Letas Teke Rioriso Mae Jud 1:17 - Buka Blahi Ka Cheke Holo

¹⁷ Uve kheraguro, thosei ghatho ihodi cheke teke edi hatimare nogna mae khuru noda Lord Jisas Kraes tifa ra.

Letas Teke Rioriso Mae Jud 1:17 ပူးပေါင်းရင်းမြစ်များ

Fapea Pita 3:2

Iara magnahaghe ghami ghotilo te ghathodi cheke teke edi hatimare mae profet blahi tifa ra. Eghuteuna ghotilo ghatho dila nogna cheke Lord mae ihei teke fakarhi ghita ia eghu. Ghehati mae khuru gre neke toutonunihi cheke igne ka ghotilo.

Ululahu Jone 4:6

Nu tahati nogna God. Ihei te laseni God na fanomho ka tahati, nu ihei te theome nogna God na theome fanomho ka tahati. Eghume, igne puhi te mala laseni tahati gaoghatho te tutuani ba chaichaghi.

Efesus 4:11

Eghuteuna Jisas mae ihei teke tusu mei ka tahati u khokofakasai te mala loku ranghini God. Mana neke vavahi keha mae mala khuru, keha mae mala profet, keha mae mala toutonu eigna Nonomho te Keli, keha mae mala velepuhi nei reireghini nogna khiloau na.

Mae Khuru 20:35

Ka nogu gloku te gnafare, iara falalase ka ghotilo unha jame te edi koba tahati te mala toghodi iheire te nigra. Eghume tahati thosei ghatho ihoni u chekegna noda Lord Jisas, teke cheke eghu mana ia, ‘Mae ihei te tuatufa na, mana keli tagna fara ke tulaogna mae ihei te hata glepo malagna thegna kolho.’  ”

Profet Malakai 4:4

“Ghotilo mala ghatho tahudi nogna farirhiu mae nogu gloku iara mae Moses, nei vetula teke tusu lao iara ka mae Moses ka Thogele Sanai ra eghu malami ghotilo te gnafa Israel.

Efesus 2:20

Tahati naikno khiloau na jateula kaisei suga teke horo God eghu. Suga igne babana famaku ke klignadi hatimare mae khuru nei hatimare mae profet, jateula gogho thina eghu, eghuteuna thofno thina ulugna suga igne thegna mae Jisas Kraes ngala.

Hibru 2:3

Eghume, te theome ghatho tahuni tahati chekegna God te mala thofno fakarhi ghita na, tahati theome tangomana te fafraini glehe na. Thegna Lord neke kulu cheke eigna u karha igne. Eghuteuna iheire teke thofno nomhini ka thegna mana u cheke igne, mare fatutuani neke cheke eghu ka ghehati, “Thono tuani fara.”

Letas Teke Rioriso Mae Jud 1:3

Ranghi ghami kheraguro, ulu lahu na iara magnahaghei te rioriso ari ka ghotilo kaisei letas eigna God te fakarhi ghita tahati te gnafa. Nu gognaro na iara thono tahu mei ka gaoghathogu na te mala rioriso letas igne, mala nheta ghotilo. Iara magnahaghei ghami ghotilo te magra heta mala loku famaku thofno cheke tela fatutuani nihi tahati igne. U thofno cheke igne God neke tusu mei kaisei fata ngala ka nogna naiknore, eghuteuna na keli fabrahu tifa tifa.