Letas Teke Rioriso Mae Jud 1:24 - Buka Blahi Ka Cheke Holo

²⁴ Uve, kaisei God ngala tangomana te reireghi ghami te mala leghuni fabrahu mae Kraes. Kaisei mana ngala tangomana hata ghami te tei ka nogna famane namono kligna na. Jare ghotilo ginauna na au gleale'a fara, naugna jare na ghotilo na theo kaisei glepo te jafra ke ulugna God.

Letas Teke Rioriso Mae Jud 1:24 ပူးပေါင်းရင်းမြစ်များ

Fapea Timoti 4:18

Lord Jisas Kraes ginauna hata fajifla ghau iara ka glepo te diꞌa fateote'o, eghuteuna hata tei ghau ka namono kligna aheva mana te King. Tahati kilo fnaknoni mana tifa tifa! Amen.

Efesus 3:20

Nogna nolaghi God te loku ka nagnafada gre tangomana te eni glepo te ulu fara ka unha tahati te toreni ba ghathoni.

Kolose 1:22

Nu gognaro na mae Kraes kela hata fapulo ghami ghotilo mala kheragna God. Mana neke eni igne kau glehegna. Eghume mana tangomana te fakegra ghami ke ulugna God jateula naikno blahi te theo nakhibogna.

Efesus 5:27

Naugna kate hata mei Kraes khiloau na ka thegna na, mana magnahagheni khiloau na te famane keli fifilogna na mala theo kaisei najafra tagna, nu mala thofno doglo fara nei blahi eghu.

Fapea Korin 4:14

Ghehati laseni God na neke fakarha fapuloni noda Lord Jisas Kraes. Eghuteuna mana ginauna nake fakarha fapulo ghami ghehati jateula mae Jisas eghu. Eghuteuna mana ginauna hata ghami ghehati tei balumi ghotilo ka thofno namono gna mana na. Tahati ginauna kegra fodu ke ulugna mana jare.

Thakle 14:5

Mae igre neke theo kaisei cheke chaichaghi te jifla mei ka foflodire. Tutuani fara, mare thofno doglo fara ka tathagna God na.

Letas Teke Riso Tei Mae Pol Ka Khiloau Rom 8:31

Eghume faꞌunha eghu tahati chekedire glepo igre? Tutuani, te kafe phile God baluda tahati na, theo kaisei naikno te tangomana te tapla soru ghita na.

Matiu 16:27

Tutuani fara, iara mae teke mei funu ka God na ginauna nake pulo mei ka nauthoglu igne balu nogna nolaghi biꞌo mae Mama. Eghuteuna, nogna engel mae Mama re ginauna mei balugu iara. Ka narane tuana iara ginauna tabadi naiknore eidi unha gloku teke edi mare.

Ululahu Pita 4:13

Nu ghotilo gleale'a nomi kolho kate au papara ka puhi igne, naugna mae Kraes na jaola neke au papara. Eghuteuna ghotilo ginauna jaola na gleale'a fara kate filoni mae Kraes te thakle mei balu nolaghi nei nafnakno.

Fapea Korin 11:2

Uve, iara reireghi ghami ghotilo fara jateula God jaola te reireghi ghami ghotilo, naugna iara la nhaꞌa chekehi te mala snakre lao ghami ghotilo ka Kraes na. Ghotilo mala jateula khupi eghu ka narane tholaghi na, eghuteuna Kraes ngala khetomi ghotilo na.

Fapea Korin 4:17

Ghehati au papara katha vido te kmoꞌei kolho gognaro na, nu hoholo igne mala togho ghami mala hatani u nakarha te keli te theo ka huigna na ka God kligna! Nakarha igne ke uluni hoholo tuana.

Matiu 5:12

Neuba, ghotilo gleꞌa nei keli tami eghu, naugna ginauna Kmada na taba fabiꞌo ghami ghotilo kligna. Naiknore ginauna para ghami ghotilo jateula teke edi hatimare mae Jiu ka nogna mae profet God tifa ra eghu.”

Letas Teke Riso Tei Mae Pol Ka Khiloau Rom 14:4

Ba, iagho ihei sia mala fateni iagho nogna mae gloku keha funei na? Nogna funei thegna na jame te au nolaghi te mala chekeni te mala loku fakeli ba te loku fadiꞌa mana na. Nu mae gloku igne ginauna na eni fakeli fabrahu nogna gloku na, naugna Lord na toghoni mana ka unha te eni mana na.

Nodi Khoje Hatimare Mae Jiu 21:6

Iagho fablahini mana fabrahu tifa e tifa. Mana thofno glealeꞌa fara naugna iagho ne au balugna mana.

Letas Teke Rioriso Mae Jud 1:21

God namha ghami ghotilo nei mana magnahaghei ghami ghotilo te au fabrahu ka nakarha te doglo. Ofoni narane noda Lord Jisas Kraes nate tusu mei ka nogna kokhoni ghita u karha te tifa.

Kolose 3:4

Thofno nakarhada na jifla mei ka mae Kraes. Eghuteuna kate ke pulo meigna na, mana ginauna hata ghami ghotilo mala au balugna kligna, eghuteuna mana na fafnakno ghami ghotilo jare.

Kolose 1:28

Eghume, ghehati toutonuni u Nonomho te Keli eigna mae Kraes na koba ranghidi naikno te gnafare, nei ghehati cheke faheta nei famane farirhiudi eghu koba. Ghehati cheke ka gaoghatho te keli mala tangomana te toghodi mare te gnafa na mala kotu haghe nei nheta ka nodi fatutuani na ka mae Kraes.

Luku 9:26

Mae ihei te mamaja ghau iara nei mamaja nila chekegu iara mae teke mei funu ka God na teuna, uve, iara ginauna jaola theome kiloni mana kate pulo mei iara balu nogu siasigla nei balu nogna nolaghi biꞌo mae Mama nei balu nodi nolaghi hatimare mae engel te blahi.

Matiu 25:31

Aonu mae Jisas ne cheke eghu, “Ka narane na teke pulo mei iara na, iara na mei balu nogu nolaghi biꞌo. Nogu tothoghei engel iara re ginauna mei balugu iara. Eghuteuna iara mae King na ginauna gnokro ka sape nafnakno.

Matiu 19:28

Mae Jisas ne cheke eghu ka mare, “Tutuani fara, te chekeni iara ka ghotilo na. Kate thoke mei nogna nauthoglu majaghani God na iara mae teke mei funu kligna na ginauna gnokro ka sape nafnakno. Eghuteuna ghotilo te gnafa te leghu ghau iara gre ginauna jaola gnokro ka nabotho phei sape nafnaknore. Eghuteuna ghotilo ginauna funei frunidi nabotho phei vikegna Israel.

Nodi Khoje Hatimare Mae Jiu 43:4

Eghume iara ginauna tei ka nou olta mala fafara. Nogu God, iara ginauna hata gita mala koje balu kilo fnaknoni nanghamu na. Uve, iara thofno glealeꞌa fara naugna iagho ne toghodi nou naiknore.

Jemes 2:10

Mae ihei te leghu fakelini nogna vetula God na nu theome leghuni kaisei vido cheke ka vetula na teuna, mae tuana kafe huhughuni nogna vetula God na.

Fapea Pita 1:10

Eghume, kheraguro, God neke kilo ghami nei vahi ghami mala nogna thegna. Hati nhetami na mala filo glani igne ka nakarhami na. Jame eni ghotilo igne na, ghotilo ginauna theome tangomana te tei kokoni u nabrou te tei thokei ka thofno nakarha te tutuani na.

Levitikas 14:11

Eghuteuna pris ginauna mala atha mei mae igne balu nogna fafara, eghuteuna phia mare mala mei ke ulugu iara Lord ka grengatha gna Suga Tapuale te Blahi na.