Kolose 1:12 - Buka Blahi Ka Cheke Holo

¹² Eghuteuna ghotilo ginauna gleale'a balu cheke fakelini Kmada. Mana ne fatangomana ghami ghotilo te hatini u nakarha teke kulu tarabanahi maladi nogna naikno te au kligna ka nauthoglu te phae fabrahu na.

Kolose 1:12 ပူးပေါင်းရင်းမြစ်များ

Mae Khuru 20:32

“Gognaro na iara lisa lao ghami ghotilo ka khamegna God. Mana la kulu tusu arihi ka ghotilo nogna Nonomho te Keli na nei chekeni te namha ghami ghotilo na. Eghuteuna mana tangomana te taji ghami ka cheke igre. Mana ngala te tangomana te farheta ghami nei tusu ranghi ghami glepo te keli na baludi keha nogna naiknore.

Efesus 1:11

Gobigna lepo igre God neke edi leghuni nogna gaoghatho nei glalase teu thegna na. Mana ne leghuni nogna gaoghatho thegna na neke vahi ghita tifa mala nogna naikno Kraes.

Efesus 1:18

Iara toreni noda God mala tusu ari glalase te biꞌo. Glalase igne ginauna togho ghami ghotilo mala filo glanini unha teke kilo ghita God na. Jaola glalase igne mala togho ghami ghotilo te mala filo glanini thofno glepo keli te gnafa teke nhaꞌa cheke ranghidi nogna naiknore.

Mae Khuru 26:18

Iara na kuru tei nigho mala tothora tathadi iheire te au kate romno mala filoni mare u thofno naphaegna God. Uve, iara na kuru nigho mala jifla kokoni mare nogna nolaghi mae Satan mala ke pulo ka God. Eghuteuna te fatutuani ghau iara mare na, God ginauna hata fadelei nakhibodire. Eghuteuna mare ginauna na kaisei ngala baludi naikno teke kulu vavahi God re.’

Efesus 3:6

U gaoghathogna Nonomho te Keli teke poru igne God magnahaghe ghami ghotilo te mala kaisei vike nei kaisei thini balumi ghehati mae Jiu. Eghuteuna unha teke nhaꞌa chekeni God ka ghehati eigna mae Jisas Kraes igne mala nomi la ghotilo.

Fapea Korin 5:5

God neke vuavuha ghita mala tughu tahati neku, eghuteuna mana neke tusu ranghi ghitahi u Tharunga te Blahi na igne kaisei nhaꞌa cheke eigna u karha majaghani nate thofno tusu ranghi ghita na.

Letas Teke Riso Tei Mae Pol Ka Khiloau Rom 8:17

Eghuteuna naugna te goro thugna God tahati na, tahati ginauna hatini glepo malada tahati teku God na. God ginauna na jaola tusu ranghi ghita glepo igre teke tusu ranghini kherada Jisas Kraes. Naugna tahati au papara jateula Kraes jaola teke au papara, tahati ginauna jaola hatini u thofno nakarha teke hatahi Kraes te ulu tulao igne.

Hibru 3:14

Eni igne naugna tahati hui mala kaisei balugna mae Kraes, eghu te loku famaku fabrahu tahati u fatutuani teke kulu au ka tahati igne.

Jone 14:6

Mae Jisas ne cheke eghu ka mana, “Iara nabrou na, iara tutuani na, nei iara karha na. Jare na theo kaisei nabrou heva nga te mala tei te thoke ka Mama na, mei ka iara.

Thakle 21:23

Naprai ba glaba theome phae soru ke kligna gna namono biꞌo tuana, naugna nogna nolaghi biꞌo God na siasigla mei fabrahu tagna. Eghuteuna Lam na u naphaegna namono tuana.

Hibru 12:23

Ghotilo mei mala salo fodu nei gleale'a eghu baludi bukrei naikno fatutuani gre. God ghatho tahudi jateula goro thugna teke karha ulu lahu. Nanghadire la riso soruhi ka buka kligna. Ghotilo mei ka God, mae ihei nate fatedi naikno te gnafare. Eghuteuna ghotilo mei ka naikno te keli tela lehehi nu iheire God teke faklinodi.

Kolose 2:2

Iara eni igne mala heta ghotilo nagnafamire nei au fodu ghotilo kau namha. Ka puhi igne, ghotilo thofno lase fakelini mae ihei God teke theome falalaseni tifa, mae igne Jisas Kraes thegna.

Efesus 5:20

Eghuteuna ka nanghagna mae Jisas Kraes noda Lord, ghotilo cheke fakelini God Kmada eidi gobigna lepo te edi leuleghu narane.

Ululahu Korin 8:6

te fatutuani ni tahati na jare na kaisei God tutuani ngala te au na. Mana Kmada tahati naikno khiloau, eghuteuna mana neke vuavuhadi gobigna lepore, nakarhada tahati na nogna mana. Kaisei Lord ngala nanghagna na Jisas Kraes. God neke vuavuha gobigna lepore ka mana, nei tahati jaola karha kolho ka mana.

Letas Teke Riso Tei Mae Pol Ka Khiloau Rom 15:27

Tutuani, mare thofno kaoni ka mae Jerusalem. Naugna hatimare mae ihei te theome Jiu neke kulu hatahi glepo te keli teke nhaꞌa cheke God ranghidi hatimare mae Jiu. Eghume te keli na hatimare mae te theome Jiure mala tusu lao glepo te keli malagna fei thini na ranghidi mae Jiu.

Proveb 16:1

Naikno na tangomana te ghaoghaho ka nagnafagna na. Nu Lord kolho tangomana te chekeni uve teuna.

Proveb 4:18

Puhigna naikno te doglo na jateula naprai te haghe hamerane boibongi, eghuteuna ke agha fabiꞌo farai aublatha thongana ra eghu.

Jemes 3:9

Foflo gne tahati mala cheke fakelini noda Lord God, eghuteuna tahati jaola ke cheke fadiꞌa dila keha naikno teke hohoro la God ka thotoghale gna thegna na.

Hibru 3:1

Uve, kheraguro, God kafe kilo ghami ghotilo gnafa mala nogna naikno blahi mana. Eghume, iara magnahaghei ghami ghotilo te ghathoni mae Jisas, mae ihei God teke kuru meini kau nauthoglu igne mala togho ghita. Mana noda mae pris biꞌo mala togho ghita ka gobigna lepo te fatutuanidi tahati.

Kolose 3:17

Gobigna lepo te edi ba te chekedi ghotilo re la kafe edihi malagna noda Lord Jisas Kraes. Eghuteuna ghotilo cheke fakelini God Kmada ka mana.

Kolose 3:15

Eghuteuna snakreni nogna pharikeli Kraes na mala saghe leghudi gaoghathomire. Naugna God neke kilo ghami ghotilo mala au fodu jateula kaisei thini eghu ngala, nei u pharikeli igne tangomana te au balumi ghotilo. Eghuteuna leuleghu fata na ghotilo mala cheke fakelini God.

Efesus 5:4

Jaola, theome keli te nomhidi ka ghotilo te chekedi u nafnata cheke te diꞌa ba cheke glalama ba nafnata cheke muamugna te thona. Glepo igre theome doglo te edi ghotilo re. Nu te keli na ghotilo mala cheke fakelini God.

Efesus 4:6

Jare na kaisei God Kmada gnafa. Mana funei fruni ghita gnafa, nei au heva heva ka nauthoglu gne, nei au baluda gnafa.

Ululahu Korin 9:23

Gobigna lepo te edi iara igre malagna Nonomho te Keli gne, mala jifla tei tongana heva heva, nei jaola mala tangomana te thokeni nogna fablahi God ka iara na.

Letas Teke Riso Tei Mae Pol Ka Khiloau Rom 11:17

Ghathoni cheke naba igne. Mae Jiu gre jateula thofno gaju oliv eghu. Eghuteuna ghotilo mae iheire te theome Jiu gre jateula grege oliv nathua ra eghu. God la kulu kato kokohi keha grege ka thofno gaju oliv na mala salo fodu ghamihi mala kaisei ka thofno gaju oliv na. Eghume gognaro na ghotilo jaola snori nomihi ka fablahi te jifla mei ka hatimare mae Jiu.

Letas Teke Riso Tei Mae Pol Ka Khiloau Rom 9:23

Eghuteuna mana jaola magnahaghei te falalaseni nafnakno gna te biꞌo tulao na ka naikno te kokhoni nognadi mana re. Eghuteuna mana vahidi hi naikno igre mala hata u nafnakno te biꞌo tulao tuana ka mana.

Jone 20:17

Mae Jisas ne cheke eghu ka naꞌa, “Meri, thosei habo mei ka iara. Naugna iara theome haghe ngau ka mae Mama. Nu tei filodi mae thabusignara cheke eghu ka mare, ‘Iara na haghe ka mae Mama nei Kmami ghotilo. Ka nogu God nei nomi God ghotilo.’ ”

Jone 4:23

Narane na la meihi, u narane tuana agne hi gognaro. Naikno te tarai tutuani ka mae Kmada na, u Tharunga te Blahi na ginauna toghodi mare mala falalase glepo eigna mana ka naiknore. Nafnata naikno igre te magnahaghedi mae Kmada te mala tarai lao ka mana na.

Matiu 25:34

“Aonu iara mae King na ginauna cheke eghu ka naikno te keli fei nhetagure, ‘Mei, ghotilo naikno teke fablahi ghamihi mae Mama ra mala ruma ka nogna nauthoglu majaghani mana teke kulu tarabana malami ghotilo teku ka fufunu gna nauthoglu pari igne.

Profet Daniel 2:23

Iagho nodi God mae kuꞌegu iara ra. Iara kilo fnakno nigho nei cheke fakeli nigho! Iagho tusu mei glalase nei nolaghi eghu ka iara. Iagho nomhidihi nomi tharai ghehati igre, eghuteuna iagho falalasehi ka ghehati gaoghathogna nogna mifi mae king igne.”

Nodi Khoje Hatimare Mae Jiu 116:7

Eghuteuna iara gognaro na kela keli tagu fara, naugna Lord na thofno keli fara ranghi ghau iara.

Nodi Khoje Hatimare Mae Jiu 97:11

God na fablahidi iheire te doglo puhidire, nei toghodi naikno te kelire mala glealeꞌa.

Nodi Khoje Hatimare Mae Jiu 79:13

Jame te eghu iagho na, ghehati te jateula nou sipu teu iagho gre ghehati ginauna cheke fakeli nigho fabrahu. Uve, ghehati cheke fakeli nigho fabrahu leuleghu fata.

Nodi Khoje Hatimare Mae Jiu 36:9

Iagho ngala nafugna te mala karhadi gobigna lepore. Eghuteuna iagho ngala nafugna u naphae na. Ghehati tangomana te filoni u naphae na ka iagho ngala.

Ululahu Kronikols 29:20

Aonu mae Devet ne cheke eghu ka naiknore, “Cheke fakelini Lord noda God!” Aonu naiknore ne kafe cheke fakelini Lord nodi God kuꞌedi tifa ra. Mare ne kafe pogho soru ne fafnaknoni God, nei jaola fafnaknoni King Devet.

Ululahu Kings 6:7

Thina te mala horo gna Sugablahi na la kato togheihi ka vido aheva te dokha mare na. Mare eni igne kate loku mare ka Sugablahi na, theo kaisei naikno te tangomana te loku ka hama, nhirama, sisel, nei keha nafnata glepo igre naugna mare gnafa lokuhi ka thina igre.

Thakle 22:14

“Naiknore te theo nakhibodi naugna Lam na neke thofa dadaragna na neke lehe, mare keli tadi tutuani fara. Naugna mare nabadi te ima sisigna gaju te tusu mei karha fei tifa na, eghuteuna mare naba dila te ruma ke lamnagna grengathagna namono biꞌo na mala au balugna God.

Thakle 22:5

Jare ginauna theome bongi. Tutuani, mare theome magnahaghei juta ba naprai, naugna noda Lord God ginauna tusu ranghidi u naphae. Mare ginauna funei fruni jateula king eghu fabrahu balugna God tifa tifa.

Ululahu Jone 1:3

Gognaro na ghehati toutonuni ka ghotilo unha ghehati teke filoni nei nomhini, naugna ghehati magnahaghe ghami ghotilo te kaisei fofodu balumi. Tahati mala kaisei fofodu ngala balugna God Mama nei Thugna, Jisas Kraes.

Ululahu Pita 5:1

Iara kaisei mae mala baubatu ka khiloau. Iara neke thofno filo tathagu mae Kraes na neke au papara fara. Eghuteuna iara ginauna hata nafnakno biꞌo baludi kmana naikno ka narane nate thakle mei mae Kraes ka tahati na. Eghume, iara magnahaghei te cheke faheta ka ghotilo mae mala baubatu ra mala

Taetus 2:14

Mae Jisas Kraes neke snakreni thegna mala lehe tughu ghita tahati nei neke hata fajifla ghita kau nakhibo. Nu mana neke hata fadeleidi nakhiboda tahati re, mala tangomana tahati nogna naikno mana re te magnahaghe edi fara unha glepo te magnahaghedi mana re.

Fapea Korin 11:14

Puhi igre theome mala jaglodi tahati. Eigna mae Satan jaola neke fariuriu mala jateu kaisei engel nogna God eghu.

Efesus 2:18

Eghume gognaro na tahati hui, mae Jiu ba mae te theome Jiu tangomana te mei ke ulugna God Kmada ka nogna nolaghi kaisei Tharunga te Blahi.

Efesus 5:8

Tifa na, ghotilo neke au ka naromno, nu gognaro na ghotilo kela au ka naphae, naugna ghotilo nognahi Lord. Eghume ghotilo leghuni puhidi naikno te au ka naphae,

Efesus 5:11

Eidi naikno te au nga teu kate romno gre, ghotilo thosei fofodu baludi mala edi glepo te diꞌare. Eigna glepo igre mala fadiꞌadi kolho nakarhadi naiknore. Nu ghotilo falalase ranghidi unha te eni mare igne mala filo glanidi mare nodi najafrare.