Josua 7:19 - Buka Blahi Ka Cheke Holo

¹⁹ Eghuteuna mae Josua ne cheke eghu ka mae Ekan, “Ghema, iagho gognarona kegra ke ulugna God, noda Lord tahati maeda Israel! Iara magnahaghei nigho iagho te cheke thakledi unha teke edi iaghore. Iagho thosei pophoru kaisei glepo ka iara.”

Josua 7:19 ပူးပေါင်းရင်းမြစ်များ

Profet Jeremaea 13:16

Ghotilo mala ghatho tahuni Lord, mae ihei te nomi God ghotilo. Uve, ghotilo fafnaknoni Lord, glahu kuru meini mana gromno na mala totokhei ghotilo ghahemire kate tei ghotilo ka thogelero. Ghotilo magnahagheni fara naphae na, nu mana ginauna kuru meini gromno na mala theome filoni ghotilo kaisei glepo.

Jone 9:24

Hatimare ne fapea kilo meini mae teke dofu tifa na ne cheke eghu ka mana, “Ghema, iagho mei agne mala nhaꞌa cheke ke ulugna God, mala chekeni iagho unha te tutuani na! Ghehati laseni mae te fakelidi phei tathamu iagho gre mana kaisei mae diꞌa fara puhigna na.”

Fapea Kronikols 30:22

Eghuteuna Hesekaea ne kelitagna fara ka mae pris nei ka mae Livaet teu gre eigna nodi gloku mare na, naugna laseni fara puhi te mala batudi naiknore te mala tufru soruni Lord. Ka fitu narane igre, mae pris nei mae Livaet teu gre mare cheke fakelini Lord nodi God kuꞌedi tifa ra, eghuteuna mare ghamu gano teke fafara mare ra mala au ka pharikeli balugna Lord.

Ululahu Samuel 14:43

Aonu king ne ghusna eghu ka mae Jonatan, “Unha teke eni iagho na?” Eghuteuna mana ne cheke eghu, “Iara neke jaꞌi lao khodo na neke ghamu katha jurukuli kolho. Iara na au agne mala lehe.”

Proveb 28:13

Jame te pophoru iagho nakhibomure, iagho ginauna na theome au fakeli. Nu jame te cheke thakledi iagho nakhibomure, eghuteuna figri tagrudi iagho nakhibo igre teuna, God ginauna kokhoni nigho iagho.

Nodi Khoje Hatimare Mae Jiu 32:5

Nu, Lord, u gaoghathogu na iara magnahaghei te cheke thakledi nakhibogure ka iagho. Eghume, iara neke eni tuana. Ke leghugna te cheke thakledi iara nakhibogure ka iagho na, iara neke theome porudi nakhibogure. Kate cheke thakledi te hui iara re, iagho hata kokodi najafragu nei nakhibogu teu iara re.

Thakle 16:9

Neubane thunu ngau, naiknore heta ghedi te cheke faparini nanghagna God mae ihei te au nolaghi frunidi papara biꞌo igre. Nu naiknore ne tirodi tughu nagnafa nei tirodi pala hagheni neu nanghagna God na.

Jemes 1:20

Naugna ihei te diꞌatagna na, mana theome tangomana te eni unha te doglo ke ulugna God na.

Taetus 2:2

Famane farirhiudi goro mae biꞌo are mala reireghi fakelidi thedi, mala au fakeli, nei mala lalase eghu. Nu mala nheta nodi fatutuani na, nei mala nheta nodi namha na, nei mala loku famaku ka unha glepo te keli na.

Fapea Timoti 2:25

Mana theome mala diꞌatagna kate farirhiudi iheire te theome kaisei gaoghatho ka mana re. Nu mana jame thoghei taegodi ka puhi te doglo, God glahula te tangomana te toghodi naikno tuare mala tughu nagnafa nei lase fakelini u thofno farirhiu te tutuani na.

Letas Teke Riso Tei Mae Pol Ka Khiloau Rom 10:10

Naugna te fatutuani tahati ka nagnafada na, God na togho ghita mala au doglo ka tathagna thegna na. Eghuteuna te cheke thakleni tahati noda fatutuani na, God ginauna na fakarha ghita.

Luku 17:18

Ba, ne faꞌunha si mae te theome mae Jiu igne ngala teke pulo mei teke kilo fnaknoni God gnea?”

Profet Isaia 13:12

Thofno kmana naikno fara ginauna lehe, eghuteuna iara ginauna snakredi keha ghu kolho nate au na, ginauna na ninhigrana fara na teke filodire. Jateula te ninhigrana fara te filo deni famane gol ia eghu.

Nodi Khoje Hatimare Mae Jiu 51:3

Iara filo glanidi puhi te diꞌa teke edi iara re. Iara ghathodi fabrahu nakhibo teke edi iara re.

Josua 7:20

Aonu mae Ekan ne cheke eghu ka mae Josua, “Tutuani fara, iara la jafrahi ke ulugna God, noda Lord. Uve, igne unha teke eni iara na:

Fapea Kings 20:15

Mae profet Isaia ne cheke eghu, “Unha te filoni mare ke lamnagna nou suga iagho na?” Mae Hesekaea ne cheke eghu, “Mare filodihi gobigna lepo fateote'o te au ke lamnagna nogu suga iara na, theo kaisei glepo te poruni iara ka mare na.”