Letas Teke Rioriso Mae Jud 1:3 - Buka Blahi Ka Cheke Holo

³ Ranghi ghami kheraguro, ulu lahu na iara magnahaghei te rioriso ari ka ghotilo kaisei letas eigna God te fakarhi ghita tahati te gnafa. Nu gognaro na iara thono tahu mei ka gaoghathogu na te mala rioriso letas igne, mala nheta ghotilo. Iara magnahaghei ghami ghotilo te magra heta mala loku famaku thofno cheke tela fatutuani nihi tahati igne. U thofno cheke igne God neke tusu mei kaisei fata ngala ka nogna naiknore, eghuteuna na keli fabrahu tifa tifa.

Letas Teke Rioriso Mae Jud 1:3 ပူးပေါင်းရင်းမြစ်များ

Ululahu Timoti 6:12

Fariuriu fara nakarhamu ka khiloau gne mala au fakeli, jateula mae ihei te fariuriu chari te mala ulu ka fangenghele ia eghu. Ghaoghatho heta eigna iagho la hatahi nou taba u karha fei tifa na. God neke kilo nigho mala hata karha tuana. Eghuteuna iagho neke cheke thakleni nou fatutuani biꞌo eigna mae Kraes ke uludi kmana naikno te nomhini.

Filipae 1:27

Uve, glepo te ulu na puhimi ghotilo re mala leghuni nogna Nonomho te Keli mae Jisas Kraes. Eghume neubane mei iara ne sigho ghami ba ne tei koko ghami, iara ginauna nomhidi thoutonu te keli eimi ghotilo re. Iara magnahaghei te nomhi ghami ghotilo te kaisei nomi gaoghatho ngala nei kegra maku ka nomi fatutuani na ka mae Jisas Kraes.

Letas Teke Rioriso Mae Jud 1:20

Nu ghotilo kheraguro, nomi fatutuani na thono blahi fara. Eghume ghotilo loku heta mala kegra maku ka nomi fatutuani te blahi fara tuana. Eghuteuna tarai ka nogna nolaghi mae Tharunga te Blahi.

Thakle 12:11

Hatimare mae kherada ka khiloau gne neke tapla sorunihi mana naugna Lam na neke thofa dadaragna na neke lehe. Hatimare jaola neke tapla soruni mana naugna mare neke toutonuni ni u cheke te tutuani na. Mare theome mhaghu mala lehe malagna God nu mare neke snakre lao nakarhadire ranghini mana.

Taetus 1:4

Uve ghema Taetus, iara na riso ari ka iagho. Eigna iagho jateula thofno mae thugu eghu iara kau noda khiloau gne naugna iagho fatutuani nila unha glepo te fatutuani ni iara gne. Gognaro na iara toreni God Kmada nei mae Fakarhaida Jisas Kraes mala fablahi nigho nei tusu ranghi nigho u nodi pharikeli na.

Thakle 2:10

Ghotilo thosei mhaghuni kaisei glepo neubane para ghami mare. Filo si ghotilo! Satan ginauna fariuriu ghami ghotilo mala laseni te thofno leghuni mana kate lilisei ka suga sosolo keha naikno ka tothoghei ghotilo gne. Eghuteuna ghotilo ginauna au papara jare nabagna nabotho narane. Nu ghotilo mala fatutuani ghau iara ngala, neuba mare falelehe ghami ghotilo. Eghuteuna naugna te eni iagho igne, iara ginauna tusu ari nakarha te theo huigna na ka ghotilo, jateula mare te tusu lao taba biꞌo ka mae ihei te uluni fangenghele ia eghu.

Fapea Timoti 1:13

Leghu fakelidi cheke teke nomhidi iagho ka iara ra. Cheke igre jateula thotoghale eghu mala laseni iagho nabrou te keli te mala farirhiudi naiknore. Eghuteuna iagho edi igre balu fatutuani ni mae Jisas Kraes nei namhadi keha naiknore eghu eigna tahati nogna naikno mana.

Ululahu Timoti 1:18

Uve thuguo Timoti, cheke te edi iara igre leghudi kolho nodi cheke hatimare mae profet teke cheke eimu iagho tifa ia. Iagho famane leghudi farirhiu igre mala togho nigho nei magridi eghu puhi diꞌa fateo ka nauthoglu igne.

Galesia 2:5

Nu ghehati tiromi fara te fanomho ka mare na. Naugna ghehati magnahagheni thofno cheke te tutuani nogna Nonomho te Keli igne mala au fabrahu balumi ghotilo tifa tifa.

Hibru 13:22

Kheraguro, iara tore ghami ghotilo fara mala fanomho mei ka nogu farirhiu iara igre. Naugna letas teke rioriso iara igne theome brahu kolho.

Mae Khuru 9:22

Neuba ngau gognaro na mae Sol thono nolaghi fara ka nogna chekere. Eghuteuna mae Jiu te au Damaskas re theome tangomana te magra ka mana na, naugna mana thofno falalase ranghidi mae Jisas gne ngala mae Kraes na.

Profet Isaia 45:22

“Ghotilo naikno te gnafa ka nauthoglu ra, ghotilo ke pulo mei ka iara mala fakarhi ghami iara! Naugna iara ngala God na, eghuteuna theo kaisei god ahevanga te au na!

Diutronomi 9:10

Eghuteuna ke leghudi te gnafa phiatutu narane nei phiatutu bongi teu igre, Lord neke tusu mei phei thina tataba igre ka iara. “Ke klignadi phei thina tataba igre, Lord neke rioriso ka khamegna thegna cheke te gnafa teke jifla mei ke lamna khaꞌaghi ka narane teke khapru teku ghotilo ka pesi thogele ia.

Ululahu Tesalonika 2:2

Ghotilo laseni ame ari posa nga ka ghotilo teku na, ghehati neke au papara ka namono Filipae. Mae biꞌo mala baubatu ka namono tuana cheke fadiꞌa ghami ghehati. Nu neubane khale ghami kmana hoholo, noda God ne togho ghami ghehati mala frane te toutonuni ka ghotilo u Nonomho te Keli na.

Ululahu Korin 15:3

Cheke te ulu fara teke hata iara na tela toutonu arihi iara ka ghotilo ana. Tutuani, nogu cheke iara na igne, mae Kraes na neke lehe mala hata fadeleidi nakhibodare, jateula te chekeni teu kau grioriso te blahi na.

Mae Khuru 4:12

Mae Jisas ngala te tangomana te mala fakarhi ghita na. Naugna God neke theome kuru meini kaisei nangha delei ka nauthoglu gne te mala fakarhi ghita na.”

Mae Khuru 18:28

Mae Apolosi tangomana te toghodi naikno khiloaure, naugna mana tangomana te cheke faparidi mae Jiure ka magra biꞌo te eni mare ke uludi naiknore. Mae Apolosi ne cheke thakleni kau grioriso te blahi na eigna mae Jisas gne ngala mae Kraes na.

Mae Khuru 17:3

Mana rurutha gaoghathogna na ne falalase ranghidi eigna God te snakreni mae Kraes mala lehe, eghuteuna ke leghu na God neke fakarha fapuloni mana. Mana ne cheke eghu ka mare, “Mae Jisas te chekeni iara ka ghotilo igne mae tugne ngala mae Kraes na.”

Letas Teke Rioriso Mae Jud 1:17

Uve kheraguro, thosei ghatho ihodi cheke teke edi hatimare nogna mae khuru noda Lord Jisas Kraes tifa ra.

Fapea Pita 1:1

Iara mae Simon Pita kaisei nogna mae gloku nei kaisei nogna mae khuru Jisas Kraes. Iara riso ari ka ghotilo iheire te hata nomi thofno fatutuani te keli fara ka God jateula ghehati. Tahati te gnafa na kafe hata u fatutuani igne naugna noda God nei Fakarhaida Jisas Kraes, mana kaisei mae keli nei eni unha te doglo fara.

Ululahu Pita 5:12

Mae Silas togho ghau iara neke rioriso letas kmoꞌei igne ranghi ghami ghotilo. Iara laseni mana kaisei mae kheragu keli iara ka khiloau gne nei iara thofno ronuni fara mana. Letas igne iara magnahaghei te fahetadi nomi fatutuani ghotilo re, nei jaola mala cheke ka ghotilo eigna u nabrou God teke falalase ka tahati ka nogna khokofakasai. Igne thofno nabrou te tutuani na, eghuteuna ghotilo mala kegra maku tagna.

Kolose 1:2

riso ari ka ghotilo nogna naikno God te au ka namono Kolose, ghotilo kherami ghepa te thofno leghuni mae Kraes tela nognahi mana. Ghehati toreni God Kmada mala tusu ranghi ghami khokofakasai nei pharikeli.

Filipae 1:1

Uve, iara mae Pol ghepa mae Timoti phei nogna mae gloku mae Jisas Kraes. Ghepa riso ari letas igne ka ghotilo naikno khiloau te au ka namono Filipae. Eghuteuna ghepa riso ranghidi langau hatimare mae biꞌo nei hatimare mae te totogho ka khiloau Filipae.

Efesus 1:1

God neke vahi ghau iara mae Pol mala nogna khuru mae Jisas Kraes. Iara riso ari ka ghotilo naikno khiloau te au ka namono Efesus iheire te leghuni fabrahu mae Jisas Kraes. Naugna ghotilo nognahi mana.

Galesia 6:11

Ghotilo filodi letas biꞌo te riso ari iara ka khamegu thegu igre!

Mae Khuru 28:28

“Eghume, iara magnahaghei ghami ghotilo te laseni eigna God neke kuru meini u nonomho gna mae Fakarha na ranghidi naikno te theome Jiu. Eghuteuna mare ginauna na nomhini cheke igne!” Ke leghugna te chekeni mae Pol igne, mae biꞌodi Jiure ne jifla.

Mae Khuru 20:27

Naugna iara la chekedihi ka ghotilo gobigna lepo te magnahaghedi God te mala lasedi ghotilo re.

Profet Jeremaea 9:3

Igne chekegna Lord: “Leuleghu fata na naikno igre jateula mae soldia te tarabana phaloho te mala fada falehe naikno ra eghu. Eghuteuna mare snakredi glapidire mala cheke chaichaghi jateula jata eghu. Naiknogna kantri igne theome cheke kate tutuani. Thono theo fara. Mare edi nafnata puhi te thono diꞌa fara igre, eghume mare theome tangomana te fatutuani ghau iara nodi God.

Profet Isaia 45:17

Nu iagho ginauna fakarhi ghami ghehati fabrahu, eghuteuna ghehati ginauna na theome mamaja.

Galesia 3:28

Eghume theo kaisei glepo te nhogri ka iheire te kaisei balugna mae Jisas Kraes, neubane mae Jiu ba theome mae Jiu, neubane mae sneka ba mae snagla, neubane nalhaꞌu ba gaꞌase. Ghotilo te hui na kaisei ngala.

Nehemaea 13:25

Iara cheke faheta ka naikno igre ne kilo mei puhi biꞌo mala thokedi mare. Kehare iara puphuri, eghuteuna kehare iara korho koko khakladire mala mamaja nodi mare. Iara huhurudi mare mala nhaꞌa cheke ka nanghagna God, mala thosei snakredi mare thudi gaꞌasere mala tolaghi ka thudi nalhaꞌu mae bongihehe, eghuteuna mare mala thosei hata thudi gaꞌase naikno bongihehe igre mala tolaghi ka thudi nalhaꞌu mare re.

Diutronomi 21:9

Ka puhi igne, ghotilo ginauna theome naba te papara ka glehegna mae ihei te doglo igne, naugna ghotilo ne edi glepo te magnahaghedi Lord re.”

Mae Khuru 6:7

Chekegna God na tei thoke heva heva ka naiknore. Tothoghei naikno khiloau te au Jerusalem ka narane tuare gognaro biꞌo la biꞌo, eghuteuna jaola kmana nodi tothoghei pris mae Jiu gre la funu fatutuani nei leghuni mae Jisas.

Mae Khuru 9:13

Nu mae Ananias ne cheke eghu, “Lord, iara nomhini kmana thoutonu eigna mae igne, mana edi kmana glepo te diꞌa ranghidi nou naikno iagho re Jerusalem.

Hibru 6:9

Uve, kheraguro, neubane cheke faheta ghehati ka ghotilo, ghehati thofno laseni ghotilo theome leghuni kaisei puhi te diꞌa, nu ghotilo leghu fakelini nogna puhi God te mala fakarha ghami na.

Fapea Pita 2:21

Uve, te keli na mare thosei laseni nabrou te doglo igne. Naugna theome keli te laseni mare eigna nabrou igne, nei nomhini eigna vetula te blahi igne eghuteuna ke figri tagruni mare nabrou te doglo na teuna.

Letas Teke Rioriso Mae Jud 1:1

Iara mae Jud tahigna mae Jemes nei nogna mae gloku Jisas Kraes. Uve kheraguro, iara rioriso ari letas igne ka ghotilo naikno te gnafa God teke kilo ghami. God Kmada namha ghami ghotilo, nei mae Jisas Kraes jaola reireghi fakeli ghami ghotilo.