Letas Teke Rioriso Mae Jud 1:18 - Buka Blahi Ka Cheke Holo

¹⁸ Mare neke cheke eghu ka ghotilo, “Kate namo mei narane leghu lahu na keha naiknore ginauna maꞌeni Nonomho te Keli gne. Mare magnahaghei te leghudi kolho gaoghathodi thedi te diꞌa fara re nei mala tirodi leghuni God.”

Letas Teke Rioriso Mae Jud 1:18 ပူးပေါင်းရင်းမြစ်များ

Fapea Pita 3:3

Ghotilo mala thofno laseni eigna glepo igne. Na theome raugha ka nauthoglu gne keha naikno ginauna mala edi glepo te diꞌa te magnahaghedi thedire. Naikno igre ginauna mei maꞌe ghami ghotilo.

Fapea Timoti 4:3

Naugna ginauna tahati na thoke ka narane nate tirodi fanomho naiknore ka thofno farirhiu na, nu naiknore ginauna leghudi kolho nodi gaoghatho thedire. Eghuteuna mare ginauna hiro mae velepuhi tafri mala nomhini kolho u farirhiu te magnahagheni thedi na.

Fapea Timoti 3:13

Tutuani fara, naikno te diꞌa nei mae velepuhi chaichaghi teu igre ginauna diꞌa fara puhidire. Mare ginauna chaghidi koba naiknore, nu mae Satan ginauna nake chaghi fapulo dila mare.

Fapea Pita 2:1

Tifa na kmana mae profet chaichaghi farihotei naiknodi Israel. Eghuteuna hatimare mae velepuhi chaichaghire ginauna jaola kegra haghe farihoteimi ghotilo. Mare ginauna farirhiu chaichaghi ghami ghotilo nu theo kaisei naikno ghosei te filo glanini u najafra te eni mare na. Eghuteuna mare ginauna fariuriu fadiꞌa ghami ghotilo, naugna mae velepuhi igre neke figri tagruni nodi Lord Jisas, mae ihei teke fakarhidi ka nakhibo. Eghume God ginauna ghosei roꞌedi mare naugna mare neke leghuni nodi puhi thedire.

Mae Khuru 20:29

Naugna iara la kulu lasenihi igne. Ke leghugna te tei koko ghami iara ginauna, keha naikno te diꞌa puhidire ginauna mei fariuriu lalamadi naikno ka khiloau gne.

Letas Teke Rioriso Mae Jud 1:16

Mae igre mae mala eꞌei puhi nei cheke diꞌa koba eghu kolho. Mare magnahaghei te leghudi kolho gaoghathodi thedi te diꞌa fara re nei mare mae fahaehaghe fara la eghu. Eghuteuna mare mae lase famaemahe fara ka keha naiknore mala toghodi thedi kolho.

Fapea Pita 2:10

U fate tuana tulao maladi iheire te tapla jafra ka nakhibo te magnahagheni fara thedi, nei maladi iheire te filo faparini nogna nolaghi God. Mae velepuhi chaichaghi igre thono patugama fara, nei mare magnahaghei te leghudi kolho nagnafadi thedire. Eghume mare theome mhaghu te cheke fadiꞌadi engel di klignare.

Letas Teke Rioriso Mae Jud 1:4

Iara chekeni igne ka ghotilo naugna keha naikno te tirodi leghuni God re poru la ruma meihi ke lamna khiloau. Naikno igre cheke fadiꞌani koba chekegna God na. Mare chaghi nei cheke eghu koba, “Neubane edi tahati puhi te diꞌare, theome fadiꞌa ka God naugna God namha ghita fara.” Eghuteuna mare tirodi fatutuani ni noda funei kaisei ngala mae Jisas Kraes. Nu tifa na hatimare mae profet neke kulu chekenihi u fate biꞌo nate thoke mei ginau ka nafnata naikno igre.