Letas Teke Rioriso Mae Jud 1:16 - Buka Blahi Ka Cheke Holo

¹⁶ Mae igre mae mala eꞌei puhi nei cheke diꞌa koba eghu kolho. Mare magnahaghei te leghudi kolho gaoghathodi thedi te diꞌa fara re nei mare mae fahaehaghe fara la eghu. Eghuteuna mare mae lase famaemahe fara ka keha naiknore mala toghodi thedi kolho.

Letas Teke Rioriso Mae Jud 1:16 ပူးပေါင်းရင်းမြစ်များ

Fapea Pita 2:18

Mare fahaehaghedi fara eidi nodi cheke te theo nafudire. Mare batudi keha naiknore mala eni unha te diꞌa na ka thinidire. Ka puhi igre mare korho fapulodi naikno teke funu rikha kokodihi puhi te diꞌare.

Fapea Pita 2:10

U fate tuana tulao maladi iheire te tapla jafra ka nakhibo te magnahagheni fara thedi, nei maladi iheire te filo faparini nogna nolaghi God. Mae velepuhi chaichaghi igre thono patugama fara, nei mare magnahaghei te leghudi kolho nagnafadi thedire. Eghume mare theome mhaghu te cheke fadiꞌadi engel di klignare.

Filipae 2:14

Uve, te chekeni iara ka ghotilo na, thosei au cheke leghugna nei thosei khuru magra eghu.

Ululahu Pita 4:2

Eghume kani au teu ghotilo ka nauthoglu igne, ghotilo thosei leghudi glepo te diꞌa te magnahagheni fara thini na. Blahi. Ghotilo leghuni kolho unha te magnahagheni God na.

Ululahu Timoti 6:5

Mare magra koba eghuteuna theome au kaisei gaoghatho te doglo ka nagnafadire. Mare theome tangomana te filo glani kaisei glepo te tutuani. Mare cheke eghu ka gaoghathodi thedire, “Te loku ranghini God tahati na ngala kaisei nabrou te mala dedei na.”

Ululahu Korin 10:10

Eghuteuna tahati mala thosei buiburini nogna gloku God ka nakarhadare jateula mare eghu, eigna engel gna glehe na neke falehedi mare.

Letas Teke Rioriso Mae Jud 1:18

Mare neke cheke eghu ka ghotilo, “Kate namo mei narane leghu lahu na keha naiknore ginauna maꞌeni Nonomho te Keli gne. Mare magnahaghei te leghudi kolho gaoghathodi thedi te diꞌa fara re nei mala tirodi leghuni God.”

Fapea Pita 3:3

Ghotilo mala thofno laseni eigna glepo igne. Na theome raugha ka nauthoglu gne keha naikno ginauna mala edi glepo te diꞌa te magnahaghedi thedire. Naikno igre ginauna mei maꞌe ghami ghotilo.

Ululahu Pita 2:11

Uve kheraguro, ghotilo jateula naikno fasigho nei mae phosa eghu ka nauthoglu igne naugna ghotilo theo kaisei namono ka nauthoglu gne te thofno namonomi ghotilo na. Eghume, iara thofno tore ghami ghotilo mala au fadelei ka glepo te diꞌa te magnahaghedi thinimire. Naugna glepo te diꞌa igre magra ka nakarhami ghotilo re.

Nodi Khoje Hatimare Mae Jiu 15:4

Mana theome mala fofodu ka ihei te tapla jafra ka nakhibo, nu mana mala ghatho tahudi iheire te leghu nigho re. Mana mala edi unha teke nhaꞌa chekedi thegna re, neubane ninhigrana ranghini.

Levitikas 19:15

“Kate fateni ghotilo kherami na ka kot, ghotilo fateni mana ka puhi te doglo. Jame kaisei mae kuma tei ka kot, ghotilo thosei kaisei phile fara ka mana naugna te kuma mana na. Eghuteuna jame mae dedei tei ka kot, ghotilo theome ghatho tahuni fara mana naugna mana mae dedei. Ghotilo fatedi phia mare kaisei nanaba kolho.

Letas Teke Rioriso Mae Jud 1:15

Mana ginauna fatedi naikno diꞌa te gnafa ka nauthoglu gne, eghuteuna paradi fara naikno te theome leghuni mana re, naugna mare ne edi glepo te diꞌare nei cheke fadiꞌani mana.”

Ululahu Pita 1:14

Tifa na ghotilo neke theome lalase, ghotilo neke leghudi kolho puhimi themi te diꞌare. Nu gognaro na ghotilo magnahaghei te leghuni God. Eghume thosei ke au ka nafnata nakarha teke au ghotilo tifa ia.

Galesia 5:16

Eghume te chekeni iara ka ghotilo na, snakreni mae Tharunga te Blahi mala batuni nakarhami na. Eghuteuna ghotilo ginauna na theome tangomana te eni unha te magnahagheni thinimi na.

Jone 6:61

Neubane theome nomhidi ngau, mae Jisas lasenihi te buiburi mare eigna u farirhiu igne. Aonu mana ne cheke eghu ka mare, “Ba, ka farirhiu igne nu la tiromi leghu ghau la iara eghu si ghotilo ia?

Profet Isaia 29:24

Naikno te theome muana gaoghathogna nei ihei te khuru cheke teu igne, ginauna lase fakeli ghau iara nei ginauna leghudi nogu farirhiu iara re.”

Nodi Khoje Hatimare Mae Jiu 17:10

Hatimare cheke fabiꞌo fara balu pala haghedi kolho nangadi thedire. Eigna mare tirodi kokhonidi kolho keha naiknore.

Naba 16:11

Iagho baludi keha kheramu teu are, ne cheke faparini hila mae pris Eron eghu si ghotilo gaoghathomi na ia. Theo fara! Tutuani, ghotilo cheke faparini kolho Lord!”

Fapea Timoti 4:3

Naugna ginauna tahati na thoke ka narane nate tirodi fanomho naiknore ka thofno farirhiu na, nu naiknore ginauna leghudi kolho nodi gaoghatho thedire. Eghuteuna mare ginauna hiro mae velepuhi tafri mala nomhini kolho u farirhiu te magnahagheni thedi na.

Ululahu Tesalonika 4:5

Thosei lisa lao thinimi are ka gnognoro jateula naikno te theome laseni God ra eghu.

Galesia 5:24

Naikno te leghuni mae Jisas Kraes re mare neke tupijuruni hi puhi te diꞌa fateo te magnahagheni naiknogna nauthoglu gne baludi gaoghatho te diꞌa fateo te magnahaghei eni unha te diꞌa.

Jone 6:41

Ka vido tuana hatimare mae Jiure ne funu buiburini mae Jisas. Mare buiburini mae Jisas naugna mana ne cheke eghu, “Iara ngala u gano teke mei funugna kligna na.”

Luku 19:7

Naiknore ne kafe filoni igne ne funu buiburini mae Jisas ne cheke eghu, “Filo si ghotilo! Tahati laseni mae Sakias gne kaisei mae gnognoro fara, eghuteuna mae Jisas gne la mei ka sugagna mana na!”

Luku 15:2

Hatimare mae Farasi nei mae velepuhigna vetula nogna mae Moses eghu filoni igne ne buiburi ne cheke eghu, “Mae igne fofodu baludi mae te diꞌa igre, eghuteuna tangomana te ghamu baludi mare!”

Luku 5:30

Nu keha mae Farasi nei keha mae kheradi mae velepuhigna vetula nogna mae Moses eghu ne thono buiburi fara ne cheke eghu ka nogna mae fanomho mae Jisas re, “Naugna unha site ghamu fodu ghotilo ka naikno te diꞌa mala salo takis nei keha naikno te diꞌa teu gnea?”

Proveb 28:21

Theome doglo mae mala fate na te phile ka keha na, eghuteuna faparini keha na teu ka fate na. Nu kakatha vido gano kolho te mala famaemaheni mae fate igne.

Nodi Khoje Hatimare Mae Jiu 106:25

Mare au neu ka nodi suga thapuale re ne cheke buiburini God, ne tirodi leghuni mana.

Thoutonu Eigna Mae Job 34:19

Mana theome phile baludi mae mala baubatu, eghuteuna mana theome fanomho ka mae te dedei nei mae te kuma, naugna mana ngala teke vuavuhadi mare te gnafa na.

Thoutonu Eigna Mae Job 32:21

Job, iara ginauna na theome phile balumu iagho, eghuteuna iara theome tangomana la te phile baludi thilo mae igre. Eghuteuna iara ginauna na theome fariuriu mala famaemaheni kaisei mae ka ghotilo.

Diutronomi 1:27

Mare au neku kolho ka nodi suga tapuale re, neke khuru cheke eghu, ‘Jauna Lord na tirogna ghami ghehati eghume mana hata fajifla ghami Ijep mala lehe ka khamedi kokhologna mae Amoa.

Naba 14:36

Aonu nabotho mae teke kuru tei mae Moses mala tei filo ka vido tuana, Lord ne paradi mare ka kaisei khabru te diꞌa fara ne lehe mare. Mana eni igne naugna nabotho mae igre pulo neke tonu chaghi ka naiknore.

Naba 16:41

Ka keha narane na, naiknore mei ne cheke balu diꞌatadi ka Moses ghe pris biꞌo Eron ne cheke eghu, “Ei! Ghopa falehedi nogna naikno Lord re!” Eghuteuna kate cheke balu diꞌatadi te gnafa ka Moses ghe Eron na mare filo tei ka nogna Suga Tapuale te Blahi Lord na, ne filoni khoveo te toku tafru Suga Tapuale te Blahi na eghuteuna siasigla gna nogna nolaghi Lord na ne agha tongana ka vido tuana.

Nodi Khoje Hatimare Mae Jiu 73:8

Mare maꞌedi naikno te doglo puhidire, eghuteuna mare chekedi ngala glepo te diꞌare. Mare thono fahaehaghedi fara, eghuteuna mare loku ka majora na malagna te goigonidi keha naiknore.