lord, eghuteuna iara neke vuavuhadi gobigna lepo fateoteꞌo gre. Iara thegu teke vuavuhadi maloa nei gobigna lepo fateoteꞌo te au ke lamnagna. Eghuteuna kate vuavuha iara nauthoglu igne, theo kaisei naikno teke togho ghau iara na.

Proveb 16:4

Lord edi gobigna lepore leghuni gaoghatho gna na. Eghuteuna Lord na jaola parani mae te diꞌa na.

Kolose 1:15

Mae Kraes gne thofno thotoghale gna God mae ihei tahati te theome filoni na, nei thofno Thugna God, pha'udi glepo vuavuha fateo.

Kolose 2:10

Eghuteuna ghotilo te kaisei balugna mae Kraes na, mana tusu ari ka ghotilo thofno nakarha na. Mana te funei frunidi thua engel fateo nei nolaghi fateo.

Profet Isaia 43:21

Iara neke chekedi nogu naiknore mala kilo fnakno ghau iara.”

Diutronomi 4:39

“Eghume ghotilo mala laseni nei ghaoghatho fakeli eghu gognarona, Lord kolho te au kligna nei ka nauthoglu pari igne. Theo kaisei god te au aheva nga.

Filipae 2:10

Eghume naikno te gnafa te au kligna nei ka nauthoglu igne ba iheire te au ka namonodi naikno te lehere ginauna tuturupuku soru ka mana.

Kolose 1:20

Tifa na, tahati nei gobigna lepo te au ka nauthoglu igne ba kligna theome au ka pharikeli balugna God. Eghume God neke eni kaisei nabrou mala eꞌei pharikeli balugna mana kate snakreni mae Kraes mala lehe ka gaju fafatha jateula kaisei fafara. Ka nogna gloku mae Kraes, God neke salofodu gobigna lepo kligna ba pari mala ke kaisei fapulo ka thegna.

Ululahu Pita 3:22

Mae Jisas Kraes gognaro na gnokrohi kligna fei khame nhetagna God Mama ka sape nafnakno. Mana funei frunidi hatimare mae engel nei nolaghi fateo te au kligna.

Kolose 2:15

Mae Kraes neke hata koko fahui nodi nolaghi naitu te gnafa te mala funei fruni na. Ka gaju fafatha na, mae Kraes ne tapla faparidi nei famamajadi eghu mare fara ke uludi naiknore.

Efesus 6:12

Tahati theome magrini nogna nanheta nei glalase eghu naikno kolho, nu tahati magrani mae Satan nei nogna nolaghi. Tutuani fara, tahati magridi naitu ka maloa gne nei keha nafnata nolaghi te au ka nauthoglu te romno te funei frunini mae Satan igne.

Letas Teke Riso Tei Mae Pol Ka Khiloau Rom 8:38

Uve, iara fatutuani ni fara igne, eigna theome tangomana kaisei glepo te fota ghita ka nogna namha God na. Neuba tahati ne karha ba ne lehe, neuba kaisei engel ba kaisei naitu, neuba glepo te mei gognaro gre ba glepo nate mei ginau,

Nehemaea 9:6

Iagho kaisei Lord kolho. Iagho kolho teke vuavuha maloa baludi gobigna lepo te au ke lamnagna, nei nauthoglu baludi gobigna lepo te au ke lamnagna, nei thongna baludi gobigna lepo te au ke lamnagna. Eghuteuna iagho tusu lao karha na ka glepo igre. Eghuteuna engel kligna re pogho soru tarai ka iagho.

Jone 1:10

Mana la auhi ka nauthoglu igne, nu neuba God neke vahini mana neke vuavuha nauthoglu igne, naiknogna nauthoglu igne theome laseni ngala mana.

Letas Teke Riso Tei Mae Pol Ka Khiloau Rom 9:5

Mare neke jifla mei ka vikedi goro mae biꞌo Jiu te ulu tifa ra, eghuteuna Kraes na jaola neke karha mei naikno ka vikedi mare. Eghuteuna mana ngala mae funei biꞌo ke klignadi naikno te gnafare, mae ihei tahati te mala kilo fnaknoni tifa tifa. Amen.