Letas Teke Rioriso Mae Jud 1:25 - Buka Blahi Ka Cheke Holo

²⁵ Mana kaisei God ngala. Mana kaisei ngala te fakarhi ghita ka nogna gloku mae noda Lord Jisas Kraes. Ka mana ngala siasigla na, nafnakno na, nolaghi na, nei mana funu tifa te mei, nei gognaro, nei tifa tifa! Amen. Me gnafa. Iara, mae Jud.

Letas Teke Rioriso Mae Jud 1:25 ပူးပေါင်းရင်းမြစ်များ

Ululahu Timoti 1:17

Nafnakno nei siasigla ranghini mae King te funei fabrahu tifa tifa! Mana theome tangomana te lehe eghuteuna tahati theome tangomana te filoni mana, eghuteuna kaisei mana ngala God na. Tahati ginauna na ghatho tahuni nei cheke fakelini nanghagna mana na tifa tifa. Amen.

Jone 5:44

Ghotilo magnahagheidi naiknore te ghatho tahu ghami kolho themi, nu ghotilo theome fariuriu hatani u nafnakno te mei funu ka thegna God na. Eghume thono ninhigrana ghami fara ghotilo te fatutuani ghau iara na.

Letas Teke Riso Tei Mae Pol Ka Khiloau Rom 11:36

Uve, God neke vuavuhadi gobigna lepore, eghuteuna gobigna lepore neke kegra ka nogna nolaghi mana, eghuteuna gobigna lepore nogna ngala mana. Tahati kilo fnaknoni God tifa tifa! Amen.

Profet Isaia 12:2

Tutuani! Lord na nogu God iara, eghuteuna mana neke fakarhi ghau iara. Iara fatutuani ni mana, eghuteuna iara ginauna theome mhaghu. Lord na farheta ghau iara, eghuteuna iara tangomana te koje ka mana na. Eghuteuna gognarona mana fakarhi ghau iara.”

Hibru 13:8

Eigna mare fatutuani ni mae Jisas Kraes gne theome tughu gnora, nei gognaro nei tifa tifa.

Nodi Khoje Hatimare Mae Jiu 147:5

Noda Lord na kaisei mae nafnakno nei nolaghi eghu fara, nei theo kaisei naikno te tangomana te fananaba nogna glalase na.

Thakle 1:6

Mana eꞌei ghita mala pris te mala toghodi nogna naiknore nei mala pogho soruni God Kmagna noda King. Tahati ginauna pala hagheni nanghagna na kligna, eghuteuna kilo fnaknoni fabrahu nogna nolaghi biꞌo na tifa tifa. Amen.

Letas Teke Riso Tei Mae Pol Ka Khiloau Rom 16:27

Ka nanghagna mae Jisas Kraes, tahati cheke fakelini tifa tifa kaisei God mae ihei ngala te lalase fara. Amen.

Matiu 6:13

Thosei snakreni kaisei glepo mala mei fariuriu ghami, nu fakarhi ghami kau nogna nolaghi Satan.’

Profet Daniel 4:37

Iara mae Nebukadnesa, iara gognarona cheke fakelini God mae king gna kligna. Gobigna lepo fateote'o te edi Mana igre thofno keli fara nei doglo eghu. Eghuteuna Mana tangomana te nhaꞌa faparini ihei te magnahaghei nhaꞌa hagheni thegna kligna lahu na.”

Ululahu Kronikols 29:11

Iagho thofno haghe fara, eghuteuna iagho au nolaghi fateote'o. Nanghamu iagho na thono haghe fara, eghuteuna iagho thofno keli fara. Lord iagho king nei iagho funei ka nou nolaghi. Gobigna nafnotu fateote'o te au kligna nei ka nauthoglu igne teu igre nou iagho kolho. Eghuteuna iagho thofno haghe fara, eghuteuna iagho funei frunidi gobigna nafnotu fateote'o.

Efesus 3:21

Tahati nogna khiloau mana eigna tahati kaisei balugna mae Jisas Kraes, tahati ginauna kilo fnaknoni God fabrahu tifa tifa. Amen.

Jone 4:22

Ghotilo naiknomi Samaria gre theome thofno laseni mae ihei te mala tarai lao tagna na. Nu ghehati mae Jiu gre laseni mae ihei te mala tarai lao tagna na. Naugna u nogna puhi God te mala fakarha naikno na mei funu ka ghehati mae Jiu gre kolho.

Profet Isaia 45:21

Ghotilo mei mala chekedi ka iara nomi cheke re ke lamnagna fate igne. Ghotilo tangomana te kulu cheke ghu fari themi mala doglo ghu ka gaoghathomi re. Ihei teke chekedi glepo igre tifa na ame thoke mei nga teku na? Ba? Ghotilo theome laseni? Iara Lord! Iara God mae ihei te doglo fabrahu, eghuteuna iara fakarhi ghami ghotilo. Theo kaisei god ahevanga te jateula iara teuna!

Fapea Pita 3:18

Nu ghotilo mala au fabrahu ka nogna khokofakasai nei glalase noda Lord Jisas Kraes. Tahati kilo fnaknoni tifa tifa nanghagna noda Lord mae ihei teke fakarhi ghita. Amen. Me gnafa. Iara, mae Pita.

Fapea Pita 1:1

Iara mae Simon Pita kaisei nogna mae gloku nei kaisei nogna mae khuru Jisas Kraes. Iara riso ari ka ghotilo iheire te hata nomi thofno fatutuani te keli fara ka God jateula ghehati. Tahati te gnafa na kafe hata u fatutuani igne naugna noda God nei Fakarhaida Jisas Kraes, mana kaisei mae keli nei eni unha te doglo fara.

Ululahu Pita 4:11

Ihei ka ghotilo te toutonuni chekegna God na, mana mala toutonuni cheke teke tusu mei God ka mana kolho. Eghuteuna ihei ka ghotilo te toghodi naiknore, mana eni igne ka nanheta teke tusu ranghini God na. Ka nafnata gloku te keli igre, naiknore ginauna kilo fnaknoni God ka nanghagna mae Jisas Kraes. Nafnakno nei nolaghi biꞌo te au balugna God tifa tifa. Amen.

Taetus 3:4

Neubane eghu ngau tahati, God noda mae Fakarhai na mana falalase ranghi ghita nogna nagnafa lolokeli nei namha teu ranghi ghita nogna naiknore.

Ululahu Timoti 2:3

Tarai jateula igne teuna keli fara, eghuteuna God mae ihei teke fakarhi ghita na jaola keli tagna fara.

Efesus 3:10

Nu gognaro na God ne babana u khiloau gne mala falalase nogna glalase te keli te gnafa God ka hatimare mae engel nei keha nafnata nolaghi langau ka maloa gne.

Efesus 1:8

U khokofakasai igne mana neke tusu mei neke salaꞌui ka tahati balu gaoghatho te keli nei glalase te keli.

Nodi Khoje Hatimare Mae Jiu 104:24

Lord God, iagho edi kmana glepo fara. Gobigna lepo igre falalase puhimu iagho te thofno keli fara na. Uve, nauthoglu igne fodu ka thua nafnotu fateote'o teke vuavuha iagho gre.

Nodi Khoje Hatimare Mae Jiu 78:20

Uve, tutuani fara, God na neke piphike thina re ne loloro mei fabiꞌo khoꞌu na, nu mana theome tangomana te tusu mei gano ka tahati na eghu.”

Letas Teke Riso Tei Mae Pol Ka Khiloau Rom 11:33

Tutuani fara, God na keli fara ka naikno te gnafare! Nogna glalase mana na biꞌo fara nei gaoghathogna mana na krepa fara! Tahati theome tangomana te filo glanini gaoghathogna God na, tahati theome tangomana te ghatho thokedi puhigna mana re!

Luku 1:47

Ka nagnafagu na iara thofno gleale'a fara naugna God neke fakarhi ghau iara.