Josua 8:31 - Buka Blahi Ka Cheke Holo

³¹ Mana ne thofno leghuni unha teke chekeni mae Moses nogna mae gloku God igne. Nogna vetula mae Moses igne cheke eghu, “Ghotilo mala babana kaisei olta ka thina, nu ghotilo thosei kato thinare ka aean.” Ka olta igne, mae Israel igre mala fafara gano teke gahu ka khaꞌaghi, nei jaola fafara gano te mala kaisei nagnafa balugna God.

Josua 8:31 ပူးပေါင်းရင်းမြစ်များ

Fapea Kronikols 35:12

Aonu hatimare mae Livaet igre ne tuatufa sipu nei nanigot teu igre, eghuteuna mare vavahi vido nafnahi mala fafara. Eghuteuna mare falao vido nafnahi igre ka soasopai tharaknadi naiknore. Aonu tharakna igre ne fafara ka Lord leghuni nogna Vetula mae Moses. Eghuteuna mare ne jateula tuana neu ka buluka re.

Josua 1:8

Leuleghu fata na iagho iuꞌiju koba buka vetula igne, eghuteuna iagho farirhiudi naiknore eidi cheke te au ka buka na igre. Eghuteuna bongi narane na iagho ghaoghatho fakeli leghudi cheke igre mala tangomana iagho te edi unha te chekedi ka vetula na igre. Jame te eghu iagho na, nou gloku iaghore ginauna na thofno keli fara.

Eksodas 24:5

Gnafa teuna mae Moses ne kurudi keha mae majaghani mala tei fafara ka Lord. Mare jaola ne fafara keha buluka mala au ka pharikeli balugna God.

Eksodas 18:12

Aonu mae Jetro ne fafara ka God glepo tautagu te thofno krono fara. Mana ne jaola ne eni keha fafara na ka God. Eghuteuna mae Eron nei hatimare mae biꞌodi Israel gre ne mei ima balugna mae Jetro ke ulugna God.

Matiu 12:26

Eghume jateula tuana eghu, jame te brueni mae Satan nogna tothoghei naitu thegna na, nogna tothoghei naitu mana tuare ginauna magra farithedi. Eghume, jame te eghu mare na, nogna tothoghei mana tuare ginauna theome kegra maku kolho.

Nehemaea 13:1

Ka narane igne naiknore mei ne khapru, eghuteuna mare ne iuꞌiju fabiꞌo nogna Vetula mae Moses na mala tangomana naiknore te kafe nomhini. Kate nomhini igne, mare laseni te theo kaisei ka vikegna Amon, ba ka vikegna Moab te au nodi nolaghi te mala gnokro baludi mae Israel ka nogna nakhapru God na.

Esra 6:18

Ka narane tuana, mare ne fablahidi mae pris nei mae Livaet mala loku ka nogna Sugablahi Lord igne Jerusalem, leghuni unha te chekeni ka nogna buka mae Moses.

Fapea Kronikols 25:4

Nu mana neke theome falehedi thugna manare, naugna mana leghuni unha teke chekeni Lord ka nogna vetula mae Moses. Ka vetula igne Lord neke cheke eghu faheta, “Jame kaisei mae sitei huhughuni vetula na, eghuteuna mana nabagna te lehe tagna na, ghotilo theome tangomana te faleheni kmagna mana na. Eghuteuna jame kaisei mae huhughuni vetula na, eghuteuna mana nabagna te lehe tagna na, ghotilo ginauna thosei faleheni thugna mana na. Mana thegna mala lehe eigna nakhibogna thegna na.”

Fapea Kings 22:8

Mae Hilkaea mae pris biꞌo na ne cheke eghu ka Safan mae sekretri na, “Iara kela filonihi Buka gna Vetula ia ke lamna nogna Sugablahi Lord.” Eghuteuna mana tusu lao buka igne ka mae Safan mala iuꞌiju mana.

Fapea Kings 14:6

Nu mana theome aknu falehedi thudi phiamare re, naugna mana leghuni unha teke chekeni Lord ka nogna Vetula mae Moses igne, “Jame kaisei mae sitei theome leghuni vetula na, mana nabagna te lehe, nu ghotilo theome tangomana te faleheni kmagna mana na. Eghuteuna jame kaisei mae theome leghuni vetula na, ghotilo theome tangomana te faleheni thugna mana na. Eigna naikno igne mala lehe ka nogna najafra thegna.”

Diutronomi 27:2

Ka narane nate tei kasa ghotilo ka Khoꞌu biꞌo Jordan te mala tei ka glose aheva te thofno keli fara Lord, nomi God teke tusu ari ka ghotilo igne, ghotilo ginauna fakegra haghe keha thina biꞌo ka thogele Ebal. Ghotilo ginauna lilisei plasta vegha ka thina igre. Aonu cheke te gnafa te au ka vetula na igne, ghotilo mala rioriso ka plasta ka thina igre.

Diutronomi 27:8

Eghuteuna ghotilo mala famane rioriso fakeli cheke igre ka thina teke plasta ghotilo igre.