Kolose 1:13 - Buka Blahi Ka Cheke Holo

¹³ God neke hata fadelei ghitahi ka nogna nolaghi mae Satan, eghuteuna lisei ghita ke parigna nogna nolaghi Thugna God, mae ihei mana te namhani fara.

Kolose 1:13 ပူးပေါင်းရင်းမြစ်များ

Mae Khuru 26:18

Iara na kuru tei nigho mala tothora tathadi iheire te au kate romno mala filoni mare u thofno naphaegna God. Uve, iara na kuru nigho mala jifla kokoni mare nogna nolaghi mae Satan mala ke pulo ka God. Eghuteuna te fatutuani ghau iara mare na, God ginauna hata fadelei nakhibodire. Eghuteuna mare ginauna na kaisei ngala baludi naikno teke kulu vavahi God re.’

Efesus 5:8

Tifa na, ghotilo neke au ka naromno, nu gognaro na ghotilo kela au ka naphae, naugna ghotilo nognahi Lord. Eghume ghotilo leghuni puhidi naikno te au ka naphae,

Ululahu Pita 2:9

Nu ghotilo naikno vavahi. Tutuani fara, God neke vahi ghami ghotilo mala nogna vike mana. Ghotilo nogna pris mae King, eghuteuna ghotilo nogna naikno blahi mana. Ghotilo thofno nogna naikno God thegna, neke vahi ghami mala toutonu ranghidi glepo te keli teke edi mana re. Mana neke kilo ghami ghotilo mala jifla mei ka vido te romno na mala ruma lamna nogna famane naphae na.

Efesus 6:12

Tahati theome magrini nogna nanheta nei glalase eghu naikno kolho, nu tahati magrani mae Satan nei nogna nolaghi. Tutuani fara, tahati magridi naitu ka maloa gne nei keha nafnata nolaghi te au ka nauthoglu te romno te funei frunini mae Satan igne.

Ululahu Tesalonika 2:12

Ghehati faheta ghami, togho ghami nei cheke ranghi ghami ghotilo mala leghuni nafnata nakarha te keli tagna God. Mana kilo ghami mala au ka thofno nakarha nate keli te funei frunini God ginauna.

Efesus 4:18

Tutuani mare theome laseni kaisei glepo nogna God naugna nagnafadire ne patugama fara. Eghume mare au khaba ka thofno nakarha te tutuani teke tusu mei God igne.

Letas Teke Riso Tei Mae Pol Ka Khiloau Rom 14:17

God na theome funei fruni ghita naugna te ima tahati keha nafnata gano ba koꞌu. Theo. Nu God na funei fruni ghita tahati kate eni unha te doglo na ke ulugna mana, nei au ka pharikeli, nei au gleale'a ka Tharunga te Blahi.

Ululahu Jone 3:14

Tahati laseni tela tei kokonihi glehe na eghuteuna mei rumahi kau karha. Tahati laseni igne naugna tahati namhani kherada fofodu na balugna mae Kraes. Ihei te theome namhani kheragna fofodu na mana au ngala ka glehe.

Fapea Korin 4:4

Eigna Satan mae ihei te funei frunini nauthoglu igne ne faromnodi nagnafadi naikno te theome fatutuanire. Eghume mare theome tangomana te filoni u naphae gna Nonomho te Keli te thofno fatakleni nogna nolaghi biꞌo Kraes na, mae ihei te thofno thotoghale gna God na.

Ululahu Jone 3:8

Nu ihei te tapla jafra fabrahu ka nakhibo na mana nogna mae Satan, naugna mae Satan tapla jafra fabrahu vuha tifa. Thugna God neke thakle mei malagna gaoghatho igne, mala roꞌeni nogna gloku mae Satan.

Jone 5:24

Mae Jisas ne cheke eghu ka mare, “Tutuani fara te chekeni iara ka ghotilo na. Mae ihei te nomhidi nei leghudi teu u nogu cheke iara re, nei fatutuani ni Mama mae ihei teke kuru mei ghau iara na teuna, mana na athini u karha te theo ka huigna na. Mae tuana iara na theome fate faleheni mana, naugna mana jateula mae ihei teke lehehi nu ke karha fapulo teu ia eghu.

Ululahu Jone 2:8

Neuba, vetula igne majaghani fabrahu, jateula te filonihi ka mae Jisas Kraes nei ka ghotilo. Naugna gromno na sala'u ari, eghuteuna thofno naphae na la siasigla mei.

Fapea Pita 1:11

Eghuteuna God ginauna tangomana te thofno snakre ghami mala ruma ka nauthoglu majaghani te theo ka huigna. Ka nauthoglu igne noda Lord nei fakarhaida Jisas Kraes na King fabrahu tifa tifa.

Luku 13:24

“Fariuriu fara mala ruma ka grengatha te gobro na mala tei ka nabrougna kligna na. Naugna te chekeni iara ka ghotilo na, kmana naikno ginauna fariuriu ruma jare, nu mare ginauna theome tangomana.

Profet Isaia 42:1

Lord ne cheke eghu, “Igne nogu mae gloku iara na, eigna iara farerhetani fabrahu mana. Iara neke vahini mana, eghuteuna iara gleꞌani fara mana. Iara lisei laohi Tharungagu na ka mana, eghuteuna mana ginauna fatedi kantri te gnafa igre ka puhi te doglo.

Hibru 2:14

Naugna tahati naikno kolho, mae Jisas karha mei neke hata thinida mala jateula tahati. Mana neke eni igne, mala ka glehegna na mana tangomana te tapla soruni mae Satan, mae ihei te au nogna nolaghi te mala faleheni naikno na.

Jone 17:24

“Mama, iara magnahaghedi naikno teke tusu mei iagho ka iara igre mala au balugu iara ka namono aheva te au iara na, mala filoni mare nogu nolaghi biꞌo iara na. Nolaghi biꞌo teke famei iagho ka iara ia naugna iagho neke kulu namha ghau iara neke vuvuha nga nauthoglu igne.

Luku 22:53

Leuleghu narane na iara au balumi ghotilo fabrahu ke lamna Sugablahi, eghuteuna ghotilo theome mei loki ghau ngala iara. Nu igne ngala nomi narane ghotilo te mala loku ka nogna nolaghi Satan, mae ihei te funei frunini gromno na.”

Matiu 3:17

Aonu kaisei naogla ne cheke eghu mei funugna kligna, “Igne mae thofno Thugu iara na. Iara thofno namhani mana nei keli taguni eghu mana.”

Matiu 25:34

“Aonu iara mae King na ginauna cheke eghu ka naikno te keli fei nhetagure, ‘Mei, ghotilo naikno teke fablahi ghamihi mae Mama ra mala ruma ka nogna nauthoglu majaghani mana teke kulu tarabana malami ghotilo teku ka fufunu gna nauthoglu pari igne.

Profet Sekaraea 9:9

Lord ne cheke eghu, Ghotilo naiknomi Saion! Ghotilo glealeꞌa! Ghotilo naiknomi Jerusalem! Ghotilo mala eha fabiꞌo! Filo ghotilo! Nomi King ghotilo la mei gognarona. Puhigna na doglo fabrahu, eghuteuna mana la uludihi nogna naokare. Nu mana nhaꞌa faparini thegna, eghuteuna mana saghe mei ka kaisei sua dongki.

Profet Isaia 53:12

Naugna igne iara ginauna ghatho tahuni mana baludi mae biꞌo te au nodi nolaghi. Mana snakreni thegna mala lehe jateula mae te diꞌa eghu. Nu mana lehe tughudi kmana naikno te tapla jafra ka nakhibo, eghuteuna mana tore ghau iara mala atha koko nakhibodire.”

Efesus 1:6

Tahati kilo fnaknoni God eigna nogna khokofakasai te thofno keli fara! U khokofakasai igne mana neke khogla tusu ranghi ghita kolho naugna nogna gloku mae Jisas mae ihei God te namhani fara.

Matiu 17:5

Kate cheke mae Pita na, kaisei khoveo te siasigla ne kafe toku tafrudi mare. Eghuteuna ka vido tuana kaisei naogla ne mei funu ka khoveo na, ne cheke eghu, “Igne thofno mae Thugu iara na. Iara namhani mana nei keli taguni eghu mana. Ghotilo fanomho fakeli nei leghuni eghu mana!”

Jone 3:35

God Mama ne namhani fara mae Thugna na ne tusu lao ka mana u nolaghi te mala funei frunidi gobigna lepore.

Profet Isaia 60:2

Filo si ghotilo. Gromno na toku tafrudi keha naikno te au ka nauthoglu igne. Nu naphaegna nogna nolaghi biꞌo Lord na agha mei ka ghotilo, eghuteuna naphae biꞌo igne rheta fara ke klignami ghotilo.

Fapea Korin 11:14

Puhi igre theome mala jaglodi tahati. Eigna mae Satan jaola neke fariuriu mala jateu kaisei engel nogna God eghu.

Efesus 5:5

Ghotilo themi la lasenihi igne, nafnata naikno te gnognoro nei edi nafnata glepo te diꞌa igre teuna, mare theo sapedi ka nauthoglu majaghani Kraes ghe God te funei frunini na. Eghuteuna jaola iheire te mamagnadi nodi glepo keha naiknore, mare theo sapedi jare naugna naikno igre jateu te tufru soruni mumuju eghu kolho.