Letas Teke Rioriso Mae Jud 1:7 - Buka Blahi Ka Cheke Holo

⁷ Ghotilo jaola ke ghatho fapulodi phei namono biꞌo Sodom ghe Gomora nei keha namono te au faligohodi phei namono biꞌo tuare. Naiknodi namono igre neke jafra jateula engel te jafra teke theome leghuni God igre neku. Naugna namono igre fodu ka gnognoro, eghuteuna mae nalha'udire neke gnognoro fari thedi. Aonu mare neke au papara ka khaꞌaghi te theo ka glehegna na. Eghume mae igre kaisei fagaglana mala filoni tahati hui.

Letas Teke Rioriso Mae Jud 1:7 ပူးပေါင်းရင်းမြစ်များ

Jenesis 13:13

Naiknodi Sodom gre thono gnognoro fara, eigna ne edi kmana nafnata nakhibo te theome doglo ka tathagna Lord na.

Jenesis 18:20

Aonu Lord ne cheke eghu, “Iara neke nomhidi kmana puhi te thono diꞌa fara te edi naikno di Sodom ghe Gomora gre.

Jenesis 19:5

Mare mei ne eha eghu ka mae Lot, “Aheva phei mae teke mei ka sugamu iagho agne grafi ra? Snakre meidi agne kosi, ghehati magnahaghei te thuru baludi phia mare!”

Ululahu Kings 22:46

Mana ne kafe khi fajifladi Juda mae nalhaꞌu nei gaꞌase eghu te edi puhi te diꞌa na ka vido te blahi igre. Naikno igre au neku ngala ke leghugna teke king mae Asa, kmagna mae Jehosafat.

Profet Isaia 1:9

Jame Lord mae ihei te au nolaghi fateote'o igne theome fakarhidi keha naikno ka tahati meuna, tahati ginauna jame kafe luvu fahui jateula naiknodi phei namono biꞌo Sodom ghe Gomora tifa ra eghu.

Profet Isaia 13:19

Namono Babilonia igne famane fara salaꞌudi keha namono biꞌo ka nauthoglu igne, eghuteuna naikno gna namono igne fahaehagheni fara nodi namono na. Nu Lord ginauna roꞌeni namono biꞌo igne jateula Sodom ghe Gomora tifa ra eghu.

Profet Isaia 33:14

Gognarona naiknodi Jerusalem te leghuni puhi nakhibo na mare nanga nodi nei mhaghu nodi eghu fara, eghuteuna mare neke cheke eghu, “Nogna faefate Lord na jateula khaꞌaghi te brana fara te gnhubra fateo gobigna lepora eghu, eghuteuna theome tangomana kaisei naikno naba te lao au namo rhegna khaꞌaghi igne.”

Profet Jeremaea 20:16

Iara magnahaghei puhi biꞌo thokeni mae igne, jateula puhi biꞌo teke thokeni namono teke goigoni Lord ia eghu. Iara magnahagheni mae igne te nomhidi naikno te tanhi fei hamerane, eghuteuna hatimare mae naoka eha fabiꞌo fari hotei naublatha.

Profet Jeremaea 50:40

Tifa na iara neke roꞌedi phei namono biꞌo Sodom ghe Gomora baludi namono te au faligohodi phei namono biꞌo igre. Eghume, iara ginauna na jateula tuana eghu roꞌeni Babilonia mala krogha theo kaisei naikno te au tagna na.” Igne chekegna Lord.

Lamentations 4:6

God neke roꞌeni kaisei fata kolho namono Sodom, eghuteuna theo kaisei naikno te toghodi naiknogna namono tuana. Nu naꞌau papara te thokedi nogu naikno iara igre thofno diꞌa fara salaꞌuni nodi naꞌau papara naiknodi Sodom tifa ra.

Profet Hosia 11:8

“Israel! Iara theome tangomana nate tei koko ghami ghotilo na, ba te rikha ghami na. Iara na theome roꞌe ghami ghotilo jateula teke eni iara tifa ka phei namono biꞌo Adma ghe Seboim ra. Theo. Iara thofno namha ghami ghotilo ka nagnafagu na. Iara theome magnahaghei te eni kaisei puhi te diꞌa jateula ghotilo teuna.

Profet Emos 4:11

“Iara na roꞌedi keha ka ghotilo jateula teke roꞌedi iara phei namono biꞌo Sodom ghe Gomora tifa ra eghu. Uve, ghotilo te karha teu gognaro igre keli tami fara, naugna ghotilo ne jateula kaisei vido gaju teke hata fajifla mare ka khaꞌaghi biꞌo ra neu. Nu neuba, ghotilo theome magnahaghei teke pulo mei ka iara na.

Matiu 10:15

Tutuani fara te chekeni iara ka ghotilo na. Ka narane fate na thono diꞌa fara ranghidi naikno te diꞌa te au kau namono tuana ke tulaodi naikno te diꞌa di Sodom ghe Gomora tifa ra.

Matiu 11:24

Tutuani fara, te chekeni iara ka ghotilo na, ka narane leghu lahu na God ginauna fatedi naikno te au ka namono igne. Fate tuana ginauna biꞌo fara uludi narane teke fatedi mana naikno te diꞌa te au ka namono Sodom.”

Matiu 25:41

“Iara ginauna cheke eghu ka naikno te diꞌa te au fei mairigure, ‘Tei nomi delei! Naugna te chekeni God na ghotilo ginauna mala tei au ka fate! Ghotilo ginauna tei au ke lamna khaꞌaghi te karha fabrahu na. Khaꞌaghi tuana neke kulu tarabana God malagna mae Satan nei nogna tothoghei engel.

Luku 17:29

Nu ka narane te rikha kokoni mae Lot namono te diꞌa Sodom, khaꞌaghi balu thina ngaja ne soru mei funu kligna ne kafe falehedi naikno te diꞌare.

Ululahu Korin 6:9

Ghotilo thofno laseni ihei te edi glepo te diꞌa igre ginauna theome thokeni u nakarha te funei frunini God na. Naikno igre te diꞌare: iheire te gnognoro, ba iheire te pogho soru ka mumuju, ba iheire te huhughuni vetula gna tholaghi, ba nalhaꞌu te ei puhi diꞌa fari nalhaꞌu, ba iheire te blau, ba iheire te mamagna, ba iheire te koꞌu te dranga, ba iheire te toutonu chaichaghidi keha naiknore, nei iheire te chaghi mala hata glepo ka keha naiknore. Eghume kheraguro, thosei snakreni ihei te mala chaghi ghami ghotilo eigna puhidi naikno te funei frunidi God re.

Diutronomi 29:23

Heva heva ka nomi glose ghotilo are ginauna krogha, eghuteuna ginauna na theo kaisei glepo nate karha tagna na. Ghotilo ginauna theome tangomana te joꞌu kaisei glepo tagna na. Naugna khaꞌaghi ghe solt ginauna thafru tagna. Neubane kaisei buburu kolho, theome tangomana te jaola te karha tagna na. Nomi namono ghotilo re ginauna diꞌa jateula namono biꞌo Sodom, nei Gomora, nei Adma, nei Seboim eghu teke goigoni Lord tifa kani teke diꞌatagna fara mana ka mare ra eghu.

Fapea Tesalonika 1:7

Eghume te chekeni iara ka ghotilo iheire te au papara fara ra, God ginauna fagnafa ghami ghotilo balumi ghehati kate thakle meigna Lord Jisas funu kligna balu nogna tothoghei engel te nolaghi.

Fapea Tesalonika 1:8

Mana ginau mei funu kligna balu khaꞌaghi ngaja mala fatedi iheire te theome laseni God, nei iheire te tirodi leghuni u Nonomho te Keli eigna noda Lord Jisas Kraes.

Fapea Pita 2:2

Kmana naikno khiloau ginauna jaola leghudi puhi diꞌa te edi mare re. Naugna igne keha naiknore na funu cheke fadiꞌani Nonomho te Keli te thofno tutuani fara igne.

Fapea Pita 2:6

God jaola neke fatedi phei namono biꞌo Sodom ghe Gomora, God neke faghamu khaꞌaghidi ne vuhai nakrofu. Igne kaisei thotoghale te mala filoni iheire te huhughuni God nei laseni unha nate thoke mei ka mare nathuꞌu nauriha na.

Fapea Pita 3:7

Nu ka chekegna God tuana la, maloa ghe glose te au teu gognaro gre na ofoniu kolho khaꞌaghi na mala nhako. Maloa ghe glose gre na ofou ghilei thoke mei narane God nate fatedi naikno te diꞌare, eghuteuna kafe faluvudi iheire te theome leghuni mana na.